Maw Tuan Timi Hi A Sullam Na Fiang Maw?

Maw Tuan Timi Hi A Sullam Na Fiang Maw?
======================
Maw tuan timi hi angki dawh dawh i hruk i “Mo”nu pawng ah dir um sawhsawh lawng in a dih mi si lo. maw tuan timi cu “Mo”nu a herh mi paoh ah le puai tuahnak ding le a dang dang a herhmi paoh a tuahtu ding le a tlangtla tu ding an si.

Cun maw tuan timi cu “Mo”nu laksawng pek nak le a nungak caan a donghnak ni ah lomhpinak le a dangdang herhhai mi paoh a tuah dih tu ding an si. cu ruang ah Maw ka tuan cang lai na ti cun phaisa dih ding na ready a hau,na dih khawh lo ding si cun tuan hlah ko.

Na dawt bik mi na hawikom si ko nain “Maw”tuan ding hrim na si tiah order nawlpek khawh mi a si hlei lo. nangmah lei in tangkaa dihtuk ding le na ngamh lo a si ahcun chim ko/nangmah caah tangkaa a liampiak tu ding zong an um lo si cun bia thlum te in le fimte in na tuan khawh lo nak kha chim ko hna.

Maw tuan ding na timh vek vek ah cun”Mo”nu a dih ding lawng i ruat hrim hlah, na hruk ding mi na angki man tel hi cu nangmah te i liam ko. Adang dang herhhai mi fa tete pawl cu nangmah phaisa in cawk khawh i zuam. Asnain “Mo” nu nih theihthiam nak he a mah nih liam ding in an chimh si cun na duh le cohlan khawh si ko.

Mo”nu caah a herh bik mi cu puai ah a rak tel pi tu hawikom pawl sin ah lomhnak bia chim piak hi a si. lomh nak biachim nan daithlan ah cun zoh a chia ngai mi puai a si lai. Maw na tuan cang vek vek cun a zei lei poh na tel a hau. Mo nu a manh lo tuk ni le can a si caah puai dih sin in ka manh lo tiah inn ah na tin beh hrim lai lo. zei lei poh a tlamtling dih tiang umpi ko.

Hawikom ttha nan si caah tthat nak chiat nak nan pa2 kar ah bia el nak nan rak ngeih tawn lengmang mi a si ko lai nain puai ahcun bia el nak thinhun nak tuah hrimhrim hlah. Mo nu zeitluk in a nuamh khawh lai timi lawng kha tuak ko.

A herh cun Mo nu nih a chawnh biak ding mileng pawl kha Monu aiawh in chawnh biak le bia ruah khawh i zuam hna . An puai ni ah a hrukmi a thil thuam/ makeup/ a keden tibantuk pawl i a dawhnak le a tthatnak kong kha a nuamh nak dingah chim khawh i zuam. nang cu Maw na si Monu he dawh i zuam hlah, Monu caah Maw ttha si i zuam ko, an puai ah nangmah thawng in a nuam mi le a tlamtlingter tu sikha i zuam. Crd-Jmnews

Chin le Sagaing Hmun Cheukhat Ah Phone Line Thahpiak An Tong, A luancia nithum hrawng in Chin ramkulh Tedim, Falam peng le Sagaing ramṭhen Kalay, Mawlait(မော်လိုက်), Homalin pwng ah SAC ralkap nih phone line an thah tiah theih a si.

Falam pengah Telenor chim lo in a dang phone line paoh phihpiak an si, cun Tedim ah hin MPT le Telenor line cu hmankhawh a si lo nain, Oredoo line pakhat te tu cu hmankhawh a ngah tiah theih a si. Mawlait ah MPT, Telenor, Oredoo line ngah lo in Mytel line pakhat lawng internet hmankhawh a si. Kalaymyo tu ah cun MPT le Telenor phone line ngahl lo in Oredoo line hmankhawh a si i Homalin pengchung ah an hman bikmi MPT phone line tu cu thahpiak an tong tiah theih a si.

Myawaddy Ah DKBA Chungtel Pahnih Kah An Tong, Pakhat A Nunnak Liam, Kayin ramkulh, Myawaddy Maynikune(မြေနီကုန်း) ah ku-va a cawmi DKBA chungtel 2 cu a hosi theihlo mi hriantlai phu nih an kah hna caah pakhat a thi, pakhat cu fakngai in hliamhma a tuar tiah tualchung mi hna nih an chim.

Myawaddy Maynikune(မြေနီကုန်း) Sagaing ku-va dawr hmai October 2, zaanlei suimilam 4:00 hrawngah kahdohnak a chuak, zeiruang ah kah an ton zong theih a si lo tiah tualchung mi nih an chim. ” Pakhat cu kah an tonnak hmun ah a thi, pakhat zong a hliamhma a fakngai” tiah tualchung mi pakhat nih a chim.

Cu kahdohnak a can hnu ah cun, SAC ralkap hna nih lampi le gate phihnak an tuah i checkhlatnak an tuah, kah a tongmi DKBA phu chungtel 2 cu Myawaddy general hospital ah an kalpi hna tiah theih a si. DKBA phu cu KNU in a chuakmi Karen hriamtlai phu pakhat an si, SAC nih uknak a lak hnu DKBA phu in Bo Salone hruaimi minung thazaang 200 hrawng cu KNU kuttang hriamtlai KNDO he a fonhmi an si.

South Korea President Nih North Korea Cu Nuclear Hriamnam Hneksaknak Tuah Ti Lo Dingin Ralrin A Pek, October 1, South Korea Armed Forces Day ah, South Korea president Yoon Suk-yeol nih North Korea cu nuclear hriamnam hneksaknak tuah ti lo dingin ralrin a pek tiah theih a si.

North Korea nih a voithumnak nuclear hriamnam hneksaknak a tuah hnuin atu bantukin South Korea nih ralrin a pek hi a si. Armed Forces Day tuahnak hmun ah cun, South Korea President Joon Suk-yeol le Ministry of Defense Prime Minister hna an i tel i, hriamnam thar an ngeihmi pawl zong hmuhsak le theihternak an tuah chih tiah theih a si.

Ram Buai Hnu In Pawcawmnak Caah Caw, Naa Mizoram Ah A Zuarmi An Tam!, Myanmar ram ah Min Aung Hlaing nih uknak a lak hnu in thilman a kai i riantuan ding a um lo ruangah pawcawmnak caah Mizoram ah Caw le Naa a zuarmi an tam tiah theih a si.

Caw le Naa zuartu pakhat nih cun,” Uknak lak hnu in thilman a kaituk, kannih Chin ram ah hin a hleiin thilman a kaikhun, cun a hlan bantuk in phaisa hlawhnak zong a um ti lo, cucaah Kawl Caw hi tambik kan lak i Naa hi cu kanmah Chin ram chung satil kan lak iI Mizoram a kan va zuar,” tiah The Chin Post ah a chim. “A caan ah cun phaisa thlen a tum kai a fah tuk ah hin kan sungh caan zong a tampi, zei riantuan awk a um lo tuk caah vansan ah kan zuar, uknak lak hnu cu pawcawmnak caah hin kan lungre lawng a thei ko,” tiah a chim chap.

Ralkap nih hranhram in uknak lak hnu ah hin a bik in Chinram chung ah riantuan ding a har i, Mizoram ah Caw le Naa a zuarmi hi nikhat hnu nikhat an karh, a zuar tawntu hi phu li nga an um i a buaktlakin phukhat nih Caw 40 an hruai tiah theih a si. Mizoram chungah an va zuar tik zongah zuar a har ngai tawn i voikhat an kal ah hin caan sau ngai an rau tawn.

India, Mizoram ramkulh ah Rupee’s sing 100 hrawng man bingrang an tlaih thanh, India, Mizoram ramkulh ah, rithaisi dohnak biatak tein an kalpi cuahmah ko nain nichiar ti awkin palik nih hmunkip ah rithaisi cu an tlaih i, October 1 zong ah, Rupee’s sing 100 renglo man bingrang an tlaih than tiah theih a si.

Mizoram, Aizawl khua hmun pakhat ah, Manipur khuami pakhat le Myanmar mi pakhat sinin 148.36 gram a ritmi bingrang, rupee’s sing 124 man kan tlaih tiah Mizoram palik nih an thanh. Cu bingrang he an tlaihmi pahnih hna cu Manipur, Newlandka khua ah a ummi, Thang Za Mun le Chin ramkulh, Tonzang peng, Dar Khaine khua ah a ummi Lian Lam Khu hna an si. Cu hna pahnih cu, Mizoram palik nih a herh ningin hma an lak hna lai tiah theih a si.

Thih Hlan Lo Thongtla Ding A Si Ko Nain Thonginn In A Chuakmi Misual Pa Myat Htun Meithal Kah A Tong, Mandalay ramṭhen, Kyaukse(ကျောက်ဆည်) peng Than Chet Kone(သံချပ်ကုန်း) khua ah mi thahnak case 2 in thih hlan lo thongthlak dingah biaceih zung nih bia an khiahpiakmi misual pa Myat Htun cu, thonginn in a chuah hnu SAC kuttang pyusawhti phu i rian a ṭuan lioah meithal in kah a tong, tiah tualchung mi hna nih a chim.

Nizaan October 2 zing sml 11:00 ah misual pa Myat Htun cu min hngalh lomi hriamtlai phu nih meithal zun 6 in an kah caah Mandalay sii-inn ah an tlikpi, tiah theih a si. “Anih hi thih hlan lo thong tla ding a si ko nain SAC nih thonginn in a chuah ṭhan. Ralkap he i bawm in khuami hna cu an hrem hna.

Tangka in lente i celhnak(Gambling) le zu dinnak hmun ah ralkap he i bawm in ngunkhuai khawltu a si,” tiah tualchung mi nih a chim. Misual pa Myat Htun cu Meithal zun 6 in kah a ton caah Mandalay sii-inn ah an kalpi i a thih le thih lo theihfian a si rih lo. Crd-The Chin Post