Min Aung Hlaing sermi SAC hrawhnak an langhter lai. Kawlram politics tuanbia thar an ttial lai

88.08.08 Myanmar ๐Ÿ‡ฒ๐Ÿ‡ฒ uprising in Kum 33 a rauh ah 2.2.02.22 Nationwide Uprising a um tthan lai. 1962 lio ahhin Ne Win nih Mipi uknak/ Democracy cu, uico saruh tlikpi in a rak zampi i, โ€œUnion Revolutionary Councilโ€ tiah amah nih Cozah thar a rak dirh. Cu ahcun, amahte in chairman aa pe. Cun, amah duhning in phunghrampi thar a rak ttial i, Kawlram cu party Pakhat system, Socialist Party in a hruai. Kawlram cu Kum 20 chung ah Vawlei cung sifak bik ram ah a caanter.

Cucaah, 88.8.8 ah Nationwide Uprising a rak chuak i, 8 pali lio ahhin Ralkap uknak cu an rak tei kho lo nain, Newin dirhmi socialist Party cu an rak hrawh khawh ve. An rak tei dengmang. 8888 uprising nih indirect tein a hrinmi Democracy tlaici, 1990 ah a rak kheu hrulh nain, Ralkap nih an dolh tthanmi cu, 2008 ahkhan 25% Ralkap ci telh in Ralkap nih an hrin tthan. 25% Ralkap ci aa cawhmi Democracy cu Kum 10 a von upa ah Ralkap Bawi, Min Aung Hlaing nih a dolh tthan hawi.

Newin nih 1962 ah Democracy a dolh i, โ€œUnion Revolutionary councilโ€ tiah a thlen bantuk in, Min Aung Hlaing nih a dolhmi Democracy cu, State Administration Council tiah a thlen ve. Amahte in chairman aa thim. Min Aung Hlaing nih a dirhmi State Administration Council cu, kar khat hmanh kar kho lo dingin, Mipi nih CDM movement in an phawmh colh. Thaizing hi 2.2.02.22 ahhin Nationwide Uprising in, Min Aung Hlaing sermi SAC hrawhnak an langhter lai. Kawlram politics tuanbia thar an ttial lai. Credit: Zasang Cinzah