Min Aung Hlaing Chungkhar Nih Dirh Mi Aung Myint Mu Life Insurance Company Nih Ralkap A Thi Mi Pawl Phaisa An Liamh Duh Hna Lo.
SAC bawizik Min Aung Hlaing fapa Aung Pyi Sone dirhmi Aung Myint Mu Life Insurance Company nih ralram ah a thi mi SAC ralkap le ralbawi hna caah phaisa liamh an duh hna lo tiah theih a si.
Ralram ah a thi mi SAC ralkap hna chungin a ruak hmuh khawh mi hna lawng phaisa liamh ding a si caah ralkap sii-inn ah a thi ko timi fehternak caa laak hnu lawng ah phaisa liamh a si kong le phaisa zong a zapi in an liamh hna lo kong SAC chungkhar hna nih an chim.
“An thi tak tak ko timi a fiang mi le a ruak hmuh khawh mi lawng phaisa an liamh hna,cu zong cu sii-inn nih theihpi nak caa laak a hau,cu caa laak nak caah phaisa 50,000 kyats liam a hau fawn” tiah Khit Thit Media ah a chim. CBN Daily News