Min Aung Hlaing Cu Fascist Dohthlennak Ni ah ralhrang 90 leng an thi!

Fascist Dothlennak Ni ah SAC ralkap 90 leng an thi!
============
March 27 Fascist Dothlennak Ni ah SAC ralkap chungtel 90 leng an thi tiah National Unity Government (NUG) nih a thanh. Atu kan langhtermi cazinnak in a taktak ah a tam deuh kho men i hliamhma a pumi 27 an um tiah a chim.
Hramhram uknak a latu phu nih mipi cungah hramhram in thli a tuahmi le a thahmi cu mipi nih mah le mah i khamh khawhnak nawlning tein kahdohnak tuah hi a si.

Ram pumpi in hramhram uknak a rawh cikcek khawhnak hnga peng kip le ramṭhen kip ah dai tein duhlo-langhter cu tuah a si. Mipi duhlo-langhternak cu nikhat chungah Mon ram le Karen ram ah voikhat, Magway ramṭhen le Mandalay ramṭhen ah voihnih, Kachin ram ah voithum, Tanintharyi ramṭhen ah voili, Yangon ramṭhen ah voiriat le Sagaing ramṭhen ah voihleiriat a um tiah NUG nih a langhter.

Cun, Kawlram chungah February 6 in March 6 tiang ah SAC ralkap 2,095 an thi tiah NUG nih a langhter. Mahhi NUG nih lakhruak in a thanhmi a si i a voihruknak cazin lak khawhmi ahcun 627 an um tiah a chim. Atu kan langhtermi cazinnak in a taktak ah a tam deuh kho men i hliamhma a pumi 27 an um tiah a chim.

Hramhram uknak a latu phu nih mipi cungah hramhram in thli a tuahmi le a thahmi cu mipi nih mah le mah i khamh khawhnak nawlning tein kahdohnak tuah hi a si. Ram pumpi in hramhram uknak a rawh cikcek khawhnak hnga peng kip le ramṭhen kip ah dai tein duhlo-langhter cu tuah a si.

Mipi duhlo-langhternak cu nikhat chungah Mon ram le Karen ram ah voikhat, Magway ramṭhen le Mandalay ramṭhen ah voihnih, Kachin ram ah voithum, Tanintharyi ramṭhen ah voili, Yangon ramṭhen ah voiriat le Sagaing ramṭhen ah voihleiriat a um tiah NUG nih a langhter.

Cun, Kawlram chungah February 6 in March 6 tiang ah SAC ralkap 2,095 an thi tiah NUG nih a langhter. Mahhi NUG nih lakhruak in a thanhmi a si i a voihruknak cazin lak khawhmi ahcun 627 an um tiah a chim.

Pale peng Council ralhraang le Pyo Saw Htee phukomh cu MRDA nih voithum tiang an kah hna i ralhraang 9 an thi, hliamtuar tampi an um. Sagaing ramthen, Pale peng ah March 27 le 28 zing ah ralhraang le Pyo Saw Htee hna cu Myanmar`s Royal Dragon Army (MRDA) nih voi thum an kah hna i 9 an thi, hliamtuar tampi an um tiah MRDA nih an thanh.

Nizaan zaanlei suimilaam 6:00 hrawng ah Pale peng Yephyukung khuachung um Pyo Saw Htee sakhaan cu kutser hriamngan in an kah i ralhraang 2 le Pyo Saw Htee 1 an thi tiah MRDA nih an chim. Nihin zing suimilaam 9:00 hrawng ah Yephyukung khua leng ah aa chawklet mi ralhraang 30 tluk le MRDA kar kahdohnak a chuak i Pyo Saw Htee 3 an thi.

Hnukir in an zaam lio ah bomb an i lamh ca ah hliamtuar zong an um. Suimilaam 11:00 ah Kyeninkyi khua ah umhmun a khuar mi ralhraang thazaang 60 hrawng cu Kyaungkaan khua le Makyikune khua kar ah MRDA nih an kah hna i ralhraang 3 an thi, 8 nak tlawm lo hliamtuar an um tiah MRDA nih thawng an thanh. Cu kahdohnak chung ah MRDA lei hliamtuar um lo tein kahdohnak kan tuah khawh tiah MRDA nih an thanh.

