Maw Min Aung Hlain a ralkap hna

Maw Min Aung Hlain a ralkap hna
=================
1. Upadi lo ning in nawlngeihnak na lak, 2. Upadi lo ning in Cozah riantuan tu na tlaih hna, 3. Upadi he aa kalh in hriam nam in mipi harnak na pek hna, 4. Upadi he aa kalh in upadi tha lo na hei ser rih, 5. Upadi he aa kalh in ramchung buainak na chuahter, 6. Ram caah tih nung mi thongtla hna cu na chuah hna i thilsual na tuah ter hna, 7. Ramchung humhimnak rian na tlaih nain nangmah tu nih buainak na ser, 8. Atu ahcun hriamnam lo in mipi tu nih chun he zaan he ram le,miphun, khua le sang vialte kan runven, 9. Ram mipi hna cu ral ah na kan ser, 10. Kan ram upadi cu mipi himnak ca si loin nanmah himnak ca Lawng ah na hman.

11. Kawlram pi hi nangmah ta/lopil bantuk ah na chiah, 12. Nangmah kut tang ah mitha le ramdaw mi an chuak kho lo, mitha lo minung lawng te na ser. 13. Na chan chung ah thiltha lo lawngte na chuah pi ai, 14. Zeitin hme mipi le ramdang mi hna hmai kan,khah lai, 15. Nathil tuah mi ruang ah ram dang mi hna nih nehsawh le zeirel lo kan si, 16. Ram mi cu mifir bang zaan ah na fir/tlaih hna, an umnak hmanh hngalh loin mifir bang na thuh hna, 17. Vawlei cung social media cahmai ah misual bik pa dirhmun ah chiah na hung si.

18. Na hnuzultu hna nih le rampi dawt loin nangmah pakhat lawng dawt kha fim ngai le fel ngai ah an i ruah, Zaan ah kawlram pi na fit, chun ah meithal in kan rampi na kah, 19. Thil sual tuah hrat cu na thin phang cang i kawl rampi ralkap hna cu tupung bang nang mah ven ah ni an tla, 20. Rampi a rungveng tu ralkap an um tilo, mipi tu nih kanmah tein kan ven, ram mipi ven cu chim hlah, caw run pakhat hman na vengkho hna lo, 21. Na thil tuah hi ngaih thiam khawh ding asi hrim lo.

Donghnak biacah; Khah kan tum ram kan phak tik cu na ngai chih tuk te lai, na cingla rual chan le na hnuzul le an dirkamh tu hna zong an i ngai chih tuk ve te ko lai, khi tik cu kawlram chung ah nangmah an bawm tu ding an um ve ti lai lo, vawlei na zoh ah apit lai i van, na zoh ah asang lai. Kan nih cu hriamnam in kan in doh lo, ramdawtnak he kan in doh, nangmah harnak pek ding ah tuluk ram bawmhnak zong aherh lai lo, na,ser mi upa hi zeitluk in dah tih anung le chiat ti hngalh nak ding ah na ser mi upadi hmang in na kong cu caih le biachah asi te ko, cutik ah mipi kan mawh asi lai lo, na ser mipi upadi mawh asi te lai. Atu hi na hman mi hriamnam pipi hna hi ram mipi million 54 leng nih kan tih naisai lo ti kha rak thei peng ko. By: nangmah an hua bik tu asi ve mi Rolian