March thla dih hi biapi taktak in kan ralrin a hau

March thla dih hi biapi taktak in kan ralrin a hau
+++++++++++++++++++++++++++++++++++++
Ralkap nih uknak an lak thla khat leng kan phan cang. Nihin ni tiangah mipi thazaang a thawng chin lengmang. President U Win Myint a nawl ngeihnak le President a si nak taktak hi March thla dih lawngah phung ning tein a dih dongh lai. President nawlngeihnak power an i pek hi March thla dih lawng ahhin a si. Feb 1, hi cu thimnak ah teinak ahmu tu pawl vialte i tonnak meeting a si. Cu caah March thla dongh hi tutan ralkap nih uknak an lak mi ruangah ai cawlcang mi (CDM) vialte caah a biapi taktak ding a si.

Nihin tiangah minung 52 lengkai nih an nunnak an pek cang. Ralkap nih atu hi cu biatak tein kan i cawlcang rih lo tiah an ti. March thla dongh tikah ralkap nih uknak an lak mi nawlngeihnak an hman ve cang lai. An cian chin cang lai tinak a si. Khat lei in CRPH an thawng a herh pinah Acting President caah an thim thar mi Myint Swe le Vice president caah an thim mi Mahn Win Khaing Than zong nih March thla a dih in cun an president sinak le nawlngeihnak cu phung ning tein an hman kho ve cang lai.

Mipi nih thazaang kan pek ding cu CRPH an si lai. Nain ralkap nih an mah tein cozah an i ti ve peng caah an duh paoh in an i cawlcang ve lai. Khi tikah a hlan nak in ram chungah buainak a linsa le ngan deuh chin kho men mi a si. A herh ahcun “ Civil War tiang hman a chuah kho ding dirhhmun kan phan te lai.

R2P Kawlram an lut ding cu caan zei maw zat a rau rih lai. UN nih NATO ralkap a hman hi doctrine tha tein a ngeih ve. R2P hmannak kong ahhin UN ah biaelnak a rak chuah bal lengmang. A bik in “genocide, war crimes, ethnic cleansing “ ti bantuk buainak ah minung a thong2 in an thi hnu lawngah R2P timi hi UN nih a rak hman tawn. Nain Civil War tiang hna kan phan a si ahcun R2P zong kawlram ah an lut ve hrimhrim ko lai zumh a si.

March thla a dih hnu cun CDM le CRPH biatak tein an thawng le cawlcang an hau. Ralkap an planning cu March thla a dih hnu in a fiang te ding a si. March thla a dih President power an lak le an hman thawk bak in Kawlram chungah thil zeimawzat “ Buainak or Teinak” arak chuah te lai. Cu caah tutan thil buainak hi tlangcung mi le kawlram mipi nih Federal Democracy kan ngah khawhnak ding caah si hram ko seh! Credit: Bawi Hlei Hu