Mi pakhat nunnak hi lente celh bang i celh sawh ding a si lo!

Lungum Bia.!
======
Mi pakhat nun beidongh tiangin a tuah kho tu thil khi, Kan bia kaakhat ruang ah a si kho i, A cung ah kan tuahser nak zongin a si kho.

Mi pakhat nunnak hi lente celh bang i celh sawh ding a si lo. Thi le sa in a nung mi minung a si kha philh hlah. Mi pakhat a lungfah tertu le a hma cite phulh tu kan si sual maw?

Thil pakhat kan tuah tik ah hi thil ka tuah mihi kei mah cung a si lo ah ka chungkhar/ unau hna cungah tuah ve hna sehlaw…timi “zawn ruahnak lungput” he kan tuah ah cun “Lungfahnak & ngeihchiatnak” timi hi a um thleng hnga lo.

Tlamtlin lo nak le duhtlin lo nak in a khat mi vawlei ah “milung fah tertu/mi ngeihchiat ter tu “si hna hlah usih. A fiang micu zei thil kan tuah mi poh hi kan tuh bangin kan zun te hrim hrim lai.

Mah bantuk ruahnak te hi pumpak cio nih ngei kho uhsih lw cu ”na chim banh” Vawlei cungah hin ngeihchiat lungfahnak hi a um tuk lem hnga lo.

Ralkap phung ah; Abia pi bikcu “Nawl ngeih(zulh) nak” hi a si. Kan cung lei nawl pek mi hmanh kan zulh khawh lo ahcun ral ram ah zei tin kan ral kan doh khawh lai? Mi pakhat nih nawl a ngeih lo ruangah kan zapi tein kan thi kho tikha zei tik hmanhah philh lo ding.

Cun “ Na mit au, na hna tung, na kaa cip” Ral doh ah a kal mi nihcun mahhi kan tuah i kan zulhbak a herh. A hlei in “na ka cip”. Na umnak hmun siseh a cang lio mi thil siseh ral he aa peh tlai mi poh a ho sin hmanh chim phuan a herh lo.

Aho hmanh zum hna hlah. Na zumh tuk mi na hawi maw na chungkhar na darling zong chim hlah. “Ralram ah na ral ngan bik cu nangmah lila na si” philh hlah. Nangmah le nangmah naa dawt, na hawi le na dawt hna i na miphun na dawt tak ah cun “Na kaa cip, na hmur sau ter hlah, bia i sum”.

Kan bia kaa khat nih Midang caah ngeihchiatnak, ningzahnak le thihnak tiang a chuahpi khawh ban tuk in..Kan bia kaa khat thiamthiam nih Midang caah lomhnak, nuamhnak, damnak le thawnnak a chuahpi khawh. Nan hmaikaa ah panh tein le nuam ngai in a um tawn mi zongkhi a chung lei ahcun ngeihchiat nak lungretheih nak he a khat kho mi a si.

A ngeihchiatnak le a lungretheihnak philh duh ah nuamhnak in caan a hman zong a si kho. Lenglang zohnak menmen in le na hman mi tahfung menmen in mi pakhat a nun tah lo hi a biapi tuk. GodBlessYou. Credit: Milleysui