Miphun dang an i ready dih cang. Miphun le rak caah tangka i khon hna uh sih

A tang lei ka tial mi hi a ho hmanh ai awh mi ka ngei lo keimah pumpak ruahnak le dirhmun lawng asi. A tu lio kawl ram boruak zoh tik ah kan nih laimi dirhmun ruah lo awk a tha lo. Kawlram thlennak caah tiah hriamnam lei si lo in biaruahnak in NCA lam in kan pa le nih a kan kal pi cuahmah nain ralkap cozah nih hriamnam hmang in an duh caan poh ah kum tampi an tuah mi (bia an i ruah mi) vial te mitthep lo ah an hrawh dih ko. Mah nih piang tein a langh ter mi cu biaruahnak lawng a za lo kan mah le kan mah kilvennak ah hriamnam hrim in kan thawn ve a hau ti hi asi. Miphun dang an i ready dih cang.

Sianginn ka dih ka, Austin khua ah rian ka tuan lio ah ka roommate pa hi German mi asi. Bia kan ii ruah pah tawn i a ka chimh mi cu kan nih German mi cu nikhua a chiat tuk nak ram kan um tik ah kan pu pa chan tein snow storm maw asi lo ah thil tha lo a um tik caah tiah a tu kan tuan khawh lio ah a hlei in kan tuan i kan i khon tawn a ti. Kan nih lai mi caah cun a tu hi kan thli chia a rat kan hmuh cuah mah lio asi. A kan phak hnu cawl chom cun a tlai tuk lai. Kan hawi le miphun dang an i ready dih cang.

Cu caah mino hna hneksak (challenge) kan duh hna. Kan pa le nih a herh an ti tik ah ready tein kan um khawh nak caah nikhat ah dollar $1 maw $2 maw $5 maw a ngei deuh mi nih $10 maw nichiar i khon cia hna uh sih law timhtuah nak ngei cio hna u sih. Kan i timh cia lo ah cun ram nih a kan herh te tik ah kan i ready lai lo. Minung pakhat nih $1,000 kan i khon khawh ah cun minung 1,000 nih cun $1 million kan chuah khawh lai. Ram caah tiah $1,000 kai chiah cang. Ni chiar kai khon rih lai. Chiah sawh nak cun investment pah ah a karh te zong a um lai tiah Robinhood account ka on. A herh an ti tik ah ka pek dih te hna lai. Mino hna nan thiam ning cio in ram caah tangka khon cio ve ding in kan sawm hna. A caan phak tik ah cun every dollar will count. Miphun le rak caah tangka i khon hna uh sih. Mino nih thawk hna uh sih. Credit: Mang K Lian