Malaysia Cozah Nih Ramdang Mi Caah Remh An Timh Mi Upadi Kong Le Hmailei Tlaihkhih Fakpi In Tuah

Nihin cu Nuhrin covo lei riantuantu ka hawi nu he Tu lio Malaysia cozah nih ramdang mi caah remh an timh mi upadi Kong le hmai lei tlaihkhih fakpi in tuah an i Timh mi Kong ah zeitin in dah cozah lei va ton in Kan nawl kho lai tiah ACR office ah biaruahnak Kan ngei. Hmaizarh Chung ah cozah lei le hluttaw lei ah kuat ding mi nawlnak ca cu tial in thawngzamh tu pawl he tonnak Zong ngeih Kan nih Tim i Thlacam in rak kan bawm rih hram ko uh.

Thawngpang dang relchap ding: A tu lio Malaysia kan cozah cu an fawi lo. Dawtnak le zaangfahnak lungput hrim an ngei lo. Home Ministry nih phungning lo um mi ramdang mi dantatnak upadi remh an duh. An remh duh ning ah cun a tu a um cia mi dantatnaknak in a fak deuh le a sang deuh in dantat kho nak ding caah remh an duh. A tu a um cia mi dantatnak ning cun chaw RM 10000 nak tlawm deuh le,kum 5 tang thong thlak a si lo ah a pa 2 tein dantat le voi 6 tang fung in tuk ( Cingdan)a si. Na tein biaceihtu bawi nih zaangfahnak a ngei ning tein mah dantatnak cu tlawm deuh in rak pek a si tawn.

Mah tluk a tam cang mi upadi nak in a sang deuh in remh an duh mi hi cu tih an nung cang ko. Mah hlei ah an ram mi hna nih an pawngkam ah phuning lo ramdang mi an hmu si ah cun report tuah ding ruahnak kan pek hna lai an ti rih. Na tein ramdang mi an kan dawt tu ramkhel lei minung hna le Nuhrin covo lei riantuan tu pawl nih zei tiin an leh than te lai ti cu hngak ding a si cang ko. A rau hlan ah ceunak um hram ko seh! Credit: James Bawi Thang Bik

Leave a Reply

Your email address will not be published. Required fields are marked *