Min Aung Hlaing chiat kan serh

Min Aung Hlaing chiat kan serh
************************
Rogaland pengah a ummi Norway Laimi minung 200 nih Stavanger khuaah kan va kal cio i, hmunkhat te ah Min Aung Hlaing chiat kan serh. Kan bia a chiatning hmanh hi theih sehlaw aa teng colh hnga. Khi tluk Min Aung Hlaing molh khi Kawlram caah Pathian khuakhan a si kho ko. A mah zong a zam phah kho, 2008 phunghram pi zong a rawk phah kho. Cute tikah Pathian khuakhan kan ti khawhmi a si. Credit: Perhkalh Thawng

Lung A Kuai Ko! A har cemmi thil pakhat ah ka ruahmi cu midang bawmh kan duh tuk ko hna nain kan tuah khawhmi a tlawm tukmi hi si! Kawlram i a ṭhanglianmi kan ca ahcun a tu bantuk thil le thawngpang hi zumh a har ko. Tuni Social Media ah Kawlram lei hawi le kom pawl hmuh ding an um tilo cu a bau tuk! Kawlram i unau, nu le pa, nupi pasal a ngeimi le a taang rihmi ca ko ah khua ruah a har! Zumtu pakhat dirhmun in zeizong te cung nawl ngeitu Pa Pathian sin ah nawlnak thlacam le vawleicung ram ṭhabik le ṭhawngbik ah chiahmi dirhmun in chawva, hruaitu sin cakuat le mi phundang hawikom sin cakuat le thlacam cah hi a biapi bik ka ti khawh rih mi si.

Zumtu pakhat dirhmun in ruahchannak ka ngeihmi cu Pathian khuakhan hi kan thei thlu ballo nain a dawtmi a fale ca ahcun Amah sunparnak caah a ṭhalei in khua a khan ko lai ti hi si. Kawlram ah 88 lio bang thisen luang hraam hlah seh law tutan thil ruang ah ngakṭah, nuhmei le pahmei, kutke tlaamtling lo le thinlung zawtnak chuak hraam hlah seh ti hi ka thlacam le saduhthah a si. Credit: Van ThaKam Thang