Min Aung Hlaing Teinak Cu Pathian Thawng Lawng In Si Cang Seh!

MAH Kan Teinak Cu Pathian Thawng Lawng In Sicang seh!
============
Ramdang Nih Raltukpi Awk ah GZ Mino Nih MAH kandoh lo. Nunnak le Thisen Biakṭheng Cungah Pekchannak Tuin Anasin le Ralhrang Cihmih Awk Ah.

Ralhrang MAH le Rallokap uknak Kan cohlan khawh hrimhrim lo caah, Hriamnam in Dothlennak a tuahmi kasi. Kanchan chungah le ka fale hna chan ah, Anasin poah poah (Civil le Ralkap) um ti hlahseh, tiah Dothlennak caah, Raldoh mi kansi. CDM timi Civil Disobedience Movement phunglam timi, Dai tein Duhnak langhternak in, kan i thawh hmasat ko nain, MAH le Ralhrang Uktu hna nih Cohlan duh loin, Hranhram in, mipi an hremh hna, an thah hna, an tlaikhih hna, Thong anthlak hna, nu an tlaihrem hna, Hriamman he Rallokap nih an kan chuahhnawh caah, Hriamnam kan tlai ve mi asi. Duhthim awk Lamdang kan ngeih tilo.

USA, UK, EU, UN, NATO le Nitlakram hna nih, ral an kan doh pi lai, tiah kan i ruahchan ngai ngai. Thazang kan in pe hna, We Stands With You timi lawng kan covo asi cang. Hriamnam tal hi kan bawmh hna seh kanti ah pakpalawng asi ṭhan. Phaisa talin kan bawmh hna seh law, hriamnam kan cawk ve hnga kan ti, asi khawh ṭhan lo. Apit mi Lam btk asi ai. Syria le Arabs ram hna btkin, Kanram ah, USA, NATO, EU le Ramdang duh ding mi le an herh bak mi Gas le Zinan, Kokek Datkhu, a umlo caah asi, ti kha tu lawng ah kan lung a pem. A ummi hnihkhat Gas le Kokek Datkhu cu, China, India, Thailand, France, Germany, Australia nih an hmuhco caah, MAH a bawmh na, sipuazi phihkarh aduhlo na, hriam ṭha ṭha le Jet Fighter a zuar na, tiah ansi cio hna.

EAOs hi hmunkhat an i fonh lai caah, GZ cu Federal Ralkapbu, kansi lai, tiah, kan i ruahchan ngaingai. Kawl Luban kip nih Divide and Rule in fonh khawh lo ding in an rak tuah diam hna ai. NUG nih a fonh ter hna lai tiah Ruahchannak nganpi kan ngeih rih. Nain nihin tiang thawngpang a daih ngai fawn. KIA, CNA, KNU, KNLA, KNDF lawng lawng nih, GZ cu Tidan an kan pe nain MAH thluk khawh ding in Hriamnam an kan pe khawh ve tilo. Nihin ni tiang Puahceh, Thalpat le 4.8 lawng in ral kan doh rih ko. Kan i ngeihchun chanthar Meithal cu 10-20 nakin atam deuh lo. Cu hmanh cu Zenthawng 30 lawng kan i ngeih. Duhchung kah khawh asilo. Kuanfang Semrel buin Raldoh asi i apoi bak ko.

EAOs pumkhat asikhawh tilo. Federal Ralkapbu zong a mui adeh tilo nain hnabei a sei rih mi cu: CNF, CNA tang ah Chin Ralkapbu pi serchuak asi. Nain CNA he Chin Puan pakhat aa aih duhlo mi, ZRA, Mara Army le CNDF an rak um hoi i, LAIMI KANCEM ti kansi la la. Lamdang kan kawl ṭhan. CJDC ti in, Chin Ralkapbu cu, CNA kuttang ah dirh asi. ZRA le Mara Army cu CNA, CJDC Hnithawng tangah um an duh tilo. ZRA cu: CJDC chungtel luban an thah nawn i, CDF Sakhan zong an hrawk piak hna. MAH he i fonh in CNA, CDF cu an kan kah bakko. Mara Army hi ZRA btk ansilo abiapi.

NUG hi phaisa a ngeih cang ko caah MAH Thluk khawhtu Hriamnam an kan bawmh lai tiah ruahchan ansi ṭhan. USD1Billions kha. 1000 millions ahcun million 500 tal incun, hriamnam a cawk men lai kanti cio. Thawngpang a len hoi lo ai. Phaisa in bawmh an kan duh asilai tiah, lung kan i sak ṭhan. Naite cio ah, USD 40000 bawmh nansi an kan ti. Chinram ah, CJDC kuttang ah CDFs 17 aum. CDF pakhat cio nih, USD 2353 cio kan co. Thau khuakhat an tluk deuh lo. Annih cu USD 180000 asi cu aw. Nain kan ṭhathnemh tuk lawmmam i kan i lawmh tuk. Hmailei tu ah tamdeuh in an kan bawmh te ko lai tiah, kan i ruahchan ko hna. Hnabeisei nak tampi he. Pathian nih, an khuakhan Lairelnak, zeizongte, a tlamtlin khawh nak hnga, umpi in, lamhruai ko hna seh.

Smaria Miṭha dirhhmun in Ramthumnak um, Chin Miphun kutke in Nihintiang CDF thaw a chuah hi asi. An reithei tuk ngamsam caah, Krifa thawhlawm le 1/10 bawmh ding asi, Krifa le a Pennak a cihmih tu MAH le Rallokap ansi caah kanti phah nak cu asi.

NUG nih DDay a thanh, 2021 September 14 ah. Voivoi khat in, kawlram pumpi in namh ding ti asi. Aruang tampi ruangah a hlawhtlin khawhlo. Dr. Lian Hmung Sakhong nih, “Federal muru cu State ah Power timi Nawlngeihnak um cikcek kha asi”, “Mah le Ralkapbu cio ṭhawnter ding”, tiah ati. Cucaah mah le Ramkulh, Pengkulh cio ah Ralkapbu dirh le ṭhawn terin, hma kan lak ṭhan. Chin State ah Ral kan tei cu; Teinak dik asi tiah kan hmuh khawh cang. Ṭhithruaitu ah tiah CJDC tu kan dirh cang. MAH nih Chinram Raltei kha abiapit ning a hmuh caah, Anawratha Operation in ara ve.

Chin GZ nih nunnak le thisen pekin, Ram le Miphun Zalennak caah, kan i thawh cang. Zeizong vialte kaltak in, Kan zeizongte, kan pekchan cang. Thisen le nunnak le Ralhrang uknak thlen awk ah, lungtho tein, kan i thawh cang. Mak Kutke To nun hmang in Pathian nih Raltei hi an kan duhsakmi asiko lai. Chinmi vialte nih Kan zeizong in CDF Bawmh rih ko usih. Kan rethei tuk cang i kan baa ngamsam cang lai nain. Ram laa ding tampi atang rih. Kan hmaba rian a tamtuk rih. Hnukhirh awk kanṭha tilo. Aisalon nelrawn ah Nika le Thlapa cu kan hngak rih ko seh.

NUG bawmhmi a tlawm zong ah thachia lo ding. Hmailei tampi an kan bawmh naklai, Ṭuanvo ngeihtu hna nih, kan zuam piak hram uh. Ngun sawm le MAH thluk khotu Hriam Ṭha Ṭha kan bawmh rih hna seh. Thachiatnak le Lungzawrnak capar le Bia-ka i sumh cio hram usih, Chinram a Zalenn aduhmi vialte nih. CDF, CNA le NUG soisel thangchiat kha cu Minung nih tuahrai asilo timi phung ah khuasa cang usih. Kan zeizong tein thazang chuakin thazang pek hna usih. Pathian a lungtluang lai i Teitu kansi zau lai. Credit: Saya H. Rung Kaw