Min Aung Hlaing Pekmi Punishment hna cu Kumkhat chung ah kan tei lai!

Min Aung Hlaing Pekmi Punishment hna cu Kumkhat chung ah kan tei lai!
==========
Kalay Peng PDF Chungtel Sii Lei Ralkap Nu 9 Cu Kum 12 Chung Thongthlak Ding In Biakhiahnak An Tuahpiak Hna. Sagaing ramṭhen, Kalaymyo peng tualchung hriamtlai phu chungtel sii lei ralkap nu 9 cu October thlachung ah Kalaymyo thonginn biaceihzung nih kum 12 cio thongthlak ding in biakhiahnak an tuahpiak hna tiah thonginn rianṭuantu hna he naihniam in ummi nih an chim.

Nu 9 hna cu SAC ralkap nih uknak a lak hnu 2021, November 16 ah tlaihkhih an rak tong i Kalaymyo thonginn ah an hren hna hnuah poh-mah 505(a) le 50(j) in tazacuai a tong mi an si. Kalay thonginn biaceihzung nih kum khat tluk sual kawlnak a tuah hna hnu 2022, October thla chung ah an dihlak in kum 12 cio thongthlak ding ah biakhiahpiak an si tiah Kalaymyo peng tualchung hriamtlai phu in tuanvo ngeitu nih nihin November 29 ah a chim.

Tlaihkhih a tongmi PDF chungtel sii lei ralkap nu hna hi Chin mi an si i, an dihlak in kum 20 a luan kami mino tete an si tiah theih asi. SAC ralkap nih rallam sialnak ah kalpi an si thla 5 chung ah an nun humhimnak kongah thinphang in kan um i, a tu hnu ah cun thla hnih ah voi khat eiding le an herhmi kuat khawh a si cang tiah min langhter a duhlo mi thongtla chungkhar pakhat nih a chim.

Min Aung Hlaing Pekmi Punishment hna cu Kumkhat chung ah kan tei lai i an luatthan zau ko lai. An nunnak te a him i lawmh a um tuk. Bawipa nih tei nak a kan pek lai i tuan ah an kuat ko lai. An nun a him le lawm um tuk. Pathian nih a bawmh hna lai i an chuak zau te lai. Pathian nih nung damte in luat ter hram hna seh law.

Bawipa bawmhnak thawng in Mipi ralkap nih teinak an hmuh lai i an luat zau ko lai. Kan fa le tete ăn thi dih cang rua ti i ka ruah mi hna ee. Bawipa nih thong chung zong ah him tein um pi ko hna seh. An duh zat poh khan bia cu va ceih ko hna seh. A rauh hlan ah an chuak lai. Bawipa tu nih damnak he an nun thluachuah pe cio ko hna seh. Bawi pa nih ti khawh lo mi zei hmanh a nei lo a rauh hlan ah chuah khawh nak can tha pe ko hna seh.

Tei nak kan hmuh lai i an luat colh ko lai Bawipa tu nih kil veng hram ko hna seh law a rau ti lai lo. A rauh hlan ah bawi pa nih luat nak pe ko hna seh thla cam bawm cio hna u sih. Bawipa nih lam hruai ko hna seh kan ram that cun achuak colh te ko lai lung afak tuk e. Bawipa nih um pi ko hna seh law, an thah cang ria hna kan mi an dam thawng theih cu lung a nuam tuk ko e.

An chuak hrim hrim a tlin hlan ah thawnginn chung ah Bawipa nih um pi ko hna seh. Bawipa thawng in a roh hlan ah kan tei hrim hrim lai. An chimh bantukin Jail ah an um hlei lai lo na, teihnak kan hmu lai i,an chuak cawkh ko lai, fakpi tu in thla camh hna u sih.

Chinram, Kalaymyo Le Gangaw Ah Mei A Rawk. Nyaungpinkyi(ညောင်ပင်ကြီး)-Chaungkulaing(ချောင်းကူးလိုင်း) 230KV electric meihri a cah ruangah Chinram, Kalaymyo le Gangaw hna ah November 28 zan in zan khuadei in mei a mit lai, tiah ṭuanvo ngeitu hna nih an langhter.

Electric meihri a cah ruangah Chin ramkulh chung Mindat, Matupi, Kanpetlet, Hakha, Falam, Gangaw pengkomh chung Htilin, Saw, Kyaukhtu, Pauk, Gangaw le Kalay pengkomh vialte hna ah mei an mit dih, tiah theih a si.

