Min Aung Hlaing Ralhrang Nih Timhtuahnak An Ngeihmi Cu Tihnung Taktak Ko!

“Operation Anawrahta” – Chin, Sagaing, Magway
===========
Tutan MAH a ralkap nih Nitlak Chaklei (North West) uknak in Chin, Sagaing le Magway i dohnak an tuahmi hi “Operation Anawrahta” tiah a min an pek an ti.

Kahdohnak a min “Operation Anawrahta” timi zoh tik ah, ramchung ral ah pek bal mi a si lo. Asinain, tulio an kahdoh dingmi hmun zoh si ahcun, Biaknak le Miphun a dang kan si. Cucaah, MAH nih a biakmi phungki upa pakhat nih hi min ‘Anawrahta’ hi ruahnak a pek mi si lai tiah an ruah.

A ruang cu Kum 70 chung ramchung ral a um cangmi ram kan si ko nain, a luan ciami kahdohnak ahhin, khahlan siangpahrang pathum hna i minpek in operation tuah a si bal lo. – (Ramdang le miphun dang raltuk le doh ah an kan ruah tinak)

Kawl an siangpahrang Anawrahta hi kumzabu 11 lio ah anmah Kawl pennak ah Budah biaknak a rak thawktu a si.
An nih Kawl te theo cu, Phungki nih maw, Bedin maw, Natkadaw an ti maw cu phun nih a nithla cu zoh hna kaw, nambar pakua chuahnak nithla in Sagaing le Chin hi an thuat lai, tck. Oct. 18/19/27 tbk. khin an hei ti.

Ralkap phu LID pathum in an si an ti caah, an thazaang hi 4000 tluk tal cu a si kho. Mahbel, ahote set dah an si timi theih a har cang. An liang/ban i benhmi a hman tilo, ningcang lo in an benh. Tck. LID 11, LID 77 tbk. in a cheubang an thlah hna.

An cawlcangh ding ning hi voidang he a lo lai lo. Voidang ahcun, Ralkap nihhin a lemsoi le a dang in dangh an hmang tawn. King kah i na sa pakhat va dangh hmasa phun khi si hnga maw dek ka ti! Nain, tutan cu hmunkhatte ‘coordinated attack operation’ hi North West Command tang in an tuah lai.

Cucu, nihin ah Mindat, thaizing ah Falam, cun Hakha, Kalay tbk. silo in, kahdoh le lak an timhnak poah khan, nikhat te ah, a ruang tein caankhat ah Mindat, Falam, Hakha tbk. le Gangaw, Kalay tbk. in thuat an timh ding mi a si. Cucaah, an minung pawl an thiahnak hna hmun ah phanhter khawh an zuam cuahmah lio si.

Cun, a cian-phet hninghnin zi tatphuaih (counter-terrorism special forces) pawl zong hman an timh hna tiah an chim.
Cu an thazaang dihlak in an tei hlei lo ahcun, zei zong vialte an phiat dih lai, (4-cuts) in MAH caah ral a si mi lawng silo in amah caah ral a do cuahmah mi lila zong an phih dih ve hna lai. Hihi zapi caah tihnung ngaimi a si.

CAMP VICTORIA KAH AWK AH RALHRANG AN RAK KAI MI ASI LO TIAH KA ZUMH. Ralhrang nih Kawlram khuate an control kho ti lo. Control khawhnak ding thazaang zong an ngeih lo caah asi. Chinram khuate zong an control kho ti lo. Tuhnu thla 6 ahcun an raltuknak ding tangka le hriamnam an dong cang lai. An mah ralhrang ralkap pawl zong an control kho ti hna lai lo.

Ralhrang nih an i tinh mi le an tuah khawh cem mi cu, Chinram Khuapi (Myo 9) control asi ko. Khuapi (Myo) in pehtlaihnak le eidin control khawh kha an i tinh mi asi ko. Lai khuate dihlak kan him hrimhrim lai. Khuate lei ah operation an tuah ti lai lo tiah ka zumh.

Kawl Ralhrang an tactic pakhat cu…An hriamnam le minung thazaang in mipi thihphaih kha asi. Atutan Chinram a rak kai mi Ralhrang zong hi an kan thihphaihnak menmen asi. Kan tih hna seh lau hna seh tinak sawsawh asi. Ataktak ahcun zeihmanh thazaang an ngei ti lo. Chinram khuapi pawl cawngtu le control khawhnak ding caah an rak kai mi asi. Khuapi kip ah an thazaang thawnter tu an i tinh mi asi.

CNA Camp Victoria an kah ngam hrimhrim lai lo. A helh zong an helh ngam lai lo. CNA/CDF cihmihnak thazaang taktak an ngei ti lo. Mipi țhihphaihnak ah Bomb le meithal puah lawng lawng an ti khawh mi asi. CNA/CDF/CNDF nih kan khuapi pawl (Myo 9) humhim aherh cang operation tuah a herh cang.

Chinram, Sagain le Magwe ramthen hi NUG nih freeland ah a timh tiin ka zumh. Raltuknak cu a tam chin lengmang ko lai nain țih ding an si ti lo. Ralhrang cu a ho a tlawng cang mi cakei sawsawh bantuk lawng asi cang. Thih lai ke cheih bantuk khi mu. Credit: Israel R. Thang