Midang nih nunnak lak (thah) timi kong ahcun Chin miphun dawt kan timi cu a daidup

Midang nih nunnak lak (thah) timi kong ahcun Chin miphun dawt kan timi cu a daidup.
=========================
Mizo le Chin, Mizo nih Chin miphun an thah (nunnak) lak timi hi keimah kaa theih tawk hmanh ah a voi tam cang. Cu lawng siloin nehsawh, vuak, innkhangh, ṭhawl tibantuk zong hi a tam ngaimi asi. Hi Mizo le Chin kan ipehtlaihnak hi zeiruangah a ṭhat hnga lo? Chin Miphun kan daw aa timi hna nih hin hi kong hi ṭuanvo an lak khawh hnga lo? Hmailei ah hi bantukin hi Chin miphun nih kan ton tinak hnga lo ram hruaitu hna nih ṭuanvo an lak hnga lo? Tihi ka ruat ve tawn.

Khrih nih kan ral hna dawt le ngaihthiam hi an kan fialmi lawng asi loin an caah thluachuah halpiak zong hi a kan fial. Asinain hmailei ah hi bantuk thil “ithah le nunnak ilak” hi kan ton ti nakhnga lo dawtnak he Mizo le Chin karah remh nak, daihnak le dawtnak hi kan ser awk asi.

A thi ciami lam kam ruak vui hmanh ah Chin miphun kan daw kan ti i, mahle ram ahcun hehtiah kan au kan khuang. Midang nih nunnak lak (thah) timi kong ahcun Chin miphun dawt kan timi cu a daidup. “Inn cakei ram sazuk” dawtnak taktak a ngeilomi kan rak tam. Hi kong hi ram hruaitu, miphun caah rianṭuantu hna nih Mizo le Chin kong hi fektein rian kan ṭuan awk asi. Hmailei zongah hitihin cun kan ton cuahmah rih ko lai. Mizo le Chin karlak ah dawtnak a len khawh nakhnga ṭuanvo kan lak aherh i, thla zong kan cam aherhmi asi. Credit: James Vanneilian

Sangau-I YLA President Le A Hawi Minung 6 Hremnakin Pu Dar Hei Le Pi Ci Pen An Fapa Kyaw Kyaw (Kum-50) A Nunnak A Liam? Pu Dar Hei le Pi Ci Pen an fapa tlangval Kyaw Kyaw (kum-50) Tayagone khua mi Kalamyo District, Sagaing Devission cu Sangau khua Mizoram, lo thlam a riah nak ah 28.12.2020 Monday zingah kum 5 tluk khua a sak nak Pu Fela a fapa le pa-2 nih a ruak in an hmuh. Kyaw Kyaw a Pa hi Dawng Va, Hakha Peng a si i a Nu hi Cawngthia, Thantlang peng a si. Kawl ram lei ah a pemmi an si. Kyaw Kyaw hi Kuli tuan dingah India Mizoram leiah a kal mi a si. Kyaw Kyaw he aa naihniam taktak mi chungkhat le Mizoram a ummi Kyaw Kyaw a dawtu hna sinin a thih nak kongah hitihin an chim: Kyaw Kyaw le a tu a umnak inn ngeitu Pu Fela le a fapa le pahnih (an dih lak pa-4) tiin loah an kal i, 27.12.2020 zanlei ah tlun an i timh hna. Kyaw Kyaw hi ka taksa a nuam pah lo caah, kei cu ka tlung lai lo, lo ahhin kaa nuam tuk ko kei cu lo riah hi a nuam ka ti phun a si tiah Pu Fela le a fapa le pahnih cu a ti hna caah lo ahcun an tlun tak. Inn an tlunnak lampi ahcun Pu Fela te chung cu, Sangau-1 President Pu Ram Cung le a hawi minung pa-6 nih bom nan puak maw, bom thawng kan theih tiah an ti hna i, puah lo tiah Pu Fela te nih an leh hna. Asiahcun, thil nan phurh mi kan zoh/check lai tiah an ti hna i an ckeck piak hna. Maihnah le Antam hnah lawng an hmuh (Mah hihi a mah YLA president hrimhrim nih a chim mi a si/ph record).

Cun, Kyaw Kyaw tah tiah an hal than hna i, ka dam pah lo a ti i, lo ah ka rak riak ko lai tiah an kan ti tiah an President pa nih hin a chim. YLA President le a hawi le cu Kyaw Kyaw te an lo lei ahcun an lan. An chim ning le ph record ningin lo an phan in Kyaw Kyaw cu, bom nan puah maw tiah an hal i kan puah lo tiah a kan leh tiah President pa nih hin a chim. Cun, President pa thiamthiam nih ‘Ngada’ (nga a thi cia mi) kan hmuh i kan lak piak tiah kan ti nain ka dam pah lo tiah a kan ti ko nain tlawngnai law kan lak piak ko tiah kan ti caah, angki le bongbi zawng phoih loin ti ahcun a lut i ‘Ngada’ cu a kan lak piak tiah a chim fawn. Inn lei ah YLA president le a hawi le cu an rak tin i, Kyaw Kyaw a umnak Pu Fela cu an YLA President pa nih cun, “Kyaw Kyaw cu tlawmpal kan hrem, fung in voihnih cio kan tuk i na va zoh ah a tha lai” tiah zarhpi zanlei ah cun a chimh. Pu Fela nih cun a fale pahnih cu 28.12.2020 Monday zingah cun Kyaw Kyaw va hlam dingin a kal ter hna i, an lo thlam an va phanh ahcun Kyaw Kyaw a thi cia in an hmuh cang.

Kyaw Kyaw unau hi pa-7 an si i nu pa-3, pa -4 an si i a mah hi an unau lakah pathumnak a si. USA ah nu pa-2 le pa pa-1 an um i adang cu Tayagone khua ah an um. Salai PK. Note: An vuaknak hmanthlak le an hrem lio video YLA nih an thlah mi atang ah ka tel chih.