MAH nih Uk nak a lak bak in, NLD le DASSK sirhlei nak ah tiah AA he kahdaih nak a tuah colh!

Parallel Governments (8): EAOs – NUG vs SAC
===========
EAO timi cu: Ethnic Armforces Organization asi. Tlang cung Hriam tlai phu pawl komh tinak asi. EAO nih Panglong Agreement tlinter, Federal, Confederation, Autonomous, btkin Za Uk pennak, mah tein khua khan Lairel nak, Tluk ruan nak, Duhdim nun, Puitling than Cho nak, tbk caah ram khel ah, a sang bik mi, Hriam tlai Dothlen nak cu an i thim.

EAO nih Kawl Ralkap, Anasin (Civil + Ralkap) an doh hi kum 70 leng asi cang. A ho phu vial te nakin, Experience an ngei deuh. NUG nak in an Upa deuh. MAH le Anasin a tei khawh tu ding zong an mah an si. Paucan Dothlen nak a chan a sau hi: NUG nih EAO in MAH a namh lo caah asi.

Hlan ah cun Tupung le Ram hrawk tu, Krifa nih Budhist an doh, an Pathian Jesuh nih Kawl Pathian Godama a doh, tbk in Kawl Uktu Luban kip nih an miphun kawl mi cu; an Cawn piak hna. An phung Ki tiang nih an Cawn piak hna. Kawl News, TV, Media, Journal, Radio, Magazine, Novel, Cartoon, Articles, History, Thesis, Cawn nak Ca buk, tiang in an tial i an pho lang. Kawl miphun nih, EAO le Tlangcung mi cu, Tupung le Damiah in an kan hmuh tiang in, an Luban (Ralkap + Civil) kip nih an Cawn piak hna.

Kawl ram a than Cho lo mi cu EAO ruang ah asi. Peace le Rule of Law a um lo nak zong EAO ruang ah asi tiah Lihdia in vawlei pi ah thawng an zelh. Hlan ah cun EOAs le Tlangcung mi cu Chia Tin khawm, Hnawm Tin Phur, Kut hnawh nak puan chia, Chiah Tin Khar, Chia Hmung le Chia Bik kan rak si.

NLD cozah chan ah; DASSK nih AA cu Ral Hrang an si a ti ve hna. AA cihmih awk ah a hna tla pi hna. AA dohtu Kawl Ralkap cu min that nak le forh fial nak, thazang pek nak in, a khumh zual hna. Ram pi dindeih nak caah le Ral Hrang holh raltu Ralkap nan si tiah Roca a pek hna. A mah DASSK pumpak senthuh nak le Tamada Zung tacik he, Roca pek asi. Rakhine miphun an thin hmaka, nam sawh tu cu, hi Roca hi asi. Cu caah Mephek cu a hring ah siseh, a sen ah siseh, a thak ning aa khat ko tiah Rolling tuan phung an i ngeih phah nak asi.

DASSK chan thiam ah NCA ah lut duh lomi KIA, NCA ah cohlan loin, Tupung/damiah/Territorist timi Ralhrang cazin ah chiah mi hna cu; MNDA, TNLA, AA an si. An phu li fonh in, Northern Brother Alliance tiah min an i bunh ve. KIA cu an zenh hna i an tih rua. An tuk ngam hna lo. AA, MNDA le TNLA cu cihmih ding ah a tuk ter hna nain, an mah tu nih ngakchia tuah in an rak tuahto hna. EAO dang nih an ti ngam bak lomi, Maymyo Ralkap Siang Inn le Lashio khua pi tiang in an rak phomh hna.

MAH nih Uk nak a lak bak in, NLD le DASSK sirhlei nak ah tiah AA he kahdaih nak a tuah colh. Ral Hrang cazin in AA cu a hnawn i, Rakhine an pa bik Dr. Aye Maung zong thong Inn a chuah colh. Dr. Aye Maung cu; NLD le DASSK nih an remh lo bik pa asi. DASSK nih Thong a thlak tiah Rakhnie mipi nih an ti.

Paucan Dothlen nak tan kan phak le cang ka in, CRPH nih EAOs cu Misual le Ralhrang Cazin in an hnawl ve hna. Ram dawtu le phuntung tu ah an cohlan hna. Uico MAH le Ralkap nih Hriam hmang in Mipi, GZ, CDMers an kan namh tikah, van sang au in kan um. Kawl miphun nih le MAH Tupung Ralkap lawng an ngeih hna i, Ralkap dang an ngeih ti lo. MAH le Terapte nih tlangcung mi sin ah an tuah kel Ziaza asi mi an tial – khua chia Ziaza vialte cu; Kawl miphun nih, biatak tein an tem ve cang. Tlang cung mi nih kum 70 leng kan in tuar mi cu, theihngalh hram an thawk.

Tlang cung mi phun le EAOs i, Political Ideology timi Ramkhelh Lamthluan zong lung piang hram an thawk ve. UN le International ah Legitimacy a hlawh tlin tuan lo, process a rau tuk ti cu, an hung theih tikah, Kawlram le Kawl mipi, khum zual tu le Chan chuah khawh tu cu, EAOs lawng asi tiah kawl mipi nih an lung fiang ve cang (Tu cio lawng ah).

NUG zong nih Federal Army derh awk ah planning an ngeih ko nain hlawh a tlin khawh lo. Cu caah kan him nak lung cu EAOs lawng asi an ti ve cang. Kawl mi phun nih PDF an derh i, EAOs nih an training hna. Chin mi nih CDF, Kaya nih KNDF ti in, EAOs fapa le rual cu derh cio asi. UN le International level ah poipang le ning cang loin thil a kal sual zong ah kan phang lem ti lo. EAOs nih kan hna a kan ngam ter cang.

Hri Ee MAH le Terapte hloh Ral tu le Hell ram kuat tu Palo hi EAOs le CDF/PDF an si lai. A dang hi cu; hna bei sei asi lem lo. Credit cu EAOs le CDF ta asi. Cu caah NUG nih Legitimacy lawng papek in i zuam ti loin, EAOs he Pum khat si hi, i hmai thlak deuh ding asi. Takpum le thlarau bang, then khawh loin, EAOs le NUG cu Pum khat ah Hrin in sersiam can a cu tuk cang.

Nawl nak: A ho pumpak le Bukha soisel asi lo. Hlan ah mi sual ah rak hmuh mi EAOs cu Kawl mipi lung thin ah thiam an co nak langh ter duh mi asi. Lung piang fawi deuh ding in EAOs a hmuhsuan tu le Thlang lamh tu Luban hna le an policy ka thilh chih bia. EAOs le Afa upabik CDF/PDF nih Paucan Dothlen nak cu: an lehthalh dih te lai, Teinak cung nung an kan hmuh piak lai, NUG chan chuah tu zong an si lai, Khumzual tu le Chan chuah tu cu an mah an si ko ti le Credits vial te cu, an mah ta asi timi capar tu asi. Cucu Phete te a Unau le Family zong nih theihngalh ve hna seh timi saduhthat nak asi. Credit: