Military Service Law Thok Dingin Ready Kan Si Cang Tiah SAC Nih Thanh. Military Service Law ( kumtling paoh ralkap luh viar ding) thok khawh nak ding ah a herh mi inn le lo training pek nak ding siangin vialte timhcia a si dih cang tiah SAC ministry of defense in General Htin Aung San nih media sin ah a chim.
Tukum February thla 10 ah khan hi nawl hi an rak chuah mi a si i April thla thok in voikhat tintaan pek ah minung 5,000 kan kawh auh lai tiah an rak thanh.
Hi kong he pehtlai in ramkip in dohdal nak a um ko nain SAC nih cun Military Service Law a nun khawh nak hnga tawlrel tu bu a ser i pehtlai in a tawlrel cuahmah. CBN Daily News
Relchap: Manipur Lut Myanmar Rammi 259 Hna Cu An Ram Ah Kan Kuat Ṭhan Cang Hna_ Manipur Chief Minister. India ramchung, Manipur ramkulh ah phunglam lo in khuasa mi Myanmar rammi 6,746 lak ah minung 259 cu February 27, 2024 ah Myanmar ram ah kan kuat ṭhan cang hna tiah Manipur Chief Minister Biren Singh nih a chim.
Manipur Chief Minister Biren Singh nih a chimmi bia cu India Tribune thawng laaknak nih March 4, 2024 ah a langhter.
Manipur ramkulh chungah a tang rihmi Myanmar rammi 6,487 hna cu cikhat ca i hmanmi sakhan ah an kuat hna tiah theih a si.
SAC cozah nih uknak an laak hnu i Manipur ramkulh chungah a zaammi Myanmar ralhrial hna le Manipur tualchung mipi hna cu hmunkhat ah ṭhutdir le umkal ṭiawk kan ṭha loh tiah Chief Minister Biren Singh nih a chim chih.
Myanmar ralhrial hna chungin minung 213 cu Manipur miphun karlak buainak lio ah an nunnak a liam hna culak ah nu 20 le ngakchia 8 an i tel chih tiah a chim. Lungmili Post