Martin Van Bawi Lian Nih Sawmnak A Va Tuah Taktak Cang

Dear Khuaza Ramkip um dawtmi Chin Miphun vialte,
==================
Nan dam cio hna maw? Pa Pathian nih vawlei pulrai (Covid-19), a dang harsatnak vialte le hmuh khawhmi/ hmuh khawh lomi ral chungin himnak le damnak in pe hram ko hna seh.

Nan/ kan hngalh dih cia bantukin Ralkap nih hramhram in uknak an lakmi cu keimah/ ka chungkhar le Mizapi (aho hmanh) nih kan duh lo i kan cohlang kho hna lo. Cucaah ralkap uknak duh lonak langhternak cu Burma Ram chung khuakip le abikin kanmah Chinram (Hakha- Thangthang) zongah lamzawh in duh lonak kan langhter cuahmah lio asi ve. Hi lamzawh in duh lonak langhternak ah ralring ngai le dinrep (non violence)zulh khawh buin mizapi I telh chinchin dingin sawm chap kan duh ko hna. Cun Cozah riantuanmi CDM a telmi zong upat kan pek fawn hna. Self-Determination( mah tein Khuakhan lairelnak le Federal Democracy) kan hmuh hlan chung poah cu Ral tha ngai in hmai kan nor chin hna lai.

Miphun le Ram caah a pum a pemi vialte le lam zawh in duh lonak langhternak a hruaitu kan nau le ttih hlah uh, nan hmai le hnu leiin fek tein kan dirpi tiah chim buin, Upatnak he, Salai Van Bawi Lian