Laimi Kan Luan Deuh Tawnnak

𝐋𝐚𝐢𝐦𝐢 𝐤𝐚𝐧 𝐥𝐮𝐚𝐧 𝐝𝐞𝐮𝐡 𝐭𝐚𝐰𝐧𝐧𝐚𝐤!
=============
Facebook hi Mark Zuckerberg nih mipi caah asermi asi. Nangmah le keimah sermi asilo. Kannih cu kanmah “account” kan isermi te lawng hi kan ngeihmi asi. Kanmah duhning in midang nih Facebook an hmang lai lo.

U.S cu “freedom of speech” asi. Anmah le Facebook cio ah “live” thlahduhmi nih an thlahkhawh. “Thilzuar” huammi nih an zuar khawh. “Hlasak” huammi nih an sak khawh. “Hmanthlak” thlak le save duhmi nih an post khawh. “Videos” thlak huammi nih an ithlak khawh. “Thawngṭha” chim duhmi nih an chim khawh. “Caṭial” huammi nih an ṭial khawh. “News” tial huammi nih an ṭial khawh. “Theihtlei” ṭial huammi nih an ṭial khawh. “Capo” chim huammi nih an chim khawh. “Fimcawnnak” huammi nih an chim khawh. “Politics” huammi nih an tuah khawh. “Daitein” le athlitein mi tuahmi poah azoh huammi nih an zoh khawh ve. “Like, comment, share” an pek khawh. Anmah ngeihmi Facebook kha free tein anmah duhningtein hmankhawhnak nawl an ngei cio. Cucaah midang Facebook kongah kan ithlak tuk awk asilo.

Micheu nih Facebook ah cucu tuahding asilo. Khakha tuahding asilo tiah kan ti lengmang hna. Facebook hi kanmah chungkhar nih sermi hna alo tawn. Facebook ah “friends remove, unfriend, unfollow, restrict, leave the group, block, deactivate, delete” tuahnak an um ko. Kan hmuh duhlomi, hnahnawhnak a kan petu, kan remlomi, kan zoh duhlomi, kan huatmi le lungfahnak akan petu kha mah duhningtein tuah khawh cio asi.

Mi Facebook cungah luan deuh in kan ithlak tawnmi hi a ṭha deuh lo. Zeihedah aa lawh ti asi ahcun mi innchungkhar, mi rianṭuannak le mi khuasaknak ah “va ithlak” bantuk asi. Mahle innchungkhar cio ahcun “TV, ṭhutnak, rawleinak, ihnak, thilpuan chiahnak, tibantuk kha” kanmah le duhningtein kan chiah. Cu cungah midang nih an ithlak aherhlomi le thlaknak nawl zong an ngei lomi an si. Kanmah le Facebook cio kha kanmah duhningtein, nuamtein, lawmtein le hnangamtein Pathian sunparnak caah hman khawh hi abiapi deuh! Credit: James Van Nei Lian