Min Aung Hlaing A Thi Chom Ko Lai

MAH a thi chom ko lai
***********************
MAH a thi chom ko lai. Asiloah, a zam te ko lai. Naite TV in bia a chimnak hmanthlak hi zoh ulaw, hmuh khawh ngaimi thil pahnih a um ko. 1. A lau taktak. A thluak a hman ti lomi a lo. A hmai zong a cuammi a lo. Kawl nih “tuai piat de” an timi bak khi a si ko. A mit-au a phing ngai. A ṭih ngai timi a lang ko.

2. A hnuah vampang te lawng a um. A orhlei ah thantaar pakhat te a um ve. Khi nih a langhtermi cu lungkua chungah a um timi a fianter ko. Khua lengah a um ngam ti lo tinak a si. Meeting kal loin, video in a chim tinak zong a si fawn. Khi hnuhnu cun ahohmanh a zum ti hna lai lo a fiang. Rawl zong a ei kho ti lai lo i, zan zong aa hngilh kho ti lai lo a fiang fawn.

A mawh lo. A si hrimhrim a hau ko. Sualnak ngei lo a thimi hna mino tete thisen a rit lo awk a ṭha lo. An pawcawmnak rian a chuah takmi hna, an inn le an lo a kal takmi hna, nu le va aa ṭhenmi hna, chungkhar aa ṭhenṭhekmi hna au thawng le chiatserhnak a in hrimhrim ding a si ko. Van ka zoh i a sang, vawlei ka zoh i a pit timi bia MAH cungah a tlung. Vai cei seh. Rimnam pa.

KNU nih cho kah in an rak kah cang hna. KIA nih chuk kah in an rak kah ve cang. Shan ralkap nih phei kah in an rak kah rih hoi. AA kong a lang lo nain, Generation Z nih “cu maw” an ti ve cang. Vawleicung ram kip nih vom nam in an rak nam lulh cio. CRPH le Dr. SaSa nih an thluak le an fimnak eh-um an chuah. A rau ti lai lo. March thla chungah i fian dawh a si ko. An nawn te lai maw, a zam te lai dah. Credit: Perhkalh Thawng