Lunglawmhnak le ngaihchiatnak ai cawhmi khuallam!
Lunglawmhnak le ngaihchiatnak ai cawhmi khuallam
=======
Ral ruang le rai ruangah ai tong kho ti lomi JMBC Khrihfabu riantuantu hna Thangzang Thar ah Minung 27 kan itong!
Ai lawm bantuk lungleng bantuk ngaihchia bantuk in kan um! Hmuhka ahcun kan ilawm nain biakam kan pau ah kan dang an kan khar cio ko! Thantlang khua JMBC ah hmunkhat i Pathian thangthat tti lio caan mitthlam ah an hung cuang than!
Meeting ah lungduhbia kan chim cio hna: kan tonmi harsatnak vialte kan chim cio tikah kan thilrit a zaang. Pastor te inn 6 a kang!JMBC Khrihfabu chungtel chungin ralzam hnu ah minung 5 nih mual an kan liam tak!
Khrihfabu tonlonak sauh tikah zeitindah kan ivetvat lai, thlaza kan icampiak lai, chiatnak thatnak kan ihrawm tti lai i kan idornak khua khrihfabu hna he lungkhat in rian kan tuanti lai ti pawl vialte kan caih. Thantlang kan kirthan tikah Khrihfabu kan izohkhenh thannak ding le dirkamhnak vialte caih a si!
Thangzang Thar nih an kan dawt ning le zohkhenh ning that ning cu hmur le ka nih chim awk tha lo tiang khin an kan dawt! Zeizong vialte an kan rin dih! Lungsi vang in kan vahvaihnak thilrit vialte Thangzang khua nih an kan phurh piak dih!
Tutan tlunkalnak ah herhhai vialte caah ram leng in JMBC dawtu nih phaisa sing 15 leng kai an kan kuat! US in, Australia in, Newzealand in Kalaymyo in an kan kuat! Kan I lawm tuk! Pathian nih thluachuah pe ko hna seh tiah thlaza kan campiak hna.
Ralzam chungah zeinihdah an simh cem hna: Sawngkhoi chungin thil sanhmi chuah duh ah bungh dih hauhmi le ttuangro le pher lak ah ihphah bil le samh le fim hauh pengmi hi zingzan tam cang le mi simh cem ko rua an ti cio! Khualtlawn pah in hmuh sung tonhar hawi le hna kan ihmuh khawh caah lungdi a riam khun!
Vawlei cung cu duh tlinlonak ram a si bang ni ruk zan le zarhpi chun ah Thangzang khuami minung pahnih nih mual an kan liam tak! Zarh pi zing ah Bungkhua, Fungkah le Lungler ah a lang in pumhpinak kan ngeih pi hna!
Thangzang kan kal lei cu Thantlang Sianginn sang kangh ka si caah kan pal ngam lo le kan hrial nain kir lei ah cun kan sang le kan Khrihfabu te pal ngam a hung si mi nih ngaihchiatnak lakah lung diriamhnak a hun kan pek!
Cu ticun mah le umnak khua lei panh in kan i tthen hna! Credit: Ca Cung Bik