Minung Lungthin A Ken Tilo Mi Min Aung Hlaing Le A Doctorte!

Minung Lungthin Aken Tilo mi MAH le A Doctorte:PG60
============
Khuachia Khuahrum nih Satan Lucifer cu miṭhabik le Cungnungbik ah an chiah. Dalaan, Pyusawṭhi, USDP le Ralkap Minung & Drs te zong nih MAH le SAC cu miṭhabik tiah an biak ve. MAH le SAC caah thihngam in rian an ṭuan. Thisen le Nunnak thap in Chinram khumzual in chanchuah tu Chin GZ seino rual CDF cu hnu an chit ngam ve.

Kan fanau thisen sung zeirel loin umtu vialte le Ralkap minung, Ralkap Party Luban rual hi Minung lungthin an ken hnga maw tihi tuak lo awk a ṭha ti lo. CDF nih Saral le Pulrai lakah, a har bik mi, sifak rethei nak vialte an i thim. Cu lamthluan ah khua an sa Chinram caah.

Chinram le Chin Miphun caah sifaknak le inntuar nak an i thim. Har vialte lakah a dongh nak le azip cu an i thim.
Ralkap party luban le Drs te nih, Ralkap cozah he Sunparnak le Ropui nak an i thimh ve. Ralkap Party Drs te lam hi, Chinram damnak caah asi lomi lamthluan asi. Hmarun le Hnai he aaciah mi kan fale hna inntuar nak zei an rel ve lo. Ramdawtu le phuntungtu Chin GZ le chin mipi a thah cuahmah tu MAH sinah a ṭan mi vialte cu cathiam le Drs te nan si zong ah Minung lungthin nan ken lai zumh asi ti lo. Mifim cu nansi ti awk ah a har ngai.

Zeitintiah nan zulh mi lamthluan hi minung asi ko mi nih zulh rai asilo mi, lamthluan asi. MAH le SAC nih mipi cu Ral btkin an kan chuah hnawh. An kan thah, an kan nawn, an kan hrem, an kan dawi, Kan Innlo mei an duah, Kan khua in an kan ṭhawl, zuva le ramsa bang khuazakip kan vakvai, ramtang le mi khuaram ah Ni le Thla kan rel. Bawhte le fa pawi mi, Ngakchia bik in Tarbik tiang in luat loin an kan thahnawn dih cikcek.

CDF nih mipi khumzual in chanchuah awk ah hriam an tlai ve. Vawleipi nih CDF sinah Mipi an um cu an thei dih cikcek. USDP le an Drs te zong MAH le SAC minung an si zong cu ṭhiam ṭhiam. Hrilhfiah a herh lomi asi. Ka silo nan ti zong ah, Hnam ngeih nih “HNAM” ka si an ti bal ve lo cu ta!

Cakei, Rulpuar le Sahrang hmanh nih Chin Mipi cu seh in thah awk ah an kan namh lo dakaw? Cucaah cun dakaw, MAH le SAC cu saram lungthin an ken. Mikei an si. Ceihngia an si kan ti nak cu asi cu aw! Saram nakin an zual deuh ti cu vawleipi theih asi ko ṭung! Culio ah Ralkap Party a ṭhat lonak kan hmuh lo nan ti maw cu! Nan poi khawh ning hi cu, asi te dakaw nan si ve lo cu. Khuaruahhar minung timi tuanphung tlintertu nan si ko.

MAH le SAC sinah a ṭan mi poah cu Minung lungthin a ken ti lomi le Saram lungput a ken cang mi nan si cang ko. Nan lung ṭhum in nan lamthluan kaltakin mipi sinah aran nakin ra ve cang uh! Dr zong hi Saram Dr te an um ve cu! Leidai tang nan lut hnu tiang in, Saram Dr pa kan in ti ko hna lai ta, zeitiawk Ṭha.

Khuachung Raldoh Aduhlotu cu NUG Adohtu le MAH Lei Ah ṭantu Nansi ko: PG59. NUG le SAC Cozah si awk ah (Legitimacy) a tlangpi (3) in, UN nih biachah nak a ngei. (1) Mipi cohlan nak, (2) Geneva Upadi Zulh nak (International Law), (3) Hmunhma hip nak (Territory Influence). NUG nih (1) le (2) in a tei. SAC nih 3nk in a tei ve. A biapit bik cu: Lambar (3) hi asi. UN zong nih No (3) hi biapibik ah an chiah ve. UN ah hrikhnuk Caan asau mi hi Lambar (3) hi NUG nih a hlawhtlin rihlo caah asi.

