Mizo holhhmanh tthatthi in a thiam ve lo mi nih Mizo holh in an chonh pinah an thah beh

Ruah ah lung a fak tuk ko e, Mizo holhhmanh tthatthi in a thiam ve lo mi nih Mizo holh in an chonh pinah an thah beh.Sangau mi zeimawzat nih a kathei mi zong nan um lai kazumh, Keimah hi Sangau ah 2003 in 2005 tiang khua a saa ve mi ka si i an ruahnak le an sining hi zeimawzat cu kathei ve, an kuat zong ka rak tuar ve bal cang an kaa cun Laimi an ti ko nain 100%20 lawng hi dawtnak le zawnruahnak an ngei cucaah an ruahnak le an lungthin hi cohlan dih awk ah an ttha hrim2 lo.

Kan Unau pa thihnak kong zongah hin a chungin a thup mi biathli tampi a um lai ti cu a fiangtuk mi asi a ruang cu khuachak Myanmar mi kan si caah thuh le pheh in i tim zungzal lai anmah Ram mi si hnasehlaw 100%100 in a fiang cang lai cucaah zeitik hmanh ah an kaa lawng2 in kan unau an ti lai i an thinlung chung cun khuachak Myanmar tinak lungthin le kutthlak duh nak lungthin kha zeitik hmanh ah an thlau kho lai lo cucaah kan i ralrin peng a herh mi asi. By:Bawi Za Lia

Relchap; Thantlang ah COVID-19 mizaw minung pahnih hmuh. Chin Ramkulh, Hakha Pengkomh, Thantlang khuapi ah Facility Quarantine in chiah mi minung pahnih hna sin in COVID-19 zawtnak 2021 January 2 zinglei sang ah hmuh an si tiah Thantlang sii-inn-uk sin in thawng kan theih. “Atu zawtnak hmuh mi hna hi Mandalay ah ngandamnak lei zohfel ah a kal mi an si. An rak kir le cangka in Thantlang ah Facility Quarantine in kan chiah mi hna an si,” tiah Thantlang sii-inn-uk nih The Hakha Post ah a chim.

Atu zawtnak hmuh mi hna hi an pahnih in kum upa veve an si cang tiah theih a si. Thantlang khuapi chung ah Home Quarantine in a ummi minung 18 le Facility Quarantine in a um mi minung 15 an si. COVID-19 zawtnak a chuah ka in Thantlang ah zawtnak hmuh mi hi atu in minung pali an si. The Hakha Post

Relchap ding thawngpang dang, AA NIH NLD MP-3 AN HRENMI AN CHUAH HNA. JAPAN ENVOY KAWA THAWNGIN REM NAK A CHUAK. NLD nih lawmhnak an chim. Arakan Army Chief Major General Thun Myat Niang le Myanmar Army Peace Committee Chief Lt. General Yapih hna nih 30 December, 2020 ah Online in Minutes-30 chung remnak an ceih hnu ah Rakhiang ram Taungkuk NLD MP-3 hna cu January 1,2021 ah khan Minpyia Khua pawng Minchuangtat ramri ah Army Helicopter in Western Army Commander Brigadeir Shoe Tint nih a va lak hna hnu ah Rakhiang CM U. Nyi Puh he Army Command Ann Hqr. Hall ah baihalnak an nei dih hnu ah Sittwe Khuapi ah an kalpi hna.

Hi NLD Taungkuk MP-3 Daw. Chit Chit Chaw, Daw. Ni Ni May Myint le U. Min Aung hna hi AA nih 14/Oct/2020 ah khan an tlaih hna. A tu hi Taungkuk in NLD MP asi liomi an si i, an mah an thlah dih tlawmpal ah AA nih cun, Ralkap an tlaihmi-3 hna zong Paletwah ramri ah Army Receipt group sinah an pek hna ti’ah AA hruaitu Spokesman Khiang Tukkhah nih a chim.

Hi AA, Ralkap le NLD Cozah an i remkhawhnak dingah Japan Nippon Foundation Chairman le Myanmar Peace Envoy Mr.Yohei Sasa Kawa nih Ralkap le AA bawi pawl Online in a chawnh hnu ah Lt. Gen.Yapih nih AA Chief Maj Gen. Thun Myat Niang sinah a nawl bantukin AA nih rem nak ca’ah kan chuahmi asi ti’ah Spokesman U. Khiang Tukkhah nih a chim i NLD CEC zong nih AA sinah lunglawmhnak an chim i, Myanmar ram 2021 remnak le daihnak ca’ah thawngtha asi ti’ah NLD Spokesman Dr. Myo Ngut nih ati.

AA hi NLD Cozah nih 23 March,2020 ah khan terrorist Armed Group ah an phuang i AA bawi zik a chawntu Myanmar 7day News Editor zong Cozah nih an rak tlaih cang. Nippon Foundation Chairman Yohei Sasa Kawa nih AA, Army le a Cozah karlakah remdaihnak a tuah hna. AA le Ralkap cu an i rem na’in UEC Chairman U. Hlah Thein le Councillor Daw.Aungsan Suukyi sinah Rakhiang, Shan le Kachin ramthen cheukhat ah Bye- Election tuah zok dingin a halmi belte UEC le NLD Cozah nih an duh loh ti’ah Mr.Sasa Kawa nih a chim.

AA le Army hi January,2021 ah hin, Rakhiang ram Khuapi Sittwe ah i tawnnak nei tha’n dawh an si. Kahdaihnak (Ceasefire) zong 31January,21 tiang an thial( extension)ti’ah thawng kan theih. Army Chief Sr. General Min Aung Hliang le NLD President Daw. Suukyi zong January zarhhnih nakah a thlithup in an i hmu tha’n lai ti’ah News Agency pawl sinin theih asi fawn. Credit: MC Biklian