Manipur Video Viral Kong Ah Meitei Ngeihthiam Khawh An Si Lo – PM Modi
=========
July 19, i Manipur ah Kuki-Zomi nungak meitei nih taklawng in an chawhpi mi hn akong ah India’s Prime Minister Narendra Modi nih “Meitei miphun ngeihthiam khawh ansi lai lo” tiah a chim. Hi thil tuah hmaisa bik tu Khuirem Herodas cu Thoubal peng Manipur ah tlaihkhih a si tiah an chim. Taklawng in (Nu) pahnih a hruaitu le an chiaṭha a tongtu hna pahnih zong tlaih an si cangnak kong an langhter.
Hi kong he pehtlai in, India’s Supreme court nih “Suo Motu Cognisance’ hmang in cawlcanghnak an lak pengtlang le Centre hna rianrang cawlcang ding in theihternak an tuah. Chief Justice of India DY Chandrachud nih cozah ca ah caan ser a si lai a si lo ahcun kanmah kan cawl lai tiah an chim.
A tuar a har hringhran ko lai mu! Kan theih cio bangin tulio hi India ram Manipur state cu an buai tuk lio caan cu sikaw, hi a tang i kan hmuhmi nu nih a tonmi harnak le a intuar ding hi ka ruah piak tikah ka zaang hi a fak kho tuk ve.
Hi kan nu te hi Minipur (phainuam) khua ah chungkhar in khua a sami an si. An pa (Pu Soi Tin Kam) cu Meitei miphun nih an thah i a fanu hi a hnipuan vialte an phuaih piak dih i taklong in an vahter i mipi nih an duh tawkin an tlaihhrem hnu ah an thah beh vemi a nu kha a si.
Cu a fanu taklong in an vahternak le an serhsatnak cu online video ah an thlah i cu video cu a ṭapa (Tv. Ngeng Khaw Lun) kum 19 mi nih a hmuh tikah a lungfah tukin a farnu kum 21 nu cu va chanchuah dingin a va fuh, panh colh ve, cutikah Meitei pawl nihcun a ṭapa zong cu an rak thah ve ee ti a si. Zeitlukin dah a intuar lai ti ka ruah ahhin ka celh ve hrim lo. Bawipa nih intuarkhawhnak thazaang pe hram seh.
Efesa 5:16-17 Atu kan nikhua hi caan chia a si caah, caan ṭha nan hmuhmi paohpaoh kha ṭha tein hman i zuam u. Mihrut si ti hlah u, Bawipa nih tuah hna seh ti an duhmi hna tu kha tuah i zuam u. Credit: Van Bik Sawmhal
A poi ko e, A fanu an vah pi nak Video viral mi kha zoh ah hin thin a hung kho tuk eh, Meitei pawl khi Kawl Ralkap he tluk ceo bak an si lai dah ka ti. Ngeichia te in ti, a fawi hrim Lai Lo mu, an sual bak si. A tuar faak hringhran mu! Hnemh thiam ding a si lo.
Meitei Pawl nih Kuki nungak pawl an tuahto ning hna cu vawlei pumpi a cul dih cang! India ram Manipur State ah a um Kan unau Kuki-Chin pawl Metei (Manupuri) hna nih thahrum thawh in an serhsat, an khangh, an hrem hna nak cu May ni 3 khan a rak ni awt i a tu cu zual lei a panh chin lengmang. Minung a thi mi a zaza an si, khua 300 deng an ruah piak hna. Biakin 400 reng lo duahpiak an si.
Manipur valley area chung ah kan unau pakhat hmanh an um ngam ti lo, cozah riantuan, sumdawng le Bawi, Siangin kai lio vialte zong an inn lo chuahtak in an zaam dih cang. Culio ah cun India PM Modi cu kaa khat te hmanh thlavang hauhnak kong ah a kaa a ng sual loh an ti!
Zahan i video a chuak mi nih vulei pumpi a cul! Vaiphei (Tedim he an holh aa khat Nawn) nungak no te pahnih hna cu Meitei mipi nih taklawng in an chawhpi hna, an tukden hna, an dehcawh hna, hnu ah mibu nih an tlaihrem hna. An nule an pa, an tta le, an hmai hmuh hngan bak ah an thah piak chap hna. Nihin India parliament cu hi video nih hin a hninh in a hninh an ti. Mizoram mipi an thin a kaang! Kan zong thlacamnak tal in, theih le ttanpi ve ah a tha hringhran!
Cu tluk Meitei tlangval rual sual khawh hna cu. Kan unaunu Chin nu pa2 hna cu thlaikawlawng bak in , an hnipuan vialte an phawih ter hna i, an taw hna an tongh piak len, mah hnu ahcun nupa sinak heh tiah an hmanpi hna i, nupa sinak an hmanpi hnu ah an pa2 in an thah hi a si.
Hi bantuk in kan unaunu pa2 hna an tuah tik ah India pumpuluk lawng siloin vawlei pumpuluk hi kan unaunu pa2 hna thawngpang nih hin a hninh dih, an lau tuk cio, an thin zong a hung cio, asinain a tu tiang ah Prime Minister Narendra Modi bel zei bia hmanh chim lo in dai ziar in a um, aa thlak duh bak lo.
Kan theih cio bantuk in a tu lio hi kan unau Chin Kuki hna le Meitei hna cu heh tiah an i kap len rih, hi hi a ruang bik cu Meitei nih kan unau Mizo umnak hna cu chuh an timh, fim nawn in cozah sinah Tribal sinak hna an hal len ve, mah ca cun hi bantuk in Mizo(Kuki) le Meitei kar ah buainak fak pi a chuah nak a ruang bik cu a si.
Hi bantuk in Chin nungak pa2 an hnipuan dih lak an phawih ter hnu ah, khawlak ah an vahpi i, mah hnu ah an tlaihhrem i mah ti cun an nunnak an lak timi thawngpang theih hi a fak tuk hring hran ko. Meitei hna sual tuk ning cu a ruahzia hmanh thiam a si lo. Bawipa tu nih kan unau hna hnem hram hna seh. Kan thlacam nak zong ah kan unau hna nih teinak nganpi an hmuh khawhnak hnga thlacam in bawm cio hna usih.