Minthang Veronica Nih Min Aung Hlaing A Zuamcolh Cang!

SAC Ralhrang Min Aung Hlaing Mah Ti Hin A Singkhawtu Myanmar Lethwei Veronica
============
Veronica hi Kayan miphun a si i a nih hi Myanmar lethwei ah a lar taktak mi a si. Myanmar nu vial te lak ah Myanmar lethwei cu a lar bik ti uh sih law ka palh lai lo.

A si nain SAC ralhrang hna nih hramhram in uknak an lak hnu ah kan Lethwei ah i phomh ti loin, Uknak duh lonak langh teh nak caah Mipi sandah lamzah nak ah aa tel peng ve mi a si. Mah samdah piak a dih hnu in hriamnam in duh lo nak langh ter a rak si i, cu lio zong ah hriamnam in duh lo nak a langhter mi a si.

Atu ah Myanmar Lethwei minthang Vernica nih ‘Hriamnam i bochan in sualtuk hlah, botuk hlah, Lawr tuk hlah uh thi nan ngeih cun Kulh hri ( Rope Circle) ah rak kai ” tiah Min Aung Hlaing cu a singkhaw a zuamcawk.

Min Aung Hlaing Phu Nih Nu An Tlaih Mi Hna An Tlaih Hrem Hna Pinah Pa Pawl Zong! SAC Ralhrang Min Aung Hlaing Phu Nih Nu An Tlaih Mi Hna An Tlaih Hrem Hna Pinah Pa Pawl Zong An Tlaih Hrem Hna. SAC Ralhrang phu nih phungning loin tlaih mi Kawlram pumpi ah sianghleirum phu (Bah Kah Tah) nih nu pawl le ramleng ramkhel colhcanghmi nu pawl cu SAC ralhrang nih nu paoh poah in nu pa sual nak an tuah pi hna, an tlaihhrem hna, dawh cawh loin an tuah hna tiah (Bah Kah Tah) phu nih February ni 19 ah cathanh an chuah.

(Bah Kah Tah) phu i Nu ralkap pakhat cu phung ning loin an tlaih i nu pa sual nak an tuah pi i dawh cah loin an tauh hnu ah thonginn an hnu i an hremnak hma pawl cu sii leiin thlopbul nak angah rih lo nak kong, mah minu lawng cu si loin adang an tlaih mi hna nu pawl zong an tlaih hrem hna dawhcah loin an tuah hna tiah theih a si.

Mah hlei ah nu pawl lawng si loin pa pahnih hna zong an tlaihhrem hna an hrem nak hna kong, Phungning loin tlaih mi hna Mipi ralkap pawl hrem tha loin an hremnak hna kong zong mah cathanh an langhter chap.

SAC ralhrang Min Aung Hlaing phu pawl nih mipi pawl cu minung fa lo bang an tuahto nak hna pawl cu ram chung ram leng upadi lei pehtlai in dirhmi phu pawl tel in Democracy thazaang petu cohlang tu lei nih atu bantuk in tlaihhrem nak le dawh cah loin tuahto mi pawl cu bomhnak pek ding le Hremnak hma atuar mi pawl caah sii thlop nak ngah khawhnak hnga dingah bomhnak pek hna dingin ukpat pek nak he mah cathanh ah nawlnak ca an tial chih theih a si.

Mandalay hrambunh VOMDY zong (Bah Kah Tah) in kum 23 hrawng nu an tlaihhrem i hliamhma atuar nak kong, Uboo Thonginn aphak nak in atu tiang ah a mah lawng in an khamphih nak kong, Uboo thonginn ah pa pahnih an tlaihhrem nak hna kong, an mithmai cu puanin an tem dih hna i ho nih dah tuanvo alak hna ti zong theih lonak kong cu cathanh ah an langhter chap.

