Mirum Pu Ngun Pen Le Pi Sui Pen An i Ngaichihnak Kong!

Mirum Pu Ngun Pen Le Pi Sui Pen An i Ngaichihnak Kong!
========
Rallokap nih Uknak cu Hranhram in Anlak. Mipi Sandah piahnak ah, Nawlbia Tlinter nak caah, kan i tel zungzal. A mikip i thawh cio asi tiphun khin. Meithal Kahdohnak a chuak. Theihlo bantuk tein, kan i um ter. Kan hrial khawh thiam ko.

Lairam ah hmunkip ah kahdohnak a chuak. Kaya ram zong ah asi ve thiam ko tiah zei poi lem loin kan um. Kanmah chung an kan phah tung lo tiah kan hna kan i chet ter. Kan mit kan caw ter. Piasen hmanh kan bawmh hna lo. Hihi tu hnu Thla 11 arau hnu kan i ngaihchih ciammam i san a tlai tilo.

Ruahlo pi in, kan i rello kar ah Khuapi chung kahdohnak a hung chuak ai. Kan khualipi zong a luat tilo caah, midang cio bang kanmah chung zong kan tli ve. Kan ngeihchia chawva, suingun, hlawnthil 80% cu kaltakin India ram hmunkhat ah kan i dor ve. Ahnu ah kan theihmi thawngpang cu Rallokap nih nan Innlo le Ngeihchia vialte mei in an duah dih ti asi ai.

Ziah kha lio kha, kan ngeihmi 10% tal kha CDF kanrak bawmh hna lo tiah kan zai len cang. Kan i chirh tuk hrinhran cang. Nikhat tangka lut tal kha rak bawmh hna awk kan ti len cang. Kanmah bantukin nan i chirh cio lo nak hnga, sual phuannak le ngaihthiamnak capar kan rak tial tu asi.

Lai Mirum vialte nih hngalh awk ah kan duh mi cu Nikhat phaisa lut zat i tlawmte cio kha rak bawmh kho hna usihlaw, tu dirhmun hi kan phan lailo. Lam tantim tiang cu kan phak cang hnga kan ti tawn. Innlo, ngeihchia Hlawnthil le Khuapi arawk cikcek.dih hnu ah, ral tli hnu ah nan i chirh cio lo nak hnga, atu bak ah hin CDF bawmh cio hna sih.

Nan i ngeihchih ciolo nak hnga, ningzak lo tein, kan lung um bia kan in hrawm hna. Mirum hna nih Biatak tein CDF rak dirhpi hna usihlaw hriamtling kan ngei ve cang lai caah, Dohthlennak adih vr cang hnga. Chiatnak le Lainawng atih baklo mi Mithalo Damiah, Tapung le Ralhrang ansi caah Thantlang le Kaya bantukin ke rallokap le Vanlawng tiang in duhchung an kan kah ve ahcun na ngeihchia, chawva le hlawnthil hi nan i kalpi khawh lai maw?

Mithi Khua Ah Zemlo Dur Pet Piak Ding Pawl. Mithi Kapu Nih Joseph sa na kap bal cang maw a ka ti. Kah bal rih hlah tiah ka leh. Tu bak hi thih law, Mithi khua kutka ah Na Chiatha Duur an i pet piak lai a ka ti. Bualrawn ah mithi khua mipi an i pumh lai. Thingthangh ah an i thut ter lai. Na Cunghnawh an phoi lai i, Sakap mi poah nih na Chiatha duur an i pet dih lai. Vanchiat ahcun na mu kek in, a kawi dih lai a ka ti. Cuhnu cio ah ramvaih in sakah hram kaa thawk.

Chinmi le Meithal kan i then khawh lonak aruang cu Saral kahnak le thahnak caah asi. Saphun kip le Sahrang tiang a kap kho tu cu, Mithi khua ah an bawi ve ti asi. Ral a that i a lu a tlun pi khawh mi cu an cungnung chin chin ti asi. Sa phunkip le Sahrang nakin Kan Ralpa thah in lutan hi a cungnung bik i asangbik mi Pasaltha an si ti asi. Sakap ballo zongah Ral atuk balmi cu, Mithi khua duurpet nakin an luat. Sakap pawl chumtual ah a len khawh ve i rawl a ei khawh ve. Hla asak kho ve, zupu an din khawh ve ti asi.

CDF, CNA cu mithi khua zemlo petnak in an luat cang. Sa an kap ballo zong ah Sa vialte lakah asangbik mi RAL A DOHMI ansi. Salai Phete Lunthlitum belte hi Sakap ballo ah cun a luat hrim lo. CDF, CNA Soisel tu le mualphotu asi caah fak deuh in, a chiatha duur an pet lai. Thingthangh cung petnak ahcun azemlo thei aman cikcek khawh mi asi.

Moses Pau, Pu Ngun San Aung zong Salai Lungthlitum bantukin an tuah ve ko hna lai. Pu Zo Bawi Sakah a khap i Rallokap he Agreement sen an thuh caah a luat ve lailo. Tutum te Pu Tu si caah. CDF, CNA thazang pektu le bawmhchantu vialte cu, Sakap ballo zong ah zemlo vei piaknak in luat khawh asi. Minung silio ah kan zalon bantukin mithi khua tiang a zalonmi kansi nak lai CDF, CNA ah tan lak dih cang usih. Credit: Joseph R. Thang