Milley Sui; Kan bia kaa khat nih Midang caah ngeihchiatnak, ningzahnak le thihnak tiang a chuahpi khawh!

Milley Sui; Kan bia kaa khat nih Midang caah ngeihchiatnak, ningzahnak le thihnak tiang a chuahpi khawh!
===================
Kan bia kaa khat nih Midang caah ngeihchiatnak, ningzahnak le thihnak tiang a chuahpi khawh ban tuk in….Kan bia kaa khat thiamthiam nih Midang caah lomhnak, nuamhnak, damnak le thawnnak a chuahpi khawh.

Nan hmaikaa ah panh tein le nuam ngai in a um tawn mi zongkhi a chung lei ahcun ngeihchiat nak lungretheih nak he a khat kho mi a si. A ngeihchiatnak le a lungretheihnak philh duh ah nuamhnak in caan a hman zong a si kho. Lenglang zohnak menmen in le na hman mi tahfung menmen in mi pakhat a nun tah lo hi a biapi tuk.

Ram le miphun a dawtu hna bawipa nih damnak țhawn nak tei nak he lam in hruai zung zal ko hnaseh. nadawh tuk. kan biak Pathian nih ram le miphun caah i hmang chin ko seh lam i hruai seh law i um pi zungzal ko seh na nu sal tuk kan upat tuk ee. Uar na um tuk e na fim tuk na fel tuk fawn Bawipa nih him te in in kilveng hram seh muh.

Ipray to GOD, Plz don’t take me soon…Coz I’m here for a reason….Bawipa kan dir pi ko…Damnak thawnnak he lam kan hruai chin ko.

LAI MI LE DOCTOR, Doctor degree i peeknak hi a tlangpi in cun; 1. Sianginn ah va cawnnak le 2. Riantuan khawhnak cungah i peeknak an si. Kan Lai mi chungin Doctor degree a hmu kho mi tampi in um kho usilaw ti hi kan saduhthah cu a si ko. Asinain a tu kan chan ah Doctor degree kan laakning cio hi ruahawk ngai in a um ko tiin ka hmuh.

1. Sianginn ah cawnnak in Micheukhat cu kum 5,6,7. tiang hna cawn dih hnu ah a sining tein degree la tung loin, kum
2,3 hna va cawn in a siloning in degree a la mi le an sianginn nih degree rak peek taktak tunglo in, degree a lami hna an um len ko ti a si. Hi bantuk in Doctor ai ti mi hna hi, Pathian hlen zong a si, mipi hlen zong a si i, mah le mah hlen zong a si.Doctor degree limhang niamter zong a si.

2. Riantuan khawhnak in Micheukhat riantuantubu hna cu, cawnnak ah siloin midang nak in rian a tuan kho deuh mi kha an tuannak cungah Doctor degree an peek ve hna. Tahchunhnak ah Rev. Dr. David Van Bik (tleicia) hna kha,”America Baptist Seminary of the West” nih Doctor of Divinity(D.D) an peek ko. Atulio ah mi nunnak chanh dingin thisen peeknak rian a tuan cuahmahtu Dr.Cung Hu hi a riantuannak ka zoh lengmang tik ah Doctor peek phu hrimhrim ti ka ruah caah a riantuanning kong ka hal i,a riantuanning kong cu Yangon ah Rev. Dr. Ca Hngak sin in USA a riantuan
hawi sinah kan phak ter.USA ummi riantuantu hna zong nih peekawk tlak hrimhrim a si tiin an kan pompi.Cu caah,MFOC kan ngaktah rian kum 25 tlinnak puai ah Doctor of Divinity(D.D) cu peek a si ve.

Mah kong chim hi a nuam lem na lo in, kan ‘Tlangtar’ he aa pehtlaih caah vav chim ko ninglaw. Kei hi, “Asbury Theological Seminary, Kentucky, USA” le “UBS, Yangon” nih Doctor of Divinity(D.D) peek dingin ca an rak ka kuat. kai zoh ah ka tlinglo tuk. Ka riantuan hawi EC ka chimh hna i, “Nangmah nih nai hauh mi a si lo, anmah lei nih peekawk ah ai tlak an ninti mi cu zeitluk lomhawk dah a si, (D.D) cu zapi hmuh khawh mi a si tunglo, Lai mi chungin hi thil na kan hmuhpiak mi cu kan i lawm, na cohlan a hau” an rak ka ti.

Cu caah USA le Yangon in an ra i Kalaymyo Salem Baptist Church ah D.D degree cu 2008 kum ah an rak ka peek ve.An ka ti ve mi cu, “Lai ram harsatnak hmun ah ahohmanh nih an tuan ngamlo mi ngaktah zohkhenhnak rian ram dang bomhnak (Sponsor) umlo bak in hi vialte ngaktah na zohkhenh mi hna ruangah le Evangelist na vahnak ah thil khuaruahhar tampi nih a zulh ti mi kan theih ruangah,kan in peekmi a si. Na riantuannak hi kum 7 chung ka nin ngiat hnu ah ka nin peek ” an ka ti.Bawipa ka thangthat.

3.Kan lungput dingning “Doctor” ti hi, i uahpi ding a si lo. I porhlawt pi ding zong a si lo.Khupbilnak ding tu ah kan hman ding a si. Zohchunhawk tlak mi toidor a simi Rev. Dr. Thawng ling Mualhlun bantuk khi. Dr. le Rev. an kan ti lo zongah ngaihchiat bak lo ding. A taktak ahcun riantuan khotu cu, “THIANG THLARAU THAWNNAK” a si ko e.

REVEREND KAN I TI MI HI (Minutes-2 chung reel). Voikhat cu Lairam pafim Pu Hrang Nawl (Tleicia) a rak ka leng. Ka zungkhan luhnak innka cung ah ka tialmi “Rev.J.No Mang” ti mi kha a van zoh i a hung lut. A van i thawh colh i, “No Mang, na min hmaiah hin “Reverend” ti hi naa thlaih ngam ve ko ti, kei cu ka suum a ti dah kaw, “Reverend” cu kan Pathian min dah kaw a si cu” tiah lau lengmang in a van ka tuah. Mifim bia kan ti cu fakpi in khua a ka ruahter colh.

Kan Bible ah “Who are reverent before God”(Ahodah kan Pathian hmai ah reverent a um) a kan ti. (Phungchimtu-8:12) NIV “Holy and Reverend is His name”(Athiang le Reverend cu Amah(Pathian) min a si. (Salm-119:9) KJV Kan Bible ah Pathian nih Khrihfabu chungah, “Lamkaltu (apostles), profets, evangelists, pastors, le cawnpiaktu (teachers) ti in a chiah hna (Eph-4:11).An zate hi “Reverend”tiah ahohmanh an i au bal hna lo.Tahchunhnak ah …..Rev. Paul, Rev. Piter, Rev. Timote, Rev. Philip,…….tibantuk in ahohmanh kawh an si bal lo.

Bawi Jesuh nih, “..nan nih cu ‘saya’ ti kha va duh hlah u,zeicahtiah saya cu pakhat lawng nan ngei” (Matt-23:8) a kan ti lio ah, kan Pathian min a si mi “Reverend” kan van i ti ko hi cu Pu Hrang Nawl bia bang,”suum a ti” tak ko lo maw?

Kan hawi Pastor pakhat nih hitihin a rak ka chimh bal.”Kan Khrihfabu ah Ordinand (Reverend) voihnih tiang ka hal cang hna. Ka tuannak zong a sau ko cang, an ka pe duh bak loh, kan Khrihfabu in chuahtaak ka duh hna” a rak ka ti ve. Kei hi ka hawi tha,Pastor Samual Lian Hre he USA in kan riantuan hawi hna nih Yangon ah ordinand an rak kan peek mi kan si. Atu cu Reverend an van kan ti ah hin ka thling a za ko.

Vawleicung ah Khrihfabu cheukhat cu Reverend ai ti duhlomi bu an um ko hna. Vawlei minthang Dr. Billy Graham zong nih Reverend i ti lo in Evangelist Billy Graham ai ti ve. “Reverend” ai ti ngam ding kan si ko maw?

REVEREND KONG (Minutes-2 chung reel) Biahmaithi: Voikhatnak ka tialmi ka bia donghnak ah khan “Reverend kan i ti ding a si lo”ka ti lo i, “Reverend ai ti ngamding kan si ko maw?” ti in ka tial ko khah. ” Reverend” ti cu, tihzah upatawk tlak tinak.

Kan Bible ah; 1.Pathian cu “amah (Pathian) a min cu athiang le reverend a si”(Salm-111:9)Old KJV , ASV , NWB “holy(Holy) and reverend is his name”).. a ti. Cu caah,kan Pathian cu “reverend” a si. Zeiruang ah? Tihzah upatawk tlak taktak a si caah. Cu lawng loin a thiangtukmi a si caah,”A thiang,a thiang,a thiang” ti ah auh mi a si(Rev.4:8)

2.Minung cu “A dingmi ahohmanh an um lo,..an dihlak in Pathian kha an pialtaak” (Rom’3:10-12,Salm 14:2-3) “Ka chungah ka minung sining ah hinthatnak pakhathmanh a umlo ti kha ka hngalh”(Rom-7:18) “Aho tal nih,’ka lung cu ka thianter i sualnak in ka thiang cang’ an ti kho lai maw?” (Pro.20:9 ,Jeremiah-17:9) .chimawk tam.

Cucaah, minung cu a zeibantuk minung (hruaitu) kan si zongah, a thiangkhomi le upat hmaizahawk taktak cu kan um kho ngai hnga maw? Phaisa ah a dinglo na, thinlung ai uahtuk na, aa porhlaw tuk na,a hakkau tuk na,nu le pa
sinak lei ah zumhawktlaklo na, hnahchuahnak in a khat na,…tiin kan chunglei he kan leenglei he thurhhnomhnak in a luat i tihzah upatawk tlak taktak cu kan um kho ngai hnga maw?

Cu caah, a thiangtuk mi le tihzah upat awktlak taktak kan Pathian (a title) min a si mi, “Reverend” kan van i ti ko hi cu “thling a za” ko. Kan Bible ahcun-Lamkaltu, Profet, Evangelist, Pastor, Cawnpiaktu, Elders, Bishops, Deacon, Overseer, Presbyter,..tiin min a bunh hna. A khinh ning hna zulh in, Lamkaltu Paul, Evangelist Timote,…tibantuk in auh an si ko.Ahohmanh “Reverend” ti in an i au bal hna lo.

Cu caah, kan nih cio zong “Reverend” i thlak lem loin, Pastor Ni Cung,Evangelist Ni To, Bishops Ni Kio,…hei ti bantuk in i ti hna usilaw a tha ko lo hme maw,ka hei ti bia. Jesuh nih, “..nan nih cu ‘saya’ ti cu va duh hlah u, zeicahtiah Saya cu pakhat lawng nan ngei”(Matt-23:8) a kan ti. “Amah Jesuh lawng hi kan Saya cu a si” (John-13:13) “Saya” ti hmanh va duh hlah u,ti nalak ah, “Reverend” ti kan van uartuk mi hi cu..ruah a hau deuh ko e. Credit: Rev. Dr. J No Mang