Melbourne Chin Church nih AUS $100,000(Aus $ Singkhat) CDM hawidawt caah a pekchanhmi cungah lawmhnak mitthli a luang

Tulio kan dirhmun hi thaizing hngah awk a tha lo. Hawikom dawtnak 100 te kan pekchanhmi nih kawlram(chinram) um hawidawt nun a chanchuah khawh hna hi kan mission nganpi a si hi kan I fian a hau cang. Lungdonghnak pinah teinak nih a kan hngah ko. Khrihfabu in Communities in kan ttang cio a herh tuk lio caan a si. A par zau lai CDM,

Melbourne Chin Church nih AUS $100,000(Aus $ Singkhat) CDM hawidawt caah a pekchanhmi cungah lawmhnak mitthli a luang. Thaizing ti hlah thaizing zei kan ton lai kan hngal lo. Tulio caan hi kan miphun caah kutsamh le bawmh caan a si.Thaizing ti hlah nan/kan tlai sual lai I miphun le ram caah tuanbia chim le tial awk kan ngei sual lai lo hi!
Lungdonghnak pin leiah teinak nih a kan hngah ko. Credit: Salai Pa Thawng

Relchap, 𝐂𝐍𝐅/𝐀 𝐥𝐞 𝐊𝐞𝐢𝐦𝐚𝐡 𝐊𝐚 𝐃𝐢𝐫𝐡𝐦𝐮𝐧; Laimi chung in CNF/A thazang a petu le a ttan pitu tampi um a si bantukin, a soiseltu le a dokalh zungzaltu zong zeimawzat um a si ve. CNF/A kan pale an khua khanmi le an thil tuahmi cungah ifimter phun in criticize tuah kaa tim bal lo. A ruang cu ram le miphun caah an caan le an nunnak vialte an pek bantukin ka pek khawhmi pakhat hmanh a um lo. Cun vawlei fimnak le ramkhel kong theihhngalhnak lei zongah an philh zat hmanh ka thei lai lo ti kaa fiang. Cucaah kan pale nih a ttha, a rem an ti cangmi cungah keimah bantuk hna nih criticize va tuah len a hau lo ti ka zumh.

Cun micheu khat nih CNF/A bawmh ti lo ding kong heh tiah tlang an au. Cu bantuk minung pawl an tlang aumi nih ka dirhmun a pelte hmanh a ka thleng fawn lo. A ruang cu, kan miphun a himnak ding caah le Kawl ralkap telh in miphun dang hmai ah mithmai kan ngeih khawhnak ding caah CNA a tthawn a herh timi fiang tein ka zumh.

AA ralbawi zik Bogyoke Tun Myat Naing nih hitihin a kan ti. “CNA thazang a tthawn lo ahcun kawl ralkap nih zeihmanh ah an rel hna lai lo. KNU an hruaitu Mutu Say Poe meeting rum a vun luh ahcun MAH nih a va zuanhnawh i a va kup. Nain ralkap thazang a ngei lomi hruaitu pawl an luh ahcun a zoh hmanh a zoh hna lo. Cucaah cun CNA thazang tthawnter u law SANPIOH hmanh an chumh piak hna lai” tiah a ti. A chimmi al ding a um lo. Mithmuh kuttongh bak a si ko.
Cucaah cun ka pawngkam ah zeitluk in CNF/A bawmh lo ding an au len zong ka zeite hmanh a ka hnin lo. Kumkhat $ 150 long siloin zeitindah tam deuh thazang ka chuah khawh chin lai timi tu ka ruat deuh. CNA a tthawn longah kan miphun a him lai. CNA a tthawn longah miphun dang hmai ah mithmai kan ngei lai. CNA a tthawn longah kawl ralkap nih kan miphun an kan ttihzah lai. Credit: Salai Biak Tum Lian