Bomb Lamh Sual Ruangah Matupi Khuami Pakhat A Nunnak A Liam. Chin ramkulh, Matupi khua ah nihin November 29 zing sml 9:00 hrawngah Pu Ya Peng le a nupi cu, SAC ralkap Khah Lah Yah 304 sakhan lei kap an dum ah an kal lioah bomb an i lam sual i Pu Ya Peng cu a nunnak a liam, a nupi zong a ke ah hliamhma a pu i Matupi sii-inn ah an kalpi, tiah theih a si.

Lawng Van sang ah a ummi Pu Ya Peng(kum 56) cu pehtlaihnak zung ah rian a ṭuanmi a si i, fapa pahnih le a nupi a roh tak hna, tiah theih a si.

Kokang Ah SAC Ralkap Le MNDAA Kar Kahdohnak A Chuak, 2 An Thih Hleiah 7 Nih Hliamhma An Tuar! Kokang hmunram ah SAC ralkap le MNDAA kar ah kahdohnak a chuak tiah MNDAA nih nihin November 28 ah cathanh an chuah. Kokang Chinshwehaw (ချင်းရွှေဟော်) ah November 28, zinglei suimilam 8:00 ah SAC ralkap, pyituhsit phufonh le MNDAA kar ah kahdohnak a chuak.

Kaphnih kar i kahdohnak ah SAC ralkap lei in minung 2 na thi, 7 nih hliamhma an tuar tiah an cathanh an chuah mi ah cun an langhter. Nihin November 29, zinglei suimilam 9:30 hrawng ah SAC nih kahdohnak an tuahthan nain chunhnu suimilam 1:00 ahcun kahdohnak a dai than tiah MNDAA nih an thanhmi ah cun an langhter chih tiah theih a si.

Wetlet Peng Ah SAC Ralkap Tam Tuk Nih Rallam An Sial Caah Khuate 15 In Khuami 10,000 Leng An Zam. Sagaing ramṭhen, Wetlet peng chung khuate ah SAC ralkap tam tuk nih rallam an sial caah khuate 15 in khuami 10,000 leng cu ralhrial in a himnak hmun ah an zam, tiah theih a si.

Nizan November 28 ah Wetlet peng nitlaklei ah Wetlet khua chungin SAC ralkap motor le Shwe Bo lei in ralkap motor hna nih, ralkap tam tuk an phurh hna i rallam an sial caah khuate 15 in khuami vialte cu an zam dih hi a si.

“Wetlet khua nitlaklei ah uico nih rallam an sial i Hlataw khua in Shwe Bo khua tiang motor lamthluan ah an um dih. Uico nih hmun 6 hrawng in rallam an sial caah Wetlet nitlaklei khuate 10 hrawng cu a himnak hmun ah an zam dih,” tiah tualchung mi pakhat nih a chim tiah theih a si.

SAC Nih AA Chungtel Thongtla 17 Kan Thlah Hna Tiah An Thanh Nain 3 Lawng An I Tel! A luancia November 17, national day lio ah SAC ralkap nih thongtla mi hna chung in AA chungtel 17, KIA 20, RCSS/SSA 5 le KNU/KNLA 2 kan thlah hna tiah November 18 ah cathanh an rak chuah. SAC nih AA chungtel 17 kan thlah hna tiah an thanhmi chung ah AA chungtel 3 lawng an i tel i, a tangmi minung 14 cu tualchung mi an si tiah nihin November 28 ah tuahmi AA thawngfianternak hmun ah AA in chim phuannak nawl ngeitu Khine Thu Khah nih a chim tiah theih a si.

“SAC nih an thlahmi hna chung ah kanmah AA in minung 3 lawng an i tel, a dang cu ULA/AA nan si tiah an rak puhmi tualchung mi an si. Kanmah lei in luatnak a hmutu hna nih cun headquarter ah theihternak an kan tuah, midang tualchung mi tu nih cun kan sin ah pehtlaihnak a kan tuah lo” tiah a chim.

“SAC nih ULA/AA chungtel tiah min bunh in tualchung mi sawhsawh cung ah tlaihkhihnak a tuah, cozah rianṭuantu hna zong an i tel i tlaihkhih a tongmi dihlak chung in minung 85 an thlah hna” tiah a chimchap tiah theih a si. Rakhine ramkulh ah SAC rallap le AA kaphnih kar kahdohnak a daih caah SAC nih tlaihkhihnak a tuahmi tualchung mi hna thlahpiak ding ah khuami le tlaih a tongmi chungkhar hna nih an i ruahchan tiah theih a si. Credit: The Chin Post