Min Aung Hlaing nih Kum 7 planning in a kal. Kum 2 hnu ah thimhnak tuah, USDP Tei ter!

Tutan Paucan Dothlennak Caan Tawisau!
========
Laimi le Krifa then khawh lo. Laimi le Vailam then khawh lo. Laimi le Pathian then khawh lo. Laimi le Pathian cu Pumsa le Thlarau bang then khawh asilo. Pathian he aathen ni cu Laimi le Lairam a thih cikcek ni asi ve lai.

Dr. Lian Hmung Sakhong nih Pathian umpi mi Laimi kansi caah, MAH le Rallokap nih, Tei khawh dingmi, kansi lo ati. Dr. Sa Sa zong Pathian nih MAH an kan tei piak lai ati. Laimi kip nih Pathian he Ral kandoh ko tiah kan ti dih ko. Australia um Pi Sui Chin lebang nihcun Mang bantuk le Profet bantukin bia thlah in a chim rih.

Cucaah Pathian Planning in Ral Teinak Caan Tawisau hi kawl hnik cio tua usih Unau hna. Pathian Planning caan tawi bik hi kum (7) le Kum (70) asi. Pathian Planning can lai cu Kum (120) asi. Pathian Planning can sau bik hi Kum (430) asi. Pathian nih Izip sal ah kum (430) a chiah hna. Babilon ah Cikkhat te vaa dawrh chung uh ati hna. Nain kum (70) hnu lawng ah Nehemiah hruainak in an kir than.

Russian ram Communist a tluk kha kum (70) hnu ah asi ve. 1922 ah Lenin hruainak in SPH Uknak an thluk i Mipi uknak Socialist le Communist ram an derh. Kum (70) hnu 1992 ah, Boris Yelsin hruainak in Democracy ram an derh than. Yelsin thih hnu ah Putin nih Ralhrang Democracy phung in a uk hna. Tu le tu Upadi a remh.

Moses cu kum (40) asi ah, Vawlei fimnak aa limh (Ph.D a dih). Israel hruaitu ah an cohlan lo. An vote lo kan ti lai. Izip pa bantukin thah nan kan duh an ti. Median ah ral azam. Kum (80) asi hnu ah Pathian nih a au than. Ramcar chung ah kum (40) a hruai hna. 120 kum ah Kanan ram lut loin a thi. Pathian Planning kum (120).

David nih Goliath a thah kha kum (16) ah asi. Saul SPH nih thah a duh caah Ram lakah a ralkap hna he kum (7) khua an sa. Kum (7) hnu ah SPH a tuan. Pathian Planning can tawi bik kum (7) cu hi hi asi. David in bianabia lak ahcun hi hnu kum (7) hnu lawng ah MAH thluk khawh ding in thil a um. Kum (7) hnu lawng mah le Lungrawn cio ah nan rak kir ve hnga? NUG Planning zong hi Kum (7) in a kal ve.

MAH nih Kum (7) planning in a kal. Kum (2) hnu ah thimhnak tuah, USDP Tei ter, Amah MAH Tamada asilo ah State Chacellor (Amay Suh rian) (Rampi Ruahnak Petu) a tuan lai. Kum (5) uk hnu ah i din ti kha MAH Chunmang asi. Pa Nak Zaw Melung nih cun kum (10) asi kho ati, lohtlau.

Thawngtha pakhat te atang rih. Panglong in tuak ahcun Kawlte nih an kan hlenhnak hi kum (70) asi cang. Tlangcung Miphun Hriamnam Dothlennak hi, Kum (70) a luang cang. Pathian Planning can tawi bik kum (70) in tuak ahcun Thaizing le Thawhtan ah MAH Thluk ding khi asi ve. Pathian thil tuah mi asi caah asi lai lo ti awk ah a har ngai ngai ko.

Hi hi a hlawhtlin ah cun canrau lo te ah kan sin ah nan ra/nan kir ve cang tinak asi. Hihi Krihmat tlun zoh ah kan phawrh mi, Gospel Thawngtha si hram seh. Na AMEN i na Halelui khawh dek maw? Zeidek? Credit: Joseph R. Thang