Malaysia Ah Myanmar Minung 100 Leng Telh In Minung 400 Leng An Tlaih Hna
=========
Malaysia ram ah hlawhfa in riantuan mi Myanmar minung 100 telh in phungning lo riantuan mi minung 400 leng an tlaih hna tiah tualchung Media nih an langh ter. August thla 5 zinglei suimilam 1 tluk ah Kuala Lumpur khuapi, Cheras sangchung inn khan hna ah Immigration Deparment 60 tluk nih check hlatnak tuah in an tlaih hna hi a si. An tlaih mi hna chung ah pa 372 le nu 53 an dihlak minung 425 an si.
An tlaih mi hna chungah kum tling lo ngakchia zong an i tel i kum 8 in kum 54 kar deuh an si hna. Hi chungah Bangladesh ram mi 252, Myanmar ram mi 108, Indonesia ram mi 30, Nepal ram mi 20, Pakistan ram mi 7 , Cambodia ram mi 6 le Philipine ram mi 2 hna an si.
“Cheras sangchung ah phungning lo riantuan le a um mi an tam tiin report nak a um hnu zarh hnih an hnu ah a tu bantuk luh hnawh in kan tlaih hna hi a si” tiah KL Immigration zung tuanvo ngeitu pakhat nih Media pawl sin ah a chim.
Tlaih a tong mi hna chung in UNHCR Card aa tlaih mi Muslim ralzam mi hna zong an i tel hna. An tlaih mi hna pawl cu Bukit thong inn ah an hren chung hna i Immigration upadi ning in taza cuai an si lai tiah theih a si.
Tu lio Tlaihkhih cu pawngkam complain ruang ah a tam deuh men lai tiah ka ruat. Mah caah cun kan um kan thutdir tu ning pawl kan i ralrin deuh a hau. Malaysia cu chungkhar pawcawmnak caah a ra mi long te kan si dih. Mah lio ah tlaikhih kan ton sual bak ah cun kan chungkhar ruahchannak a rawk dih. Kan ram nih le a tha kho rih lo.
Unau a hlan lio sining kha kan thlau kho bak lo mu. Zuri miloklei pawl cu tlai pah ko hna seh Leggeng Camp le Thongpi tal ah an lungfim deuh lai. Mah bantuk minung hna an tlaih kha cu a poi ka ti lo. Na tein mah bantuk minung pawl ruang ah a fel mi minung nu he pa he hngakchia he tlaih an ton dih mi hna cu a poi bak ko.
Atu kan um nak pawngkam hrawng zg hi zuu ta ma pawl an tam tuk i complain a um sual lai phan a um tuk cheukhat zuu ding pawl cu Zangtin suimilam 1 tiang a auh a khuang i tha te hmanh an ka ngilh ter thiam hna lo a poi tuk kan lai mi hi khrifa bu hna nih tha te in chimrimh ding Bak kan si ko. Kan thudirh ziar ka zoh tihkah local pawl cu chimhlo Keimah hmanh nih ka rem hna lo a poi tuk ka ti ve.
Ka Ruat Len Tawn; Aho cio kan si zong ah tu lio ah cun kan ram dothlennak ah phaisa ting 1 thawh nakin kan u kan nau, kan fale rualchan ram dang an chuah khawhnak ding ah phaisa ting 30 chuah kan i fawih deuh lio cio hna asi.
Kan ram buai hnu in ram dang ah a chuakmi kan Chinmi hi India le Thailand a phaanmi chim loin a tlawmbik minung thonghra cu kan si hrimhrim cang lai. Hi minung thonghra thluk nih ram dang chuahnak ah minung pakhat ah ting 30 (US dollar cun thongkhat – $1000) kan dihmi hi a dihlak tuak ahcun calculator (ဂဏန်းပေါင်းစက်) zong nih a tlum deng loh (US dollar cun 10 million or 1 billion hrawng cu asi bak lai).
Hi zatzat phaisa vialte hi kan ram dothlennak tu ah chuah kho tuah hna uhsih law Vaurawng Zuun Thil nih an rak aupi lengmangmi vanlawng kahnak cawknak (1 million project timi maw a rak si kha) cu chim lo a Vanlawng hmanh kan cawk khawh hnga mu tiah ka ruat len tawn.
SAC Nih Hramhram In Uknak An Lak Hnu Ah Myanmar Ramchung Mipi 15 Million Leng Eiawk An Harsa Tiah UN Security Council Ah U Kyaw Moe Htun Nih A Chim. Myanmar ram ah SAC nih hramhram in uknak a lak hnu thawk in ramchung minung 15 million leng eiawk an harsa tiah UN Security Council sin ah Permanent Representative of Myanmar U Kyaw Moe Htun nih a chim.
August 3, American ram, New York khua hrambunh UN Security Council ah “Famine and Conflict-Induced Global Food Insecurity” tlangtar in High-Level Open Debate ah U Kyaw Moe Htun nih atu bantuk in a chim hi a si. Atulio Myanmar ramchung ah minung 15.2 million nih eidin harnak an tong, cun 1.9 million hrawng minung hna nih innlo an zaamtak, ramchung ah hngakchia tampi vitamin an chanbau, WFP nih a langhter mi cazing ning ah buaktlak in kum 5 tang hngakchia 3 chung ah 1 hi cu an ngandam lo i 7% nih vatamin dat an bau tiah a langhter.
Cun SAC ralkap nih mipi umnak hmunhma pawl ah vanlei kahdohnak a tuah ruang le hriamngan a kah ruang ah ramchung minung 1.6 Million nih innlo an zaamtak i mipi inn 70,000 leng SAC ralkap nih an khangh cang tiah a chim fawn.
Cu Security Council Meeting tuah caan a phan mi US ram hruainak in an tuah i US ramdang lei Minister nih a hruai hna i UN Famine Prevention and Response Coordinator a si mi Ms. Reena Ghelani, International Rescue Committee President le Chief Executive A si mi Mr. David Miliband le Edesia a dirhtu Ms. Navy Salem hna minung 3 hna zong an kai kho. Meeting ah Myanmar ram telh in ram 80 leng aiawhtu pawl an kai kho tiah theih a si.