Laimi nih kan ii neih mi Dr.Lian Cin hi kawlram chung ah top 7 surgeons ah a tel bak ve mi asi!
=========
Australian Taxation Office – ATO nih Australia ram chung ii income sangbik mi rian 10 a langh ter than cang. Cu hna top 10 chung ah hin Medical lei he a pehtlai mi rian 4 an ii tel. Income a sangbik mi rian cu Surgeons pawl hi an si – Australia kan ram chung ah surgeons 4157 an um ii kumkhat chung ii average in an hmuh mi income hi $457,281 AUD asi. Cu lak ah ram chung mi hna nih an hmuh khawh mi income hi average in $68,289 AUD asi ii zaapi zaaran nih hmuh mi hi $50,980 AUD asi.
Mah ii ka chim duh mi cu, Laimi nih kan ii neih mi Dr.Lian Cin hi kawlram chung ah top 7 surgeons ah a tel bak ve mi asi, vawlei cung rian sang lak ah a tel bak ve mi dirhum ah aum ko nain, Miphun le Ram caah a kal tak dih ko.
Minung tampi bantuk in le nangmah le keimah bantuk hna in ramthumnak phan duh ve seh law a sining le a ngaihchiah chawva nih a phak ter khawh tuk mi si nain a Miphun le a Ram a thim thiamthiam.
Dr Lian Cin hi ramthumnak ah phan sual seh law a mui hmuh, amah thlopbul, a mah nih operation tuah piak cu chim lo asin ah appointment hmanh kan la kho hnga maw. Mah cu dirhmun asi kho ko mi cu dawkaw, man lo tein kan CNA/CDF ralkap pawl a khawngdeng mi le Khuanu khuapa pawl a thlohbul cuahmah ko hna cuh.
Minung ngai te hi ka ti, mah nih rak ii fian cang hin cun a mi zeihmanh zong nih fial le auh le hnek an hau lo ee. Cu ii zei thiamnak anei hleng ttung lomi nang le keimah, Heeh tiah fial chom, hnek chom kan herh lengmang mi hi kei cu ka ningzak tuk, mi hmai ka khap bak lo.
An lung fim te ko lai ti zong ah hin mu, nan ii nuai-nat nak ah kan pasalttha nusalttha an nunnak pazeizat dah liam cang. Caan nih mi a hngak lo ee, Caan nih mi a hngak lo, Time is way too precious hawidawt hna aw.
Mipi hna nan thazaang, abik in mino hna kan in herh ko hna ee lungrual tein kan ttan tti lo ahcun teinak he kan I hlat tuk lai ee. Nan mah lo cun teinak kan hmu lailo ee… Rak I tel ve hram cang ulaw.
Chin Ram SAC Kuttung Sianginn Ah Siangngakchia 50,000 leng Nih Min An Pek. Chin ramkulh SAC Ralkap kuttang on mi sianginn 400 hrawng ah sianginn kai ding in min cazin a pe mi siangngakchia thong sawmnga (50,000) leng an um, tiah Chim ramkulh fimcawnnak zung Data ning in theih a si. Tukum 2023-2024 cacawn kum hi SAC ralkap nih uknak a lak kumhnih chungah siangngakchia min cazin aa pe mi an tambik kum le sianginn tambik an on kum a si.
Siangngakchia pakhat nulepa nih an chim mi cu, “Kan fale sianginn an kai lonak kumthum hrawng a si cang i, sianginn kai thawk ding in kum 8 a si cang, a ṭhang ding mi an si caah sianginn kan kaiter hna hi a herh hrim ko,” tiah an chim.
Chin ramkulh fimthiamnak zung nih a cinken ning ah Paletwa peng in siangngakchia 22,000 nih min an pek i, Chin ramkulh in a tambik a si. Tidim peng in 10,000 hrawng, Tonzang in 6000 leng, Falam in 3700 leng, Hakha in 3000 leng, Matupi in 2500 leng le Mindat in 1500 leng le Kanpalet in 296, an zapi ah 50,000 leng an si. 2021 SAC nih uknak a lak hlan ah Chin ramkulh Siangcachimtu 10,000 hrawng an si nain hnarcheu leng CDM an tuah caah siangcachimtu 4,000 hrawng lawng an tang, tiah theih a si. Credit: Mercy Sung Zaathang