Min Aung Hlaing a zam lai a timi an um ve

Kei ka hmuh vening
********************
Min Aung Hlaing thil tuah nih a hrut he a fim he mi thin a phawh dih cikcek. Tuah khawhmi zeihmanh kan ngei fawn hna lo caah mah le ruahnak cio in chim lulh cio a si ve. Media he dia lo he! Mi viate nih daite in lam kan zawh ahun UN le US an lut kho a timi an um. Mi vialte nih zan chiar in belkheng kan tum ahcun Min Aung Hlaing a zam lai a timi an um ve. CDM lawnglawng CDM a timi an um fawn. Thla kan cam lai i, Pathian nih dan a tat ko lai a timi kan um rih. A si ko lai kan timi paoh kan ti khawh tawk cio kan tuah dih cio ko nain, Min Aung Hlaing a zeite a poi ve rua lo.

Kawlram zeidah a lawh te lai timi hi kanmah bantuk mi sawhsawh cu chim lo, Min Aung Hlaing hmanh a thei ve hlei rua lai lo dah. Aho profet zong nih bia an phuang hlei ve rua lo. Mah le ruahnak cio in chim le rel cio a si ko tikah keimah zong chim ve phot tuahning. Kei cu a tanglei hmanthlak bantuk in a si te ko lai tiin ka zumh ngai. A va si lo sual a si le Tikir kan pu pa biatawi chim bang, ka hnge hlei ve lo.

Relchap, 22.2 2021 :Five Twos memo(22222). January ni 29 ah kan fb wall ah hitihin ka rak tar, From jan 29 to Feb 1 before 10 AM ah kan ram uk nak ai thleng kho mi asi cang tiah ka rak ruah mi ka zin ka rak in phunh hna. January 31, Zantim in kan ram hruai tu hna cu tleih hram an thok hna ii Feb nikhat ni zing khua dei cun mipi thinlung a mui, khuaruah awk hngal lo in niceu kan dong hna. Lung afak tuk,thin a hung tuk. Zeibia kan chim kho cio lo. Caan a hung liam, Ralkap hmang in kan ram hi that nak lei a panh kho men a bik in tlangcung mi caah that nak si hram seh tiin that nak nak in kan ruah lio ah, Ralkap nih Phundang piin order an chuah a phunphun in rian an vun tuan, MP hlun le Upa lungfim ram rian tuan an vun tleih thluah mah hna.Khua za za a kan ruah ter.

Feb ni 2 in mipi tlawmtete in an hung chuak lang lengmang,an tam chinchin,khua za kip ah an karh chinchin. Nihin ni ah cu CDM le mipi cu kham khawh asi ti lo. Cheukhat nunnak a liam, Thiseh a chuak, Hliam tuar an tam chinchin..
Mipi lawng asi ti lo, Biaknak le upa Pastor te Re. Le Doctor pipi zong hmaisuanv ah an hung chuak dih cang. Bible Sianginn founder le hruaitu hna, Minidtry le chucrch Pastor hna mui kan van hmuh hna. Cheukhat nih Thlacam nak in an hruai hna, Cheukhat nih Belkheng tum le Lamchuah au khuan nak in an kan hruai. FB wall ah thazaangpek nak bia, Forhfial nak bia an kan thanh.

Elction lio MP bel an langh kan hmu tuk rih hna lo. A bik in chinmi chung ah 2021 Election ai cuh mi MP an aw an an muisam a leng lo in kan ruah. Mino deuh le miphun dawtnak he cawlcang mi lawng kan hmuh hna. Tahchunnak Salai, Ngun San Aung, Salai Jacob Thang, Salai Elisha, Salai Van Bawi Lian MP, Salai Ceu Bik Thawng, (ka hrelh sual mi an um kho) hna hi tulio ah cun kan ramdaw tu miphun le ram ca ai ti hna lak ah an aw aan an bia kaa kan hmuh theih khawh mi an si deuh.

Mahcu lak ah ka uar tuk mi le ka zoh duh bak mi hman thlak lak ah 2010 in 2015 Amyota Hluatdaw Kuzale, ThanTlang myone in Chinmiphun party MP Paul Thang Thai le a khung khar cu Din lo tein an chuak an au CDM ah thazaang an chuah. A fa nu le zong Cozah rian tuan mi an si ko nain CDM ah thazaang an chuah. Miphun le ram a daw mi pumpak chungkhar kan cawlcanghnak cio ah Teinak kan hmuh hrimhrim te ko lai. Hmai ah nor ko hna usih. Credit: Johnf Thawng