Mizaw Zual: December 7, 2020 Ni Ah Motor Cycle In Fak Tuk In Aa Khawng Ruangah

26-12-2020(Zerhpi ni) Mizaw Zual: 1. Pu Van Lal Mawi(47) Ruabuk, Thantlang Peng (Nupi fa cawm). 2. Nu pi. Pi Nu Sung, Hmunhlipi, Thantlang peng.

Mizaw Sining tuarning: Pu Van Lal Mawi(47) cu December 07, 2020 ni ah Motor cycle in fak tuk in aa khawng. Hakha Siizung ah ni 20 aa thlop i, a hma cu a dam ko nain lungmolh phun in a um caah Mandalay Siizung pi ah an kalter hna.Sifak harsa tuk le an si fawn. Bia lo a chim, a tli a le, a tek a cawl i tlaih har le zohkhenh har taktak in a um. Zan khuadei minung pa 3-4 nih tlaihrep zungzal a hau.Mizaw cawng hrimhrim an baa hringhran.

Rualchan hawikom tete nih an i thlopnak caah an rak bawmhmi phaisa in ii zaat dawh an si ti lo. An vansang tuk i Mandalay Sii inn pi ah ii thlopnak dingah bawmhnak zaangfah an kan hal. Kyats – 700,000/- hrawng hi an i zaa lai tiah ka zumh. Zei kan ti hnga. 2020 kum donghnak bik ah cang ko sawh seh. Retheih le lungsau a hamtu vialte Bawipa nih thluachuah in pe ko hna seh..Amen. Cung Hu, 09400305298.

Nizan zongah zaantim bak in Pyi Oo lwin Sizung ah an kalpi mi kong zong relchap khawh a si. 22-12-2020(Zaantim) Pin-o-lwin(May myo) Siizung ah Emergency in tlikpi a haumi, harsa mizaw zualhma cu zaantim 12:00 Pm ah Hakha in Sagaing tiang kan thlah. Lungcawi khua taw le Leium phak lai bel ah kan motor aa ciangkuang deuh lo i kan Ambulance pa khat nih a rak chaan tthan.

Motor mawng kan i zaa ti lo i keimah nih ka mongh i ka baa ngai nain kaa nuam khim ko. Man lo tein kan thlah hna pin ah Kyats=50,000/- kan rawnh chih hna. Motor kong Kan vansan lio ah kan sin ah a rung ummi Pathian a Min thangthat si ko seh. Amen. Cung Hu, 09400305298.

Hi Christmas Thawngtha hi rak relchap hmanh a tha lawlaw. CHRISTMAS REMNAK LE DAIHNAK, NAN CUNG CIO AH. Vawlei Ralpi Pakhatnak cu July 28, 1914 ni ah a van i thok. Khatlei ah Germany, Austria-Hungary, Bulgeria le Ottoman Empire (Turkey) cu an tang ti hna. A khatlei baak ah Great Britain (England), France, Russia, Italy, Romania, Japan, le United States cu an tang ve. December 17, 1903 ah Dayton, Ohio ah khuasa cycle siammi Wright te unau Wilbur Wright le Orville Wright nih an sermi vanlawng ser thiamnak cu an i lak cio i raldohnak vanlawng cu an hman cio.

Vawlei cung ramfim le ramrum hna cu ‘phung e phang e’ tiah bom le meithal in i kap hna kaw, kum li chungah ralkap le civil minung million hlei ruk hrawng an thi. An thi tam taktak. Ngaih a rak chia tuk. July 28, 1914 ni in ralpi cu aa thok i, December 7, 1914 ni ah Pope Benedit XV nih Christmas tuah kan duh, ral dai cang u tiah a rak nawl hna. Aa domi cozah nih an rak duh lo. Nain, Christmas lai zan a phanh cun German ralkap hna nih Xmas thingkung le card hna hmuhsak pah in Christmas hla cu an van sak. “A dai zan, A thiang zan” tiin. Khat lei i Bristish ralkap le an hawile nih an hla cu an van zonh ve hna. Tih chuk ngamh chuk in an van i naih deuhdeuh i an meithal cu chiah in Christmas cu an hmang ti hna.

Hi bantuk in Christmas nih Vawlei Ralpi hmanh a daih ter ko cu zei tin hme a si khawh hnga? Jesuh Khrih cu “Khuaruahhar Fimchimtu, A Thawngmi Pathian, Zungzal Hmunmi Pa, Daihnak Bawi a si caah, Amah a zummi hna nih daihnak le remnak an i thim khawhnak a si. Vawlei Ralpi Pakhatnak hmanh a daihter khotu Van Bawi Messiah chuah caam Christmas lawmhnak cu dawtmi hawikom vialte nan chungkhar le thinlung cio ah tlung ko seh. Amen. Credit: Rev. Dr. C Duh Kam