DDay sullam cu Mipi le SAC Ral kan i doh cang lai, Kan zemlo sa zong i can dih usih tinak asi. Khuapi pakhat hnu pakhat tukin lak kha Saduhthah bik asi. Khuapi cu kan tuk ne loah, kan lak khawh lai maw? Dr. Zaw Wai Soe nih “DDay muru cu khuapi laknak Puai” ati ve “မြို့သိမ်းပွဲနဲ့နယ်မြေသိမ်းပွဲစတင်တော့မည်” tiah Dr pa nih a ti ko. Khuapi, Khuate le Ramlak thlu loin kahin Junta Coup cu a cihmih awk ah NUG DDay thanhnak cu asi.

CNA – CDF Raldoh ningcang cawnpiak cu; NUG he naa kalh diam. NUG ke phelhtu le a dohtu na si ko. MAH le SAC nih cucu an hngalh tuk palia caah Khuapi le Khua chung hip awk ah hma an lak colh. Khuapi chung lawng ah khua an sa ve.
Khuapi chung bakah tlumh (Hover) in, Khuapi an hip hnu ah khuate ah ralkap chiah dih kha 2nd Planning asi.

An 1st planning asimi tlinter awk ah Khuapi chung lawng ah an um lai. An i ṭhialkam Ni dah tilocun Khuapi ah an um peng lai. Mipi nih kan fuhpanh bikmi Sii Inn, Biak Inn le Siang Inn ah um hmun an khuar mi hi SAC nih khuapi le mipi cu kan hip dih hna. NUG cu Ground level ah kan tei tuk tiah UN ah langh ter aduh caah asi.

Khuachung ah kan kah hna lo zong ah mah tein khua chuak tak ding in, khua an khan ṭhiam ṭhiam lai. Khuami cu um thiam loin, Sivang in, lungdong tukin tuahto kan si ṭhiam lai. Ralhrang Kawl Ralkap nih, Thinlung Ral in mipi an kan doh rih tihi hngalh a herh. Mipi hrem, thahnawn, Meikhangh, khuapi in dawi le ṭhawlh, tbk in a fak khawh chung in tuahto le lungdong ter kha asi. Cu vialte hlawhtlin awk ah a ṭhabik cu Khuapi chung um in khuasa kha asi.

Mipi (Ground level ah) le NUG (UN level ah) tei awk ah SAC ralkap nih khua chung lawng an um hi asi. NUG nakin Hmunhma ka hip deuh ti kha a duhmi asi. Khuapi chung in Ralkap ṭhawlh awk ah, khuapi bak ah kahthat in dawi an herh. An ban in rawt an herh. CNA – CDF nih hmunhma kan hip cu UN ah Mipi le NUG teinak asi kha philh lo awk asi. Khuapi chung raldoh tikah, Mipi nih himbawm tein, Zeitindah kan in kilven lai? timi cu ka timeline ah ka pholan cang.

Khuapi chung in kan ṭhawl khawh hnalo ahcun, Khuapi velchum ummi khuate vialte (Khuafo, Arcerh, Hmunthar, Lungzarh, Tlangrua, Sopum, Thlualam, Khuchah, Vanzang, tbk) kha hram hram in an ṭhial ter hna lai. (Mandali Azardaw Myone khua 15 an ṭhial ter. CDF/PDF Khuapi le a velchum ah umhna hlahseh tinak). Cu khawh in Vanzang camp an namh lai, Tlangpi camp an nam rih lai.

Ralkap le Hriam thazang dihlak hmang in Chin Ralkap HQ an namh lai. Cuticun Chin mi nih Ralkap ngei loin kan um cang lai. Cu caah CNA – CDF Raldoh nan cawnpiak mi hi Chin Ralkap le Chinmi tlaulan nak lei ah a panh pi tu asi deuh. Khuapi chung ah Raldoh na duh lo ahcun, Theory le Political Ideology incun, MAH minung nasi kha va philh hlah. Na thlarau zong in. CNA ralbawi si law cu: MAH fanu pek ruang ah Chinram zuar ding tu Thlarau ngei na si.

Khuapi ah Raldoh hrial uh na ti ahcun: NUG i Khuapi pakhat hnu pakhat lakding hmuihtin kha rawh cikcek seh na ti bia. NUG le CDF ke phelh bia asi. NUG planning tlin hlahseh tiah indirect in na ti bia asi. Nan duh ning in CNA – CDF cawl cang seh ti hi, mi ning hngalh nan sinak naa pho lang tu asi.

CDF nih Khuapi Chung Ral andoh tikah Code of Conduct ti mi zulhphung an ngei. NUG le CNA CoD tiah pahnih tling khitkhet tein an ngei. Ralhrang Kawl Ralkap tu hi CoD loin raltukmi an si. Anmah phung zong zulh loin an um fawn. Raltuk nak hmunhma hi Paihbual btkin a ri khiah awk a ṭha lo. Salai NSA paih singkhaw btkin CNA – CDF cu singkhaw rai asi lo. Na singkhaw ding mi cu MAH le a minung Chin Luban Lubo rual, Ralkap minung Chin Dr te tu an si deuh awk asi. Credit: Saya Rung kaw