Min Aung Hlaing/ Ralhrang cu ASEAN nih hlawt an timh cang!

Min Aung Hlaing/ Ralhrang cu ASEAN nih hlawt an timh cang.
==========
Min Aung Hlaing/ Ralhrang cu ASEAN nih hlawt an timh cang. China 🇨🇳 duhsah tein a kaltak ziahmah ve. India nih an hlawt aa theih fawn. UKRAINE 🇺🇦 ram, hriamnam sernak company, project ah a navy personnel minung 18 a thlahmi hna cu, Ukraine immigration nih an rak kham hna i, Malaysia ah an kir tiah thawng a chuak rih.

Ramleng ah hmunhma a ngei ti lo. Ram chung ah PDF/ CDF tbk people’s defence force nih khawiva seh in an seh cuahmah cang i, a Ralkap lila nih an celh ti lo. Ralkap nupi tiang meithal a tlaihter cang hna. A ralkap tampi nih an zamtak cuahmah fawn.

CHIN ram kai dingin Ralkap Tank nganpipi a rak thlahmi hi a donghnak- Show Off a si kho men. Khat lei in, UN human Rights nih Tanks nganpipi in, a Mipi pawl thah ding aa thawh cang khi, action lak a hau tiah UN ah an ah hnawh.
A dirhmun zoh tikah thih- lai kecheih taktak a si ko cang rua.

Chin Ram ah kaiter a timhmi a tanks nganpipi cu, Chin ram cho an kai manh lo hrim tiah CHIN PASAL hna nihcun, an ngamh tuk hna. Chengpalang ah a kal thiam lomi, chungkuh bantuk tanks cu, tlangpar lunghrilh hnawh ah a dir colh ding khi an si ko, tiah an ngamh tuk. Cucaah, an kai ngam taktak te hnga maw! CHIN ram vengtu, nunnak thap in Ralkap a dirh-awnhtu vialte hna, Pathian nih in veng ko hna seh.

Salai Ngun San Aung le CCN biaruahnak tawite ka zoh i, classified information pawl nan hal len in ka hngalh. Interview hi public a si tikah, Ralkap zong nih an zoh ve lai caah, camps ah Minung zeizat an um, reserved pawl Khawika dah an um tbk pawl hi zapi nih hngalh awk a thalomi/ classified ah chiah ding pawl an si.

Medical lei an izohkhenhning tbk zong Mipi sinah phozar awk an ttha lo. An tha a dernak le an chambau rihmi kong tbk tete zong Ralkap theihter a tha lo. Cun, ral ah hliamtuar izohkhenhnak ah a zohkhenhtu/ nurse tbk pawl an ca zong ah security hi tuak a hau.

Meithal tlamtling in an ngeih rihlohnak kong hna hi, Ralkap nih an theih a ttha lo ngaimi a si. Indirect in Ralkap thazaang a pek khawh. Kan ral hi physical/ taksa he, psycho/ thinlung he dohmi a si. Cucaah, media nih ramchung lei, Mino, interview nan tuah hna tik ah, questions hi, filter tthate in tuah ta ulaw- detail tuk in, hal lo an ttha bik.

Mipi sinah theih awk a thami/ a safemi information hi thim thiam izuam ko u. Free world a simi US hmanh nih an Ralkap/ operation le activities kong hi, detail in Mipi sinah an langhter lo. Credit: Zasang Cinzah