SAC Ralhrang Nih Mipi Ralkap An Kahdoh Caah Mipi Ralkap Minung 10 An Tlaih Hna Pin Ah Minung Pa 2 An Nunnak A Liam
Sagaing Ramthen, Myaung pengkulh Santinkin khua pawng ah a um mi Mipi hmunhim tu sakhan cu SAC ralhrang nih an kahdoh caah mipi ralkap minung pahnih an nunnak a liam pin ah minung pa 10 an tliah hna tiah khuami nih an chim.

“Tuni zinglei ah an kahdoh a si. Tuni zaan lei zong sakhan cu an kahdoh than i Sakhan ah a um mi facang, riahcaw thilri zong an hrawh mei an khangh piak hna” tiah khua mi pakhat nih MFP thawngzamh ah a chim. Mah Sakhan an kahdoh lio ah PDF minung pa 3 an tlaih hna i nu pa 7 zong an tlaih chih hna tiah thawng kan theih.

Gian Khin Pengah CDM Tuahtu Palek Unau Pahnih Cu An Chuahnak Caan A Phan Deng Cang Nain Kum (3) Thongtla Chap Dingin Biaceihnak An Tuahpiak! Sagaing ramthen Gian Khin khuapi ah SAC ralhrang ralkap nih nawlngeihnak a laakmi cohlan khawhlo ruangah duhlonak langhter in a hmasabik CDM tuahtu palek Thu Rein Lyn le corporal Ta Ya Lyn unau pahnih cu SAC ralhrang nih an chuahnak a naih cang nain aruang umloin kum (3) chung thongtla chap dingin bia an chahpiak tiah anmah chungkhar sinin theih a si.

SAC ralhrang ralkap duhlonak kong cu social media ah an tial tiah sualphawt hratin Ko Thu Rein Lyn unau pahnih cu SAC ralhrang nih kum 2021 Febuary 3 ah an tlaih hna hnuah March 15 ah kum 1 chung thongtla dingin biachahnak an tuahpiak.

Kum 1 chung thong an thlakmi cu a tling cang caah an chuah lai teah thonginn chungah SAC ralhrang duhlonak an langhter tiah sual phawt than in section 505 (က) in tazacuai than hratin kum 3 chung thong an thlak than.
Ko Thu Rein Lyn unau pahnih hna cu anmah chungkhar tong kho loin SAC ralhrang nih an phihkham hna caah Patein thonginn an phak hnuin cun vawikhat hmanh an tong kho lo tiah theih a si.

Mipi Ralkap Sniper In Ralhrang 9 Bak An Kah Thah Hna, Lung A Hmui Kho Taktak! Shan-Kaya Ramri, Ni Hnih Chung Kahdohnak Ah Mipi Vengtu Ralkap Hna I Sniper Hmangin Kahnak Ruangah SAC Ralhrang Ralkap (9) An Thi!

Shan-Kaya ramri Mube ah nihnih chung kahdohnak ah sniper hmangin kahdohnak ruangah SAC ralhrang ralkap 9 an thih pinah pakhat cu a phei ah a hliam tiah mipi vengtu ralkap phu nih Febuary 18 zaan ah cathanh an chuah. SAC ralhrang ralkap 9 thi in pakhat cu a phei ah hliam tuarnak kongah sniper phu i kahnak lawng a si i, meithal dangdang i kahnak in SAC ralhrang ralkap leiah a thimi an tam tiah theih a si.

Kum 2022 Febuary 17-18 kahdohnak ah hin sniper phu i kahnak thawngin SAC ralhrang ralkap leikap ah a thimi an tam bangin mipi vengtu leikap zongah nunnak a liammi an um. Cu kahdohnak ahcun kaphnih leikap ah a thimi an um veve i, SAC ralhrang ralkap nih Febuary 18 zaan ah tank a phortu motor rual telh in ralkap motor 60 lengkai hna cu Karenni leikap ah an kal tiah theih a si.

Shan-Kaya ramri Mube ah SAC ralhrang ralkap nih thazaang tam taktakin kahdohnak tuah aa timh caah mipi vengtu Alay-Paing phu telh in mipi vengtu Demosu peng, PDF-Loikaw, PDF-Pekhon, Karenni Army Centre Kn.N.C, KNDF, Karenni Generation Z, JPDF, GZ-21 PDF, IPDF telh in an hawile dangdang he i fonhin ralhrang rual cu an kahdoh cuahmah tikah SAC ralhrang nih vanlawng tiang hmangin kahdohnak a tuah nain a sungh tuk caah a thazaang a chap chin lengmang tiah theih a si.

Nawlngeihnak a laakmi cu mipi nih daziar tein duhlonak an langhter lioah rampi phaisa hmangin rak dirhmi ralkap i thahnawnnak le ningcang loin tlaihkhihnak le hremnak ruangah mipi vengtu ralkap phu a hung chuahnak a si i, nawlngeihnak latu Min Aung Hlaing nih himnak hmunah a zaammi mipi hna nunnak hmanh zawnruahnak ngei loin vanlawng hmangin bomb thlak hratin kahdohnak a tuah hi a si.

Yangon ramtthen Hmawbi peng ralhrangraltuknak canlawng sakhan PDF nih an bomb i Jet vanlawng pahnih a khen tiah theih si. Hmaw Bi Vanlawng Sakhan Ah Vanlawng (1) Ah Dollar Million (15) Man Yak-130 Raltuknak Cu Bomb An Puah I, Pakhat Cu A Puak, A Dang Pakhat Zong A Rawk!

Yangon ramthen Hmaw Bi vanlawng sakhan ah Yak-130 raltuknak vanlawng pahnih bomb an puah i, pakhat cu a puak i, a dang pakhat bel bomb puahnak nih a khenh caah Yida system a rawk tiah ralhrang ralkap lei nih an chim.

Febuary 18 zaan sml 11:40 ah People’s Force Yangon nih Hmaw Bi vanlawng sakhan ah a ummi tlangcungmi cungah atu le atu bomb a thlaktu raltuknak vanlawng umnak cu luhhnawh in bomb an chiah i, lamhlat in control hratin an puah hnawh caah vanlawng pahnih an rawk tiah theih a si.

Yak 130 raltuknak vanlawng 1802 i Drop Tank ah bomb pakhat le Paung 250 ritmi bomb ah lamhlat in puah khawhnak bomb cu bunh chih hratin an puah tiah theih a si. Bomb puahnak ruangah Yak 130 1802 raltuknak vanlawng cu a rawk dih cikcek i, a dang Yak 130 1802 zong Yida System a rawk tiah theih a si.

Yak 130 raltuknak vanlawng hna cu Russia ssrchuahmi an si i, pakhat ah American Dollar million 15 bak an si i, Kawlram ah Yak 130 raltuknak vanlawng 18 a um tiah thawng theih a si.

Yak 130 raltuknak vanlawng hi tlangcungmi umnak ah bomb puahnak ah SAC ralhrang nih an hman hna i, Yak 130 hna cu Min Aung Hlaing tuan caan chungah order kho dingin kum 2015 ah khan hnatlaknak minsen an rak thut cang i, Kum 2017 ah a vawikhatnak ah pathum (3) an rak phan hna i, cuhnuah kum 2021 December thla chungah Yak 130 raltuknak vanlawng cu (18) bak Kawlram ah an rak phan tiah theih a si.

NUG nih kawlram khuapi lak ding Ni a phuan zau te men lai.PDF nih Yangon le Naypyidaw an naih chib lengmang.
Kawl ralhrang teinak dingah biapi cemmi hna cu, KIA, KNU, CNF le AA hna kutah aa hngat mi asi.

CDF le PDF nih heh tiah an van norpi chih hna lai i MAH hi, Ruassia ah lopher a zam te ding mi nithla hngah si zau ko lai. Pic ka taarmi khi mah btk vanlawng an bomb mi si tinak.

Kayin Ramkulh Ah SAC Ralhrang Nih A Thazaang Tam Taktakin Kahdohnak Tuah! Karenni ramkulh ah SAC ralhrang ralkap nih a thazaang tam khawh chungin kahdohnak tuah dingin an lut tiah KNDF/B-02 nih Febuary 18 zaan ah cathanh an chuah.

SAC ralhrang ralkap hna cu He Hu khuapi in ralhrang ralkap motor 40 leng, Taung Gyi khuapi in ralhrang ralkap motor 30 leng, Ka Law khuapi in ralkap motor 60 leng, Pue Bue khuapi lei in tank rual he Kayin ramkulh leiah kahdohnak tuah dingin an lut.

Kahdohnak tuah dingah a kalmi SAC ralhrang ralkap hna cu lampi in kan rak kahdoh hna nain mipi vengtu lei thazaang a der tuk. Ramkulh hme te simi Karenni cu SAC ralhrang ralkap nih a thazaang tam taktakin kahdohnak tuah aa timh cang caah mipi nih meithal le kuanfang cawk nakah phaisa kan bawm u tiah nawlnak an tuah.

Karenni ramkulh cu a hme tuk, an kan kulh dih ko lai, Internet line zong a tha tuk ti lo caah tu zarh chung hrimhrim ah a si khawh chungin bawmnak kan pe hram u. Karenni phu a simi paoh sinah bawmnak pe cio u. Raltuknak thilri he pehtlai in a man an fak tuk tikah sing (1) nan kan bawmh hmanhah AK kuanfang (20) lawng a cawk kho. Cucaah mipi nih a si khawh chungin bawmnak kan pe hram u tiah KNDF/B-02 nih nawlnak an tuah.

SAC ralhrang ralkap nih Kayin ramkulh cu vanlawng zongin kahdohnak a tuah pinah hriamngan zongin a hleihluat hmangin kahdohnak an tuah.

Pale Ah SAC Ralhrang Ralkap Rual Cu PDF Fonhmi Phu Nih An Kah Caah Ralhrang (15) Tluk An Thi! Pale khuapi in a chuakmi SAC ralhrang ralkap cu Pukpar khua le Tamarpin khua karlak ah Febuary 17 chun sml 1:00 hrawngah Saya San-PDF fonhmi phu nih an kah hna caah SAC ralhrang ralkap (15) tluk an thi tiah theih a si.

Ralhrang ralkap (60) hrawng umnak hmun cu kan va kahdoh hna tiah Saya San-PDF phu ah tuanvo ngeitu pakhat nih The 74 Media ah a chim. Panga lawng an um tiah kan kal hnawh hna nain ruahlo piin (60) lengkai kan hmuh hna tikah hnulei kir loin kutin chehmi bomb in kan puah hnawh hna tikah SAC ralhrang ralkap rual cu a khenh hna tiah amah nih a chim.

Cu SAC ralhrang ralkap rual cu PDF fonhmi phu nih nihnih chung ngiathlainak an tuah hnuah an va kahdoh tiah theih a si. Kahdohnak caan chungah SAC ralhrang nih Puk Par khua in kum 20 tluk simi Mg Hein Zaw Lat cu a lu ah meithal in an kah that tiah amah nih a chim.

Motorcycle a laak nakah SAC ralhrang ralkap he an i tong sual i, a lu ah an kah that, a thluak zong a chuak dih tiah amah nih a chim. SAC ralhrang ralkap le Saya San-PDF fonhmi phu karlak ah Sml 3:00 chung fak taktakin an i kap hna hnuah Saya San-PDF fonhmi phu leikap ah hliam tuarmi umloin an i zukphiak kho tiah theih a si.

Sagaing ramthen Pale peng chung Yi Phyu Kung khua ah a ummi SAC ralhrang ralkap le Buesawtyi phu raltuk cawnnak sakhan zong Febuary 14 ah khan mipi vengtu PDF nih luhhnawh in an kah hna caah kahdohnak a fak ngai tiah theih a si. Credit: The Federal Times