Mirawitu tiah zumhhlei mi 4 thah an si.

Kalay peng nikhat ah mirawitu 4 thah an si!
==========
Kalay, Mitamit nichuahlei Kinmonchian ah December 1 zaan ah mirawitu tiah zumhhlei mi 4 thah an si. Thah atong mi hna hi Ko Naing Wine, Ko Naing Lin, Ko Maung Thoh, Ko Chit Thu hna cu December 1 zaan suimilam 7:30pm hrawng inn an um lio ah mibu nih an auh hna i an thah hna tiah theih asi.

Falam peng Tibual ralhrang riahbuk in pawngkam zohfel dingin achuak mi ralhrang 8 cu nihin zaanlei suimilam 4:00PM hrawngah CNDF he an i kap, ralhrang 1 a thi. Nizaan ah Tibual ralhrang riahbuk ah Helicopter atum mi kha, thilri le hriamnam arak ngalh hna theo lai tiah zumh asi.

CNDF nih Special Commando training kharnak an tuah. CNDF Special Commando Training 1/2021 cu tlamtling in an lim ca ah, nihin December 3 ah Closing Ceremony tluangten kan tuah tiah CNDF nih an thanh. NUG Cozah, Runvennak Minister U Yee Mon zong nih lawmhpinak ca a tanglei bantuk in a kuat hna tiah kan theih.

BanMaw Ah SAC Ralhrang Mawtaw 2 KIA Phu Fonh Nih An Kah. SAC ralhrang mawtaw 2 cu Banmaw pawng ah nihin Suimilam 7:00 tluk ah KIA le PDF fonh nih an kah hna tiah theih asi. Banmaw peng, Papaung khua pawng ah a ra mi ralhrang mawtaw 2 cu PDF nih an kah hna i minutes 20 tluk kahdohnak a chuak.

“Papaung lei ra mi ralhrang mawtaw cu PDF le KIA nih an kah hna, ralhrang 70/80 tluk an si, PDF le KIA cu kan him, ralhrang lei hliamtuar an tam lai tiah PDF chung tel pakhat nih a chim. Nihin i kahdohnak ah Papaung khua mi pakhat a phei ah an khen caah Banmaw sii inn ah an kal pi tiah theih asi. Banmaw peng November14, zaan Suimilam 8:00 tluk ah ralveng mawtaw bomb in an rak puah.

Demoso Peng Ah Kahdohnak Fak A Chuak, Ralhrang Nih Khua Mi Inn An Khangh. Kayah ramkulh, Demoso peng, Thuhluaibila khua le Chedawyar Phayar pawng nihin December 3, 2021 ah kahdohnak a chuak tiah KNDF nih a thanh. Nihin december 3 chun Suimilam 1:00 tluk ah KA, KNDF fonhh le ralhrang kahdohnak a chuak i sml cheu tluk an i kap, ralhrang lei nih hriamngan in an kah hna.

Cu kahdohnak ah SAC ralhrang nih Thulibila khua chung inn 5 cu an khangh piak hna tiah KNDF sinin theih a si.
Kahdohnak ah ralhrang a thi mi le hliamtuar mi zat theih a si rih lo, SAC ralhrang cu Chedawyar phayar tlang le Thaetaung ah hmun an khuar i mizapi thilri le inn lo hna an khangh piak hna tiah KNDF nih a thanh.

Yephyu Peng Khua Uk Bawi An Kahthah. Tanintayi ramthen, Dawe, Yephyu peng, Sintya khua uk bawi nihin December 3, 2021 zing Sml6:00 tluk ah meithal in an kah tiah khua mi sinin theih a si. Ralhrang khinh khua uk bawi Oo Soe Naing Ar Lu a inn ah an kahthah tiah theih a si.

Oo Soe Naing hi SAC ralhrang thawng pe leirawitu min thang a si tiah khua mi nih an chim. Soe Naing ruak cu SAC ralhrang nih zohfelnak an ngeih hnu ah Yephyu sii inn ah an kal pi, zei phu nih an kahthah mi si theih a si rih lo.

November Thla Chung Phapon ah Kahdohnak Voi Za Leng A Chuak, Ralhrang Zakhat Hrawng An Thi. KNU hmunhma Phapon Kha Yaing ah November thlachung KNLA le ralhrang kahdohnak voi zakhat leng a chuak, ralhrang 103 an thi.

November thla chung KNLA Brigade 5 le Ralhrang, BGF fonh kahdohnak voi 151 a chuak, ralhrang 103 an thi, 90 hliam an tuar. KNLA mizapi ralkap 3 an nunnak liam, 7 hliam an tuar tiah theih asi. Phapon kha Yaing chung ah SAC ralhrang nih khua chung le mizapi lei chung ah hriamngan in voi 50 leng an kah tiah theih a si. Credit: The Federal Times