Min Awng Hlaing hmanh a mui zoh ah a pelh rup khi kan hmuh dih mi asi

Tunai te ah ka lung um bia live in tlawmpal te ka chim mi ah khan ka lung ah a um ngai mi asi i atu tlawmpal ah mah hi News hi ka hmuh tik ah tlawm te van langh ter nolh ta ka duh. Atu lio kan thilumtuning boruak hi a leng lei i alang mi hi cu zapi nih kan hmuh dih mi hi asi ko. Asinain chunglei psychological realm ah hin hi nak faak in ral a tho ti hi zaraan nih kan hmu kho theng lai lo. Psychology a cawng mi nih cun an theih pah ko lai.

Min Awng Hlaing hmanh a mui zoh ah a pelh rup khi kan hmuh dih mi asi. Zei tluk in dah psychologially affected an rak si cio ti hi theih khawh asi khat lei cun lung zong a ttha lem lo. Kan ram si can ning hi faak pi in rak tuar cio asi. Kan theih cio awk ah aherh mi cu atu hi ai thok lawng asi rih. Zarhkhat fai lawng asi rih i mah ah hin atu bantuk in thawngpang hna kan i theih tik ah lung zong a ttha lo ngai ko. Atu kan buainak hi zei can a rauh rih lai hngalh khawh asi lo tik ah aho cio poh hi psychologically in prepared kan i tuah cio a hau mi asi. Emotion a san chung, mipi thazang a um chung ah hin cun thil hi akal cuahmah rih ko lai na in pawngkam thil sining hna a van daih tik ah kan i theih lo kar lak i kan rak tuar mi psychological impact hi a lang te ding mi asi. Thin a linh lio asi, mipi he i he haw lio cio caan asi. Ngamh a sang i ral a ttha rih ko. Asinain chim khawh asi lo. Caan a hong rauh i lung ning hna i thil a kal lo sual ah cun a mah ruang ah a nih ruang ah ti bantuk pakhat le pakhat mawh i phurh nak lawng si lo in kan mah pumpak thluak lei thinlung lei ngandamnak hrim hrim tampi a hnur suan khawh mi asi.

Atu i aka liam taak mi Pu San Mawi Ni Khuai hi cuhlan ah ka thei bal ve lo, ti zaan nai i ka van theih le cang ka zeidah a lawh hnga ti khua hi ka ruat i ho poh nih nan ruat cio ko lai. Lairam caah Laimi pakhatkhat nih hi bantuk rian cu ttuan hrim hrim a hau i sihmanhseh law a fialtu hna hi hibantuk uktu an si tik ah a caah zei tluk in dah a har lai ti cu kan ruah phak lo pin khi asi rih lai. Mi chim mi bia a el bal lo mi rian fel te i a ttuan tawn mi hna ca ko ah atu bantuk caan hi a har i atu ah mah ti in a thawng kan theih tik ah lung zong a ttha kho hrim hrim lo. Nizaan ah a ka liam taak mi Nungak Myat Thet Thet Khine bantuk in min tthatnak zong ai hlawh ve lai lo na in phun dang in chim ah cun atu lio buainak ruang i a nunnak a pe ve mi asi ti lei zong hi co hlan khawh ding asi ve. Zei caah ti ah psychological lei hi zapi nih kan hmuh khawh mi thil asi lo. Hi bantuk Unsung Hero hi an um tawn i anih zonghi hawi bantuk in min ngei in akong hi kan chim theng lai lo na in unsung Hero pakhat bantuk tal in co hlang kho ve usih law man a ngei deuh ngai ko hnga. Zeicaah ti ah anunnak nih a celh ve hrim hrim lo ti hi hei purh dah khawh asi. Bawipa nih a thlarau daihnak lei ah hruai in a chungkhar ngaihchiatnak hnem ko hna seh.

Ka langh ter duh mi cu Lairam CDM movement caah a nunnak ape hmasa bik tu cu amah hi asi ti hi asi. A har tuk mi Psychological War Field kan um lio asi. Kan doh mi ral ai dang, kan hman mi meithal ai dang, kan hman mi kuan ai dang ti hi thei hna usih law pakhat le pakhat hi lung rual tthan rual thazang peek thiam i zuam hna usih. Kan lung ai rual ah cun hi ral hi kan tei hrim hrim lai. Mah balte CDM movement lampi ah harnak tampi kan tong rih lai ti bel hi faak deuh le thuuk deuh in ruat cia hna usih. Khrihfabu zong nih faak pi in dirkamh aherh i a herh chin lengmang rih ding mi asi. Credit: Salai Bawiukthang Cinzah