Kyaukkyi Ah KNLA Hriamtlai le Ralhrang Pawl Kahdohnak Ah Ralkap 2 An Thi

Kyaukkyi Ah KNLA Hriamtlai le Ralhrang Pawl Kahdohnak Ah Ralkap 2 An Thi
=================
Bagon Region, Nyaunglebin District, Kyaukkyi Township ah nