Meghan Markle hi mi lihchim hmang a sinak tuchun news ah fiangte in tlaih khawh a si.

Meghan Markle le England sianpahrang techung buaibainak ah Siangpahrang techung nih an neek deuh rua tiah ka rak ruah ve. asinain tam deuh ka rel i ka theih deuhdeuh tik ah Meghan Markle hi mi lihchim hmang a sinak tuchun news ah fiangte in tlaih khawh a si.

England Siangpahrang chungkhar sin ka phak hnu ah ka passport an ka laak piak tiah Oprah Winfrey interview ah a chim nain Harry he an umtti hnu ah ram 13 ah honeymoon an rak kal ko. An phaknak ram kip ah a passport a piah ko hna ti a si.

“Siangoahrang chungkhar hna nih minak ka si caah an ka thleidan, ka fapa cuar le vun ruangah an buai tiah a chimmi zong hi ka zum kho ti lo. Pier Morgan le bang nih cun mi lihchim a si a ti, Amah a pa lila hmanh nih a dirkamh duh lo. Minthan duh ah Harry a vaat i siabgpahrang chungkhar a buai hnawh hna. Nupi tha lo i thit sual ahcun chungkhar vialte buai dih si ko.

Relchap ding thawngpang tha, President Biden Nih Stimulus Check Minthut Cang. Coronavirus ruangah harnak a tongmi bawmhnak caah Senate le House nih an pass cangmi Coronavirus relief Bill 1.9 trillions cu President Biden nih tu zanlei suimilam 1:30PM ah min a thut i, law ah a fehter cang. Thaizing Friday ah minthut ding in timh a si nain a hlankan in tu zanlei ah min a thut caah rianrang deuh in bawmhnak mipi sin ah a phan lai tinak a si.

Kum 2019 le 2020 caah tax file a tuah cangmi hna le direct deposit in bank account ah a thunmi hna nih tuan bik ah ngah si lai. Hmai zarh chungah nan bank account chungah a lut lai tiah zumh a si. Tax file tuah lio ah direct deposit in a tuah lomi pawl cu hnu deuh ah check asilole debit card in a phan te lai. Nan ngahmi chung in a tlawm bik $200 tal cu Kawlram thlennak CDM caah bawmh khawh i zuam cio usih. Credit: Salai Lairamthang