Sagaing ramthen, Myong Peng ah SAC ralhrang pawl le Mipi Ralkap karlak ah kahdohnak a chuah i ralhrang lei minung 20 nak tam deuh an thi tiah Myingyan Black Yiger Ralkap Biachinhnawl ngeitu ni Khit Thit Media ah a chimh. May 6 zing lei Suimilam 4 hrawngah Myong peng, Shwe Tichao khua in Ralhrang 80 nak tam deuh cu Kwakri Police station ah an kal, Mah a kal mi Ralhrang pawl cu PDF nih hriamnam ngan he hme in an kah hna caah ralhrang minunng 20 nak tam deuh an thi, tlawm lo nih hliam an tuar tiah theih a si.
An ruang nak ah 20 hrawng an thi lai tiah an zumh, mah a thi mi cu Chin Dung river lei ah an put hna, Adang pawl cu kahdohnak a chuak nak hmuah an thlau i sakhan zong an phanh lo tiah Myingyan Black Yiger Ralkap Biachinhnawl ngeitu ni an langhter chih.
Naung-kyiai Palik Sakhan Drone Bomb An Thlak Caah SAC Ralhrang 3 An Thi; 12 Hliam An Tuar
Sagaing ramthen, Naung-,kyiai (နောင်ကြီးအိုင်) palik sakhan cu Drone Bomb in an thlak hnawh hna caah SAC ralhrang 3 an thi i 12 nak tlawm lo hliam an tuar tiah PDF- Zero Battalion-7 tuanvo ngeitu pakhat nih a chim.
SAC ralhrang thazaang 30 tluk umhmun an khuarnak palik sakhan cu May 3 zanlei suimilam 3 tluk ah Drone Bomb 4 in an thlak hnawh hna hi a si.
“Bomb kan thlak hnawh mi nih an um nak inn dingteo in a khen caah inn cung di zong aa rawk dih, hi inn ah hin Drone rawk nak seh (Jammer)an chiah mi zong a rawk chih. Bomb kan thlak hna tlawmbal in nan kan bawm lai lo maw tiah ralhrang pawl cu an au len” tiah a cung lei PDF upa nih a chim.
“Kahdohnak kan tuah lio ah SAC ralhrang cu an cawl ngam lo, meithal zun 5 tluk lawng an puah i dai tein an um” tiah a chim chap.
Aluan cia April 16 lio zongah Min-mu peng Toll gate pakhat ah PDF ralthuam aa hruk mi SAC ralhrang pawl cu PDF Zero Battalion-7 nih kuthlonh bomb in an rak doh bal hna tiah kan theih.
SAC Ralhrang Sin Thawngpang Petu Nu Le SAC Kuttang Riantuan Khuabawi Pakhat Thah An Tong
==========
Lungmili Post| Biangreithlep 5| 2023
SAC ralhrang sin thawngpang petu ah a minthang ngai mi nu Daw Nuai Nuai Soe cu a inn chung ah thah a tong tiah kan theih.
Mandalay ramthen, Sot-chun-pauk khua ah a um mi Daw Nuai Nuai Soe cu May 4 zan ah mizei hriamtlai phu ti theih lo mi nih a mah inn chung ah an thah hi a si.
“A tak pum chungah meithal kuan hma he a inn chung ah a thi” tiah sangchung mi nih an chim.
Mah pin ah SAC kuttang riantuan mi Mandalay ramthen, Ngan-mia-kyi khua bawi Aung Than Zaw cu May 5 ah lakphak ti dawr in, inn a tin lei ah cycle cung in meizei ti theih lo hriamtlai minung 2 nih an kah caah a thi ve.
“Aung Than Zaw hi SAC nih rianpek mi khuabawi a si i khuachung mi, zeidah an tuah, zei ti dat an cawlcangh timi hlat in ralhrang sin ah thawngpang a pek tawn hna, cu a thil tuah mi ruang ah thah hi a si lai” tiah min langhter duh lo khua mi pakhat nih a chim. Credite; Khit Thit Media