Mara Community of Victoria Inc. (Australia) Nih Saya Va Bie Lo Luman Liamh Ding In CDF- Thangtlang A Hal.

Mara Community of Victoria Inc
=========
September thla dih laite ah Chinmi Mara phun Saya Va Bie Lo thihnak kong ah el hmiarnak tampi a chuak i hi kong he pehtlai in October 9 ah “Mara Community of Ins. (Australia) nihcun cathanh a chuah ve. Cu cathanh chung ahcun “Mara Community of Ins. ( Australia) nih Saya Va Bie Lo thihnal kong ah CDF- Thantlang cu mawh a phurh.

Ahlei in Saya Va Bie Lo thihnak kong ah zumh awktlak a silomi Statement cu CDF- Thantlang nih an chuah mi nihhin Mara miphun zei a kan rellonak a langhter tiah an ttial. Cun CDF- Thantlang nih ai tlak ning in Saya Va Bie Lo luman liam ding le Biadik chim in chungkhar lenkai ding in a fial.

“Offocial Statement Release” Saya Va Bie Lo thihnak kong he pehtlai in Mara Community of Ins. (Australia). Kan unau pa Saya Va Bie Lo thihnak kong he pehtlai in Mara Community of Ins. (Australia ) nih apoi tuk kan ti hlei ah tantak mi a nupi le a fa chungkhar dihlak cung ah lungthin kekkuai in kan tuar pi ve hna.

Saya Va Bie Lo hi 27 September 2021 CDM tuah ve ding in khua lei a tlun lio ah Kha le Thantlang kar ah CDF- Thantlang pawl nih an tlaih i CDF- Thantlang kut tuar in a thihmi asi. Mipi hnangamnak pek ding ah mipi ralkap bantuk in kan i ruahmi CDF- Thantlang nih zei sualnak hmanh a ngei lomi Saya Va Bie Lo fak taktak in kut an thlak i an thahmi hi Mara Community of Ins. (Australia) nih fak piin kan mawh chiat.

Hi lio ah CDF- Thantlang nih Saya Va Bie Lo thihnak kong he pehtlai in zumh awk a tlaklo bia hmang in statement an chuah. Hi an chuahmi hi Mara mipi cungah zawmhtaihnak thleidannak le zeirel lo bantukin a si tiin kan ruah. CDF- Thantlang nih hin an tuah sualmi hi thup lo tein Biadik chim in Mara mipi ngaihthiam an hal awk hrimhrim asi.

Saya Va Bie Lo thihnak kong he pehtlai in CDF- Thantlang ralkap hna cung ah Nawl ngeitu hna nih ai tlak ning in hremnak pek awk ah hma kan lak piak uh. Hi bantuk thil tthalo nan tuahmi sualnak a ngei lomi cung ah tlung hrimhrim ti hlahseh.

CDF- Thantlang nih Saya Va Bie Lo a lu man aa phu ning in an liam hrim hrim awk a si. Hi statement hi zei rel loin an um ahcun Mara Community of Ins. (Australia )nih aa tlak ning ning le a herh ningin hma kan lak la. Mara Community of Ins. (Australia)

Saya Vaibilo thihnak kong ah Mara Community Committee, USA nih thawngfianhnak an tuah! Date 9/27/2021 ah Cellar Department ah Officer rian a tuan liomi Saya Vabilo cu CDM tuah dingah Hakha in kan ram ah a kal i Hakha le Thantlang karah CDF-Thantlang nih a tlaih.

Date 9/30/2021 ah CDF-Thantlang nih a tlu ia thi tiah an chim nain. A pumsa si ning zoh in Saya Vabilo hi a dam lo ruangah a thimi si loin minung kut in a thimi a si. A pum cung vialte zoh ngam lo tiang in an velhmi a si hlei-ah a keng-ruh pahnih le a hngawng zong a kiak buin hmuh asi.

Mara Community Committee-USA (MCC-USA) nih kan unau a simi Saya Vabilo nih hi bantukin a kan liamtak tikah a poi kan ti hlei-ah hi chiatnak kong ah tuanvo a ngeimi CDF-Thantlang cungah mawchiatnak tam pi kan ngei. CDF-Thantlang nih zawnruatnak ngei loin kan unaupa Saya Vabilo cungah kutthlak in a takpum hmanh zoh ngam lo tiang an tuah hlei-ah pek than khawh lomi a nunnak tiang ah lakmi cu MCC-USA lawng si loin vawleicung hmun kip ah a ummi Mara unau vialte lung a kuai dih i zeiruangah a thi timi a ruang hngalh ding le hi thil kong ah a telmi vialte a rannak in hlathlai le azizut dingah (action lak dingah) MCC-USA nih CDF-Thanlang cungah tuanvo kan pek.

Culawng si lo, a kaltakmi a nupi le a fale nan Lenkainak nan tuah dingah hngalhter kan duh hna. MCC-USA Thawngfianhnak hi zei rel loin bialehnak a um lo ahcun MCC-USA nih Nichuak le Nitlak (Burma le India ) ummi Mara upa pawl he a herh ningin action lak a si lai. Credit; Center Executive Committee

CDF – Thantlang an cathanh mi kha atling lo ngai hrim e khaphnih karlak tu ah Pathian nih deihnak atuah lai mi tu lungsau te in hnak ko kun hna uh sih law. CDF TT nih i phehnak um loin a hman ning tein an chim duh lo caah a buai uahmah ko lai.

Peng tlang min in CDF min bunh hi cu a tha lo ngai. Tlang khat CDF nih thil chia an tuah Le a tlang ning pin huat dih an si, thil tha hawi Hlei in an tuah Le an i uang tuk hawi. Chin mi kan si dih. Cucaah cun Chin Battalion 1,2,3 ti ban tuk in min bunh ding si.

Nihin ah a tlaih, thaizing ah a ruak chungkhar sin ah kuat timi cu MAH ralhrang pawl nih an tuah len hmanh ah khan kan zaang a rak raam tuk dah kaw aw! Nga thu pakhat ruangah lawng chung nga vialte a thu dih ti mi phungthluk bang Thangtlang mino miphun ralkap nan min a chiatnak hnga lo ttuanvo nan laak hrimhrim a hau. Mi sual pakhat hnih ruang ah Mipi sin ah nan mui a chia cang! Mipi vengtu nan si bang, nan venmi mipi sin ah justice nan tuah ning langhter te u law a ttha ngai hnga!

Laimi/Chin miphun pakhat le pakhat karlak ah thil a cangsualmi cu tha tein, khrihfa phung le laiphung ning tein inawl ah a tha bik ko. Kan unau Mara zong nih an kan ngeihthiam ko lai. Hmailei tu ah ralrinnak cang ko seh. Pengtlang i ral ti bantuk cu um hram hlah seh kan zoh kan hngah mi thawng kan theih tik ah ngeih thiamnak le deih nak tu um hram seh.