Mipi An Zenkuan A Dong Zau Lai!

Mipi An Zenkuan A Dong Zau Lai!
++++++++++++++++++++++++
Hmandaw le Chawnhkhuah karlak ah April 1 ,tuni cu ralhrang le mipi chunnitlak an i kap, atu hi ca ka tial cuahmah lio tiang! Kalay lei ralhrang nih an kah hna i Cu lioah Hmandaw lei in ralhrang dang nih an vun nam ve hna! Asinain mah an hnulei in a vun namtu hna kha Hmandaw mino hna nih an hnulei in an nam chin ve hna! Ralhrang lei nih meithal nganpi RPG hna an hman tikah mipi an temtuar ngai ko rua! An i kah cuahmah lio cu si kaw mipi lei siseh ralhrang lei siseh a thimi le hliam a tuarmi theih khawh a si rih lo!

Thawngpang kan don ningah cun mipi lei an zenkuan a dong zau lai ti a si! Rak a do bak lomi an si caah an tha zong a ba tuk cang ti a si! Hi bantuk dirhmun a phan cangmi hi hriamtlaibu kan ngeihmi CNF/A le ZRA zong nih zoh men ding a si ti lo. Di de ngaih caan a si ti lo! A minung in a hriamnam zongin i bawmh le i zuanhnawh caan a si cang!
News update tuah khawh kan i zuam than lai!

Relchap, Ralzam hna tha deuhin zohkhenh a hau; Kawlram cu Manipur he hlanlio chan in naih tein a rak khuasa tti mi kan si hna. Mipi nih harnak an tonmi cungah ka tuarpi ve hna i, mipi cawlcanghnak ka thlawp hna. A tu an ram buainak ruangah sahimnak kawl in kan ram ah a rak lutmi hna cu Manipur a cozah nih eidin, umnak le an herh bau mi tha deuh in a pek ding a si tiah Manipur People’s Party- MMP president Lashram Krishnadas nih a chim. Source: Chin Post