SAC ralkap hna nih ralkap pension minung 2,000 tluk cu Taungdwingyi ah zarhnih chung training an pek hna hnu ah ralram ah an kuat hna kong ralkap chung thawnghram sinin theih a si.
Ralkap pension hna cu au in zarhhnih chung training an pek hna hnu ah ralram ah an kuat cang hna, Reserve Force upadi hmangin ralkap sawhsawh an auh hmasa hna i a hnu ah a paw aa hlai mi,a kut ke a kiak mi hna zong an dam ko tiah sii leh hmah an thoh piak hna i an lut ter viar hna.
an auh hma sa hna ah cun mah le khua cio lawngah rian tuan ding asi lai an ti hna i a mit hmu huaha lo,a paw hlai mi ti bantuk zong an luh ter viar hna i a tu cu ralram ah an kuat hna,an thawngpang zong zei hmanh kan thei ti hna lo” tiah Naypyidaw ralkap thawng hram nih Khit Thit Media ah a chim.
SAC nih 2024 February 13 ah khan Reserve Force upadi cu a nunter i cu Reserve Force ah cun ralkap in chuah a cu cang mi,pengsion laak a za cang mi hna nih hi hnu kum 5 chung a rian peh ding tiah aa tel.cu nawl a zul lo mi hna cu kum 3 tiang thawngthlak an si lai tiah an langhter chih.Crd: CBN News
Relchap: Chin ramkulh, Chin hriamtlai phu hna karlak ah ramkhel lei ruahnak aa dan ruang ah Matupi peng hrambunh CDF-Matupi cu Chinland Council (CC) le Interim Chin National Council (ICNCC) hna ah i tel ding in an ruahning aa dan ruang ah Brigade (2) ah an dir, tiah theih a si.
2024, February 23 in 25 tiang Matupi peng chung zungkip le mizapi hriamtlai phu hna Battalion kip in Commander hna nih Chinland Defense Force – Matupi i, a voi 2nak tonpumhnak an tuah hnu ah CDF-Matupi cu Brigade 1 le 2 ah an i ṭhan hi a si.
“Ramkhel ah ICNCC le Chinland Council (CC) an dir i CDF-Matupi Brigade-2 cu Chinland Council (CC) a cohlang mi phu an si. Brigade-1 cu Chinland Council (CC) ah tel a duh rih lomi dirhmun an si. Cucaah Brigade-1 le 2 ah kan tuah. Chinland Council (CC) a lungtling mi phu cu Committee i tel ding ah an zapi in luh an ngah” tiah CDF-Matupi chimphuannak nawlngeitu Salai Nine John nih a chim.
CDF-Matupi Brigade-1 ah Battalion-1 le Battalion-5 hna an i tel i, Brigade-2 ah Battalion-2, Battalion-3, Battalion-4 le atu tonpumhnak an ngeihmi ah an cothlan tharmi Battalion-6 hna an i tel, tiah theih a si.