Myaing peng, Bahin palek sakhan PDF nih an kah, ralhraang le palek a thi mi le hma pu an tam ca ah helicopter 3 in ralhraang nih an kah hna. Magwe ramthen, Myaing peng, Bahin khua palek sakhan cu March 28 zaanlei suimilaam 3:00 hrawng ah PDF nih an kah hna i ralhraang le palek a thi mi le hma pu an tam ca ah ralhraang nih helicopter 3 in an kah hna tiah PDF chungtel pakhat nih Yangon Khit Thit Media ah a chim.

Cu Bahin palek sakhaan cu ကျားသစ်နက်ပျောက်ကျားတပ်ဖွဲ့၊ PRA tel in tangti phukomh hna nih an kah mi hna a si i Council ralhraang thi mi an tam nain zeizat an thih ti fiang in kan hngal rih lo tiah PDF chungtel pakhat nih a chim.

Walay kahdohnak ah council ralhraang 61 an thi, hriamnam le a dang thilri tampi an lak, hmunhma thianhnak pehzul in an tuah. Karen ramkulh, Myawaddy peng Walay kahdohnak ah council ralhraang 61 an thi i hriamnam le a dang thilri tampi kan lak. Hmunhma thianhnak pehzul in kan tuah tiah Cobra phu nih an thanh.

Nizaan kahdohnak hmunhma cu nihin ah thianhhlimhnak an tuah i Council ralhraang 61 an thi tiah an fehter. Cun hriamnam le thilri dang tampi an tang rih. Pehzul in hmunhma thianhnak kan tuah rih lai tiah thawng an thanh. Kahdohnak ah ralhraang lei a thi mi le hmapu an tam i helicopter pahnih in an rak kah bawmh hna ca ah meithal zuun thum le zenkuan tlawmpal lawng an lak khawh tiah thawnghram nih a chim.

“Nizaan kha helicopter in voi hnih an rak kan kah. Anmah lei hnukirnak ding ah kah a rak bawmh hna. Cucaah hriamnam pawl kan la kho tuk lo. MAS sniper pakhat, MA2 pahnih cu lo cu RPG kuan, 60MM kuan le meithal kuan cu 10000 leng kan lak” tiah KNLA phukomh thawnghram nih Yangon Khit Thit Media ah a chim.

Nizaan March 27 zing ah Myawddy hpaloe in Walay lei ah ralhraang 400 tluk in hmai a nawr mi council ralhraang hna cu KNLA phukomh nih bomb an puah hna, an kah hna caah 30 nak tlawm lo an thih hi a si.

Ralkap i cernak ah palik le ralkap an i sik caah ralkap 3 an i hliam. SAC nih tuahmi a voi (77) nak Ralkap Ni i cernak ah ralkap pawl an i cernak le palik pawl an i cernak ah palik nu pawl le ralkap pawl an i velh caah ralkap 3 an i hliam tiah cernak ah aa telmi minlanghter a duh lomi ralkap pakhat nih Myanmar Police CDM Channel – MPCC ah thawng a thanh.

“ Ralkap nih palik nu pangpar ṭhi a oihmi kha a duh lo caah ralkap pa nih pangpar ṭhi cu a chuih. A dang ralkap nu pakhat nih zeidah cang tiah aa rak thlak caah palik nu le ralkap an i vel i a dang palik pawl zong nih ralkap pawl cu an rak ṭhuat ve hna. An luchin zong van ah a zuang dih. Methal hna aa rak tel.

Palik pawl nih i cernak meithal in an tuk hna. Methal zong a kiak dih. Nu an duh tuk ruangah aa thok ko cuh. A tu cu zohfelnak an tuah hna” tiah i cernak ah aa telmi ralkap pakhat nih a chim.

SAC hruaitu nih Fascist Dothlennak Ni kha Ralkap ni tiah a khiah i March 27 ah ralkap cerhnak an langhter.
March 27 ah ram pumpi in kahdohnak le mino pawl nih duhlo-langhternak cu a hlannak in a tam deuh tiah People’s Spring nih a langhter. Ref: Khit Thit Media, The Hakha Post, The Chinland Post