Lawmhpi Cio Usih, Rual-U Person of The Year

RUAL-U PERSON OF THE YEAR
================
Kan Chin miphun chung in fimcawnnak (Education) lei ah zohchun awktlaak taktak in hlawhtlinnak a ngeimi Pu Than Tling, Farrawn le Pi Lal Zui Lian, Falam i an fapa “DAVID STANLEY” cu Rual-U phu nih “2020 Rual-U Person of The Year” laksawng pek ding ah an thim tiah thawng theih a si.

Rual-U Person of the Year thimmi hi trophy le phaisa fang $1000.00 pek an timh tiah kan theih. David Stanley hi vawleicung university ṭhami lakah mithang bik pakhat a simi YALE University ah kai kho ding in a thiamnak le ai zuamnak nih a tlinh i full scholarship an pekmi a si. Film & Media lei cawn hi a lung nih a duhmi si nain 1st year ah cun a major taktak ah zeidah cawn thai ding ai timhmi hi biakhiahnak a tuah rih lo tiah kan theih.

Kan miphun caah santlai taktak ding le bochan dingmi ah Pathian nih lam kan hruaipiak in hlawhtlin nak kan pekpiak peng ko seh tiah lawmhpi nak he. Credit: TheChinVoice