Minung Kan Sinak Man A Dang Tuk!

Minung Kan Sinak Man A Dang Tuk!
*********************
Nikum i US palek nih an tlaih i, mirang palek, Derek Chauvin nih a hngawng ah a rial chih i, an thimi George Floyd chungkhar hna cu MINNEAPOLIS City Council nih US$ 27millio liamh ding in nizan ah biachahnak an tuah.

A ngaingai tiah cun Geroge Floyd timi minak pa hi mitha a si lem lo. Voi 10 tluk thong a tla i tazacuai a tong bal cangmi a si. An tlaih lio zongah phaisa hleng a ken caah an tlaihmi a si. Asinain palek nih an tlaihhnak in a thimi a si caah a phungning bantuk tein pelek pawl cu tazcuai an tong. Minneapolis City Council cu palek pawl an tuahsernak ah tuanvo latu bik an si caah atu bantuk in George Floyd chungkhar hna cu $27million an liamhnak hna a si. Chim duhmi cu US ah minung sinak man a ngeihning le minung sinak man a fahnak kha ka chim duhmi a si.

Kawlram ahcun ralkap nih zeihmanh sualnak a ngei lomi minung an thah cuahmah hna, thah lawng hmanh an i za lo, an chungril vialte zong an hlai i an fir rih, mah tiang zong an i za rih lo, an ruak tiang an hlai rih hna. A ruak zong a thimi chungkhar hna nih amah nawl in ruak fimnak nawl hmanh an ngei lo. Pale nih phaisa liamh cu chim lo, a thimi chungkhar nih zei poah tuanvo laak a si. Ui le ar man tluk hmanh ah an kan ruat lo. Mah kong ruah ah lungfak ceilh ding si lo.

Uktu chia, uktha tha lo, rule of law a um lonak ram i nun hi nun man ngei lo kan si. Tulio Kawlram ah hremnak, tukvelhnak a temtuar mi vialte hna nih teinak co hna sehlaw kan ram ah daihnak le zalonnak leng hram ko seh. Mithat lainawng hna nih an tuahsernak man hi an thih hlan lo liam ve hna seh. Credit: Salai Lairamthang