Min Aung Hlaing President A Tim, USDP An Buai!

USDP AN BUAI. MinAungHliang PRESIDENT A TIM.Iran Nungak thih ruangah Vawleipi buai.(INTERPOL le Myanmar Palik tuanti lai maw)
========
September 16,2022 ah khan Islamic Iran ramah Nungak Mahsa Amini(22) cu hmaituamnak lu- khuh a khuh lo ruangah le a Samtlairem a met i, a hmai a tuam lo ca’ah Islamic Shiite phung na buar ti’ah Iran Protective Palik nih an ram Nitlak -chaklei ummi Gilan Province, Aznaveh Kurdish khua’ah an tlaih i, fak tukin an hrem ca’ah a thi diam ai. a ruak cu Nithum hnu’ah an vui i, cu an vuinakah Iran Mipi cu an thin hung tuk i, Palik zung cu lungin an chet i a rawk dih ca’ah Palik nih Mipi cu fung le meithal in an tuk/ an kah hna i, Mipi 16 leng an thi.

UNGA meeting in a rak tlungmi Iran President Ibrahim Raisi nih Iran Police Chief General Azi zollah Maleki sin ah duhlonak lamzawhtu pawl cu tukvelh ding ah Order a cuah ca’ah an tuk/kah i, tuchun tiang Mipi 58 leng an thi cang. Cuca’ah Iran Khuapi Teheran i ummi Al-Zahara University Nu pawl hruaimi Mipi nih cun Iran Supreme Leader Ali Kha-meni cu duhlonak an langhter i, Mipi 700 leng an tlaih hna ca’ah, atu cu Iran rampum puluk khua 133 City ah Mipi nih duh lo lamzawhnak an nei pinah Vawlei cung hmun tampi Turkery, Grace, Germany, Canada, Spain le Arab ram zeimawzet ah Nu pawl an Sam an i met i duh lonak an langhter cang. A’rauhlan ah Iranian Mipi nih an Cozah hi an thlak kho men mi asi.

Ex-Sr General Than Shwe nih arak dirhmi USDP Party Chairman U Than Htay cu tihni hmasa ah khan a dam lo ca’ah Chairman in a din ti’ah an Spokesman Dr Nanda Hlah Myint nih a phuan i, amah zaka’ah Vice Chairman U Khin Yi nih an Party General Conference an neih hlan chung cu Chairman a chawn chung lai ati. USDParty CEC Meeting cu June Ni 8-9 ah an rak tuah i, Chairman U Than Htay nih Chairman sinak peh zulh tha’n dingin a hal hna na’in CEC members Minister hlun U Thaung Aye le U Myint Hlaing nih an duh lo i, Party Conference nih thim ding asi an ti.

SAC General MinAungHliang nih U Khin Yi cu Immigration (လဝက) Minister in a dinh ter hnu September 12-14 ah khan USDP Party CEC cu meeting an nei tha’n i, MinAungHliang lei tanh tu Vice Chairman U Khin Yi hruaimi Ministers hlun U Myint Hlaing( Agriculture) U Hla Tun ( Finance), Myat Hein( Ex- Air Force Chief), U Wai Lwin(Defence), U Thaung Aye (Industry), U MaungMyint, U Thein Zaw, Soe Than, NganWin, TheinAung le NganThun pawl nih U Than Htay cu 2020 Election ah nangmah ruangah kan tlin lonak asi ti’ah i phuak dingin an kar chih.

Hi hna pawl hi MinAungHliang lei atang mipawl an si. Thlathar October Zarhkhat nakah USDP Party General Conference cu Nyphydaw ah neih an tim i, U Khin Yi hruaimi MinAungHliang phu le U Than Htay hruaimi USDP ti’ah phuhnih in an um.

2023 Rampi Thimnak Election cuan tuah kho hnga maw/ tuah kho lo tihmanh a fiang hlanah President le Ministers sinak ding ca’ah an rak i cuh len cang hna. CEC pakhat nih cun, tuhlan 2010 bantuk khan NLD tel lo’in Thimnak tuah i, an mah USDP le Ralkap 25% he i kop in 2023 ah Firkhut Cozah siam an i tim ti cu a fiang tuk mi asi.Thimnak tuah an i timhmi ah hin India Cozah sinin Vote thlaknak Seh Electronic Vote Machine(EVM’s) zeimawzet a bomh hna lai i, Khuapi lei deuh ah an hman lai ti’ah theih asi.

Central Election Commission cu Nyphydaw ah meeting an nei cang hna i,Rampum Township 330 lakah 320 ah tuah khawh kan i zuam lai ti’ah CEC Secretary U Khin Maung Oo nih cun a chim.2010 ah khan Township-315,2015 ah 323 le 2020 ah 315 an rak tuah khawh.mah belte US Counselor of State Department Mr. Derek Chollet le UN Human Rights Palai Tom Andrew nih cun, SAC nih an tuah dingmi 2023 hi US le UN nih kan pompi hna lai loh ti’ah UN Meeting ah an au pi i, a ho ram hmanhnih pompiak hna hlah uh an ti ve.

INTERPOL le Myanmar Palik an tangti kho men ti’ah thawngpang a um. Tuhlan deuh ah khan La’os Khuapi ah INTERPOL le ASEAN Police Chiefs/Myanmar Home Minister an i hmuhnak ah khan Drugs/Crimes lei’ah riantuanti dingin hnatlaknak an rak siam cang hna. Tunai te Dubai le Thailand zongah rian an tuanti cang ti’ah theih asi.( Sau deuhin kan tial te lai.) Credit: Mc Biklian