Maw Thih Dar Aw, Atu Cu A Taksa Nih A Celh Ti Lo I A Kan Liam Taak Ruangmang Cang.

MAW THIH DAR AW

=============

Zahan zan (November 17) 10:00 hrawng ah kan Khrihfabu chungtel Pu Thang Uk nih thi cancer in mual a kan liam taak tiah ka theih i ka ngaih a chia taktak. Naite ah a thih lai hngalh bang, Lai dawr ah kan i tong i puri le lakphak kan ding ṭi ta manh. A taksa a derthawm tuk cangmi ka hmuh i ka lakphak din lio ah ka mithli a tla hnik. Nain, panh ngai in bia cu a ka ruah khawh rih.

Pu Thang Uk hi Hakha khua a si. Hlan lio kan u/pale chan ah minthang pakhat a si. Guitar bass tum a thiam takmi le volleyball bengh zong a thiam tak mi, Lai pa ah cun pumrua zong ah pa zaa bak a si. Ralzam in US a phan ve i Indianapolis ah khua a sa. A chungkhar hi US an phan kho ve lo i mi dang he apartment ah an um ṭi tiah ka theih. Vanchiat ah a thisen a cancer ve i sau ngai ai thlop cang. A zawtnak ai thlop pah bu’in kan hnu thla tiang rian zong a ṭuan chih rih.

Atu cu a taksa nih a celh ti lo i a kan liam taak ruangmang cang. Pu Thang Uk hi mi dai, mi ṭha, mi upat thiam a si. Ka voikhat hmuh nak in ka tlaihchan i ka upat colh. Ka ui taktak. Zeiti awk ṭha daite in vai din ko kun mu. Credit: Vanceuuk Khenglawt

Leave a Reply

Your email address will not be published. Required fields are marked *