Miphun Hmaisuang Ralkap CNA le Chinram Kilvengtu Ralhruang CDF fonh nih

Hakha le Falam karlak Lai pasalṭha hna cawlcanghnak!
=============
Miphun Hmaisuang Ralkap CNA le Chinram Kilvengtu Ralhruang CDF fonh nih Falam in Hakha lei ah aa thawhmi sachia uihrang pawl thahdohnak kong Kawl website pakhat nih a ṭial. Chinram chung ah sachia uihrawng (စခ) pawl nih an thazaang ichapchuan dingin Kalay myo in an pok. Chin cu an ṭihzenh tuk hna. An kalnak lampi thluan ah kah lo le kah lo burbuluuk hna an kap. Khuatemi an tlerh an kah hna, a ti.

Falam khualu ah zan khat an riak. A thaizing ah an dihlak in voikhat pawh ah an ithawh ngam lo. Sachia hmaisuang uihrang pawl an kalter hmasa hna. Falam khuachung ah mi chawkvaak an um lo. Khuami an zaam dih ngawt tiah a thanh chih. Lungpi khua an phanh ahkhin, sachia pawl cu an cawlcang ngam set lo. A kan kaaptu ding an um lo ti an theih in, khuami an tlaih hna i ral-satarh ah an ihman hna.

Sachia pawl cu lor phun in an van ilaa ko cang. Itlerhkhawng phun, mi innlo chung thilri fir phun le biakinn khaang ding phun i an um lio ahkhin Chin ralkap uithattu pawl nih an phomh ciammam hna. Sachia uihrang 10 paoh cu a voikhatnak ah an hrilh hna. A zaanlei sang ah Falam khuapi chung taangmi sachia uihrang pawl cu a rannak in an unau pawl khamh dingah an vaa ithawh ve.

Sachia pawl Rialti khua an phanh tikah, khuami an rak um ti lo. Mah khan khuami hna i an thilri ifir. An inn an baoh. Khuami zong an um lo, a kaptu zong an um lo tikah, sachia pawl cu an so a paw. An lor a zual. Cuti an sopawt saling ahcun, Chin pasalṭha hna nih an den hoi hna. Sachia uihrang (စခ) 80 hrawng cu an hrilh chap hoi hna.

Mimthla lek bang Lai pasalṭha pawl cu an tlau dih ṭhan. Sachia uihrang nih pakhat taktak te hmanh a seh kho hna lo. A hliamh khawhmi zong an um lo. Mah khan sachia pawl cu an thin a hung. Rialti khua biakinn chung thilri an fir. Cu hnu ah, an khangh beh. An khua zong vutcaam ah cang dihlak in an khanghpiak hna.

Hakha lei in sachia uihrang pawl nih an hawile bawm dingin an va pawh hnawh ve hna. Cu pawl zong cu lampi in an rak bawh hna i an den hoi ciammam hna cu, sachia uihrang zeizat set dah thah an si cang ti hngalh si rih lo. Cu Kawl website nihcun, Lai (Chin) pasalṭha hna bawmh nan duh ahcun, kutsamh khawh a si.

Sachia uihrang pawl ruangah khua in a zaammi hna bawmh nan duh zongah pekchanh khawh a si tiah an thanh chih.
“Sachia uihraang phu nih tank he zei he miakpi he an pawh hnawh hna nain, Chin nih an rak den cek hna,” tiah an thanhmi cu lunghmui ngaite. Credit: Salai C Alexander

Kan Khuaram te an hong kan duah piak hi a fak ko mu! Kan ram te ah an hong kan kah, An hong kan that tu Misual MAH Phu hi kan thiamning cio in doh ti caan a si. Peng khat le Peng khat kar ah kan ti sualmi kan chim suami i ngaithiam hna u sih. MAH Misual mizir pawl nih rap chiahmi ah i awh ding in kanmah Lila an kan hman hih.

A taktak ah cun Sailo pa hi Zathang Phun an si i Zathang pawl cu zotung,Mara,Zophei, Senthang, Kawlrawn le hmun zakakip le Mizoram tiang in an um, khuakhat um mi nak hmanh in thisa ai khat deuhmi mi ai chungkhat deuh mi Phunkhat hi kan si hna(Tlangpi khua i Sailo pu khuabawi a tuan lio ah hin anmah chung lawng hi Zathang chung an si in ka theih hna).

Cucaah fing le Tlang nih kan thinlung Dan ter hlah seh,Chinmi pengtlang nih a kan dan khawh lo mi cu phunkhat chungkhat kan si dih mi hi a si. Khua kip in tan la cio ko hna u sih law CDM, CDF, CNF ah kan dihlak Kan thawnnak i funtom hram ko seh. Hi Ralthalo MAH cu kan Tei hrim2 lai, Kan Thinlung fah tuk mi hi tan rualti nak hriamnam ah hmang u sih.

Pathian kanmah lei a tan ah cun ho nih dah a Kan Tei lai, Thiam co tertu amah asi. Kan cah a thi atho than mi van ah kan tlangbawi asi. Bawipa a dawtu Chinmi hna kan lei ah a tang mi Bawipa thawng in kan tei hrim hrim lai. Sailo Nu

Bawipa thawng in kan tei hrim lai. Atu hi Taal khua phak hlan ah CDF nih lam hor an cawhmi ah an i tap tthup ko. Hakha an phan kho lo. An ttih tuk cang. Hakha phanh hlan ah nawn viar ding an si.

Thinlung fah tuk mi hi tan rualti nak hriamnam ah hmang u sih. Pathian kanmah lei a tan ah cun ho nih dah a Kan Tei lai, Thiam co tertu amah asi. Kan cah a thi atho than mi van ah kan tlangbawi asi. Bawipa a dawtu Chinmi hna kan lei ah a tang mi Bawipa thawng in kan tei hrim hrim lai.

Hakha ah Cozah zung a kang. Tuzan, 14 Oct. 21 sml 10:30 ah Dingdi lam, Chin Ramkulh Cozah zung thlang ah a ummi ramkulh Lah-Wa-Kah (Immigration) zung mei nih a kangh tiah kan theih. Zeiti a kangh ti cu kan theih lo nain mei kangh aa thawk hlan ah puah thawng voihnih kan theih tiah Hakha ummi nih an chim.

Aho hmanh nih mei kangh an zuam hnawh ngam lo. Kah le tlaih kan tih. Meithat motor zong mei a daih lei a panh hnu sml 11: 20 pm lawng ah a phan tiah khua mi nih an chim. Kan hnu September 19 zaan ah CDF le Kawl Ralkap an i kahnak in inn hnih a rak kangh hnu tutan hi thlakhat chung ah a voihnihnak a si.