“Mipi nih ralrin ding” Yaw-PDF cathanh

“Mipi nih ralrin ding” Yaw-PDF cathanh
===========
14.11.2021 in 21.11.2021 tiang zarhkhat chung khualtlawm lo ding. Khualtlawm lo ding lam an phih mi hna cu
Pale-Kyaw-Gangaw-Kalay Lam, Pale-Kyaw-Gangaw-Hakha lam, Pauk-Thiilin-Mindat lam, Pauk-Kyouhthu-Mindat lam, Gangaw, Thilin, Kyaw, Kyouhthu, Saw lam pawl ah Ralhrang lei nih kahdohnak thawh khawh asi.

Cucaah 14.11.2021 in 21.11.2021 tiang zarhkhat chung khual tlawn hrim lo ding in ralrin nak thawng kan in thang hna.

Natmauk Market Meikaang Ah Dawr 200 Renglo An Ciam. Nov 13, nizan ah Magway ramthen, Natmauk market cu a kaang i dawrkhan 200 renglo hna cu an ciam dih tiah theih a si. Hi market kanghnak ahhin khuami hna nih ralhrang tanhtu pawl kutneh a si lai tiah an zumh.

Meikangh hi zaan 9:30PM hrawng ah aa thawk i suimilam pakhat tluk a kang, market i cheu li ah cheu thum cu a kaangh dih. Zaan 11:30PM hrawng lawngah mei a dai tiah theih a si.

Khuami pakhat nih cun “Ram pumpi ah NLD zung tampi bomb an puah hnawh i an hrawh. Nizaan ah khan Pohpa ah a ummi Daw Khin Gyi Foundation training sianginn zong mei a kang. A thaizing ah atu kan khua Natmauk market a kang. A kangh caan hi hohmanh a leng chuah a ngah lo caan, leng chuah an kham caan a si.

A kaangmi market hi anmah ralhrang tanhtu nih an hngah mi a si. Natmauk cu NLD lawng kan um nak khua a si. Mah Caah hramhram in market hi an khangh mi a si. Phundang cun NLD lawng a tanhmi khua an hrawh ti khawh a si” tiah a chim.

Natmauk khua a ummi meithat zungah market a kanghnak a ruang an hal ko hna nain a kanghnak a ruang tha tein an chim duh lo. Meithat zung riantuan pakhat nih cun “ Dawrkhan 200 nak tlawm lo mei nih a kangh. A rawkmi dihlak a man tuak ah a tlawmte lo. Mei kaanghnak ruang cu kan thei kho rih lo. Kan hlat lio a si” tiah a chim.

Naupawi Lio Mi An Thah Hlei ah Khuami Ruak Tam Tuk An Hmuh! Kawlram Khua Caan Cu Tihnung Chin Lengmang! Kawlin Peng ah Kawl ralkap nih thah mi khuami ruak 7 hmuh. Sagaing Ramthen, Kawlin Peng ah tuksapur in Kawl ralkap nih thah mi kum 15 rual a si mi, Mg. Kaung Zaw Nyein le Hein Khant Po tel in khuami minung 7 ruak an hmuh than hna.

Hi hna hi November 10 lio ah Kawl ralkap nih an tlaih mi hna an si i Ohkann khuami 2 le Chaungna khuami 5 an si i tam deuh cu kum 16 in kum 23 kar mino lawngte an si, tiah khuami nih an chim tiin KTM nih a langhter.

Pale Peng hmun 2 kahdohnak ah Kawl ralkap 51 an thi. Sagaing Ramthen, Pale Peng hmun 2 kahdohnak ah PDF nih Kawl ralkap 51 an thi, tiah PDF nih an thanh.

Kalay-Gangaw lei in a rak kai mi Kawl ralkap 50 hrawng cu Bo Nagar hruai mi PDF-Pale le Maung Wai hruai mi phu nih bomb in siseh, meithal in siseh, an rak kah hna i a tlawmbik minung 30 hrawng an thi, tiah an thanh.

Cun, nihin thiamthiam Khinaye-Pale lamcung Kyaukphyu pawng ah Kawl ralkap 80 tluk cu PRA le PDF-Headquarters phu nih an rak kah hna i minung 21 an thah hna pin ah hliamh mi an tam, tiah PRA nih an thanh.

Maubin palek sakhaan ah naupawi Tin Lin Maw serhsatnak he an thah. Ayeyarwaddy Ramthen, Maubin (Ma-u-pin) Peng ah ah thil firtu tiin puh mi naupawi Tin Lin Maw cu palek nih an hremnak in a thi, tiah theih a si.

Tin Lin Maw hi Maubin Penguk changtu inn ah thianhhlimh rian a va tuan i sui le thilpuan zeimaw a tlau (fir) tiin November 9 ah khan an nupa in palek nih an tlaih hna i an hremnak celh loin naupawi lio Tin Lin Maw cu a thi. Tin Lin Maw cu apum dihlak an tukvelhnak hmarung lawngte a si, tiah KTM nih a tial.

Sagaing Ramthen ah Tlanglawng riantuan palek sakhan pakhat PDF nih an luhhnawh, hriamnaam pawl an laak. November 13, zaanlei ah Sagaing Ramthen, Katha Pengkomh, Inndaw Peng, Nabar khua um Tlanglawng riantuan palek pawl sakhaan pakhat cu PDF-Inndaw nih an luhhnawh i hriamnaam cheukhat an laakpiak hna.

Meithal, zenkuan, khuanbawm (thir thingkuang) le computer tibantuk an lakpiak hna i anmah Palek tu cu kan that manh hna lo, tiah Inndaw PDF nih an thanh. Credit: The Hakha Times

Thein Sein tapeh Ye Htut nih Min Aung Hlaing a phomh rua. Thein Sein cozah nih an rak i bochan ngaimi ralbawi hlun le vuanci hlun Ye Htut nih bawngbi kong zahan Fb ah a tial. Indirect in MAH a thuatmi asi tiah tampi nih an ruah.

‘Kan i zat lomi le kan phut lomi bawngbi kan i hruk ahcun kanmah ca lehlam thut sia a rem lo, pawngkam hmuhnak zong ah ai dawhcah lo, mah hngallo tiin mi nih an kan nek, keimah he kai tlak ti lomi bawngbi cu remh a herh, remh awk a that ti lo ahcun ai zami minung pek lawlaw a tha’ tiah a tial.

A cabia ah MAH min a telh lo nain amah a thuat ko tiah zapi nih ruah a si. Tlaih a tong ve men lai an ti cio. ‘MAH nih Ye Htut a tlaihter cang’ tiah tuzing kha media cheukhat zong nih biachawkvai an tial ve. Nain an tlaih hraw lo.
Ye Htut hi Thein Sein cozah lio vuanci a si i USDP le ralkap tanpitu tampi nih an uar ngaimi a si. Cathiam pakhat a si fawn. Tutan a cabia nih ralkap tanpitu lungrawk in a tuah hna.

Kawl rallokap pawl an saikhawlawci umtuning ka tuakdamh tikah: Kum 60 renglo chungah, tutan hi, a voikhatnak ttihnak/thinphannak he an khah bik lio asi lai. Zaam a duh tuk ko nain zaam awk a ttha lomi; a zaam kho lomi an tam tuk lai, ka zumh.

Min Aung Hlaing le a ttangrual pawl nih uknak an laakmi kha, an lungchung in, an i chir taktak cang lai. Nain, uknak tu cu an thlah duh rih lai lo. Aruang cu, an i uahfeihnak/keimah i tinak (ego) nih khan, an khuaruahnak hrampi kha, hmai ah a mawngh rih ko lai.

Zeiruang ahdah Kawl rallokap pawl hi, ttihnak he an khah lai tiah cun: 1). Kawl rallokap pawl an chan chungah, a tulio bantukin hmunkip/kaa kip ah hriamnaam (armed resistantce) an tong rih lo.

2). Kawl rallokap pawl hi, ram dawtnak ruangah ralkap a lutmi an si lai, ka zum lo. Ram caah nunnak peek ai timmi an si lai lo; an ttih tuk lai. Cu bantuk khuaruahnak (mindset) he ralkap a ttuanmi cu, an thinlung hrimhrim kha a derthawm cia cang.

Denmark cozah cung ah kan ilawm; Thank you Denmark Ministry of Foreign Affairs’ Head of Mission to Myanmar for hosting diplomatic briefing session regarding human rights situation in Chin State and Western Burma.

Denmark ramdang lei vuanci zung in Burma ram I Ambassador hrihhawh nak in Rangoon I a um mi ramdang lei Embassy pawl, UN lei ttuanvo nei tu hna le CHRO biaruahnak cu nizan November 9 ah khan kan nei kho hna.

Embassy of Japan, Australian Embassy, Secretary-General Envoy on Myanmar, German Embassy, French Embassy, Embassy of the Kingdom of the Netherlands, New Zealand Embassy, Norwegian Embassy, British Embassy, UK Foreign and CDO, UN OCHA, Embassy of Italy, Embassy of Denmark, Office of the United Nations High Commissioner for Human Rights, Embassy of Switzerland, Embassy of Sweden, Embassy of the Czech Republic, Embassy of USA hi pawl hi an rak kai.

Cun zanlei sang ah meeting a dangte in UN LIFT, Global Health Access Program, UK FCDO pawl he CHRO tonbiaruah nak kan nei tthan. UK cozah nih UN Security Council Private meeting an tuah nak kong update an tuah. Hi UN SC private meeting UK nih an auh I member ram pawl bia an ruah khawh hna nak ah CHRO rianttuan tu hna nih documents nan kan pek mi pawl hi biapi bik in chirhchan ah kan hman mi asi caah CHRO cung ah kan ilawm an ti caah ka lungsi ngaingai. Dinlo in sa lak le ral lak ah rianttuan tu hna upatnak zong ka pek fawn hna.

Chin miphun kan kong hi atu bantuk in ramkip nih linsa ngai in le UN Security Council tiang ah an ceih mi hi kan dothlennak theipar hmuh khawh nak ah bawmchan tu ngaingai asi. Kan zapi lungdong lo te in kan ttang ttualmal rih ko hna lai. Pakhat cio kan mah le kan zawn I kan izuam cio nak cung ah Pathian nih thlua a kan chuah ah cun tei nak cu kan hmuh hrimhrim lai. Credit: Salai Bawi Lian Mang