LOUISIANA State um mi hna lawng nih (Emercency National Security Fund) ca’h $54, 800.00 an thawh

LOUISIANA State um mi hna lawng nih (Emercency National Security Fund) ca’h $54, 800.00 an thawh kan zapi te’n kan Kut bengh rih ṭhan ko hna uhsih. USA, Louisiana State ahhin Chin mi a um mi hi, mi tlawmte an si, Inn khat hman nih baulo te’n an thawh dih khan ah a tla. Chin mi tambik umnak Indianapolis le Dallas Taxes chinchin ahcun ngaih a um ngai ko.

Louisiana um mi, kan miphun le kan ram ca’h Phaisa thotu hna, Bawipa nih ṭuan kawl khawhnak in pe chin ko hna seh.
Kan ilawm tuk.

Relchap, An Nun an Pek Hi Maw Hun Philh Te Lai Cih. KALAYMYO – March 17 lawng bakte ah ‘ralkap’ kahnak in ‘minung 4’ an thi (Rev. Dr. Sang Uk Cung, March 18). A thimi lak ah Chin pasaltha Pu ‘Cin Khan Mang (kum 29)’ aa tel, a nupi le a fale hngakchia pahnih a rohtak hna (Rev. Dr. Sang Uk Cung, March 18).

A nupi le a fale hmanthlak zoh ah bia nih lungfahnak le ngaihchianak a san zia a daih lo. Misual lainawng cung ah thinhunnak mei a alh. Dingthlu nih an sual man dantatnak lai a rel te hrimhrim ko lai. An pur caan a phan te hrimhrim ko lai.

An nun an pek cang. Nuhmei ah an nupile an i cang, an fale ngaktah ah an i cang. Chungkhar cawmtu nun an lakkanh hna. An thisen, an rian, an i lawmhnak vialte hloh in Federal Democracy caah rai an thawi. Khua a dei tik ah, cuanglur in MP le Minister na ttuan tik ah, hitluk an tem-in hi upat hmaizahnak le an caah rianhtu ding na si kha hun philh te lai cih. Thisen phahmi lamphei i laam caan a chuah te tik ah, ‘pasaltha’ le ‘nusualtha’ le an chungkhar temtuarnak vialte hi hun philh sual lai cih. Salai B Chan Khar