Min Aung Hlaing Ralhrang Nih Kawlram Cancer Le Zawtnak Ah An Chuahpi Dih Cang!

Kawlram Cancer le Zawtnak cu MAH le Kawl Ralkap An Si: PG(50)
==========
Mipi le ram caah nunnak pek ding in Ralkap biakam cu asi nain! Ralkap Nu le Pa cu Mipi, Ralkap Pipu zong Mipi, tihi Ralkap lungput cu asi nain. Ralkap lawng lawng hi Nu le Pa asi tiah an thlen ai. Mipi Pipu zong Ralkap tho tho an ti chih cang.

Kawl Ralkap nih khumzual in kan chanchuah caah Kawlram a derh khawh hi asi an ti cang. Mipi nih Ralkap sin ah Leiba nan ngeih ti phun in an i lak cang. Uk Sang Cawnpiak ning cu; Ralkap cu mipi saal nan si. Ṭuan piak mi si loin, Ṭuan piak tu si uh. Not to be Served but to Serve kha asi.

MAH te chan ahcun Saal cu bawi dirhmun ah anmah tein an i Cuai thlirh cang. Saal an bawi ah ram a rawk timi Chin Pupa phung a tling bak ve. Ralkap cu Politics, Economics le Uknak cu Pupa ro le an covo ah an i ruah cang. Ṭum an duh ve ti lo. 25% hmunhma an i lak mi hi Politics le Sipuazi ah ralkap lubik si zungzal nak caah asi. MAH nih Uknak an kan chut nak amuru cu “Ralkap pennak hmun camcin seh kumkhua in” timi vision asi.

Ramrian le Uktu dirhmun in Ṭum an duh ti lo caah an ban in rawtin thlak an hau. A chut in chuh an hau. Cabuai cung biaruah nak men in cun an hrik a thak ve ti lo. An cihmih lo ahcun Kawlram a dam bal ding asi ti lo. Kawl ralkap cihmih awk caah Setan he hmanh Ṭuan ṭi ah, a poi nak a um lo (Sir Winston Churchill Bia Roling). MAH le Kawl Ralkap Cihmih awk ah a doh mi cu kan hawikom an si ko. Buu khat ah um le um lo ah buaipi ding asi rih lo. MAH le SAC Kan thlak khawh hnu ah Ṭuan ding mi hmaba rian ah chiah rih ko uh Sawhthelh le Kawi fim rual hna.

Panglong cu a rawk bak lo, England SPH sin ah record le Documentation a um dih. Nain Ralkap nih tlinter an duh lo, an mah LAL zungzal nak caah asi. Panglong cu tlinter dah tilo, a kong ceih ṭhan awk a um ti lo. NCA le 21st Panglong Conference ti hna cu Lih lawng sihlah, hrawkhrol deuh asi ko.

MAH le Ralkap Cihmih awk ah Ramdang nih bawmhchan ding in NUG nih hma a lak. Mipi, CDMers le GZ nih rilcat Deng in le Thisen in kan doh ve. Mipi thisen tampi a luang cang. NUG keneh belte a nuar tuk rih. A cio cio ah aa lawh lo, MAH doh cio cio ah. “Popularity in a doh tu le Thisen in a doh tu”. Khuasiksem a chuak, chimh ngam hmanh asi lo.

Cucaah aho vialte nakin CDF cu ka Upat deuh, Ka Salam deuh, a cung nung deuh, a ropui deuh, a Lian ngan deuh, a puitling deuh, Ram le Miphun Damnak tling phawrh tu ding, Zalen nak le nun Duhdim tlun pi tu ding, an si ko.

Aruang Umloin Mipi A Hrem i A Thattu MAH: Without Reasons Tanbo: PG(48). Dalaan biafang btkin tu lio a laarmi biafang cu “Aruang Umloin” tihi asi (Wiothout Reasons / အကြောင်းမဲ့). MAH le SAC tuahserhnak vialte hi Without Reasons lawngte an si. Misual bik Damiah le Gangstars hrim hrim an si cang ko.

“Ṭih hna seh” “Lau hna seh” tiah A Hrem hna, a that hna, thong a thlak hna, Media pawl zong a tlaih hna, taza a cuai hna, Khuachung ah meithal an puak, Khuapi mei an duah, a bu bu le a rual rual in, mino hna cu tuksapur tuk in an thah hna, tbkin a tam tuk ngamsam. MAH sualnak hi cazin tuak khawh nak pinlei asi. Minung fa fa nih celh ding ci asi lo.

Mipi cu Ṭihnak Thlarau le lungthin in, thaw khumh ding in aa zuam. Uknak ka khumzual Chung a ti mi hi, Kawl Ralkap le Amah LAL zungzal nak caah asi. Ralkap Party USDP cu Ṭihphan nak Thlarau cu Nunnak thaw in MAH nih an hnar bak ah a chuah hnawh hna. Cu nunnak thaw in USDP le Pyusawṭhi cu a nungmi an si. Mifim rual rual le Drs. pipi hna nih USDP an um hi, ṭihnak Thlarau pek an si caah asi. Lim hamh in MAH nih a hamh hna i a molh ter cang hna. An ramkhel lamthluan le hmuitinh zong mipi le ram damnak caah asi lo. Alam kip in mipi ṭhanchonak le siṭhatnak caah asilo.

Chinram le Chin miphun nun duhdim nak caah asilo. Mipi kan tem ṭuarnak le kan thihloh nak hnuchit in, USDP ah an um peng mi hi, anmah siṭhat nak le Bawi ṭuannak, LAL zungzal nak caah asi. Pathian pekmi Thlarau le Nunnak cu a thih cang i, MAH pek mi Thlarau le Nunnak lawng an i ngeih cang caah asi.

Drs Pipi hna nih MAH le SAC Tanbo le ṭhiangṭhunh nan si ve hi cu: Khuaruahhar minung nan si ko. Pathian tanbo le ṭhiangṭhunh nan si khawh lo hmanh ah Chinram le Chin Miphun ṭhiangṭhunh le Tanbo nan si ve cang nak lai, Mipi sinah rak kir cang uh! Nan khuazing Dr pa telin!

Pathian kutzung ningin Nunnak nan ngeih ṭhan khawh nak lai USDP party in i phuah uhlaw, CDF sinah Surrender rak tuah zawk uh! Minṭhat cungnung nak he rizung mual liam ding ah CDF sinah rak i fonh dih cang uh. Dr pa pakhat naa fonh khawh ahcun adih ko. Sheol ah khuasa ve hnu, Thlanlung ah, zunhnawh le Ekhnawh nakin nan luat nak hnga, CDF sinah ra cang uh, caan um lio ah! Pu Hrang Nawl Family si ve awk ah (USDP le an Drs te) CDF ah ra cang uh! Credit: Saya Rung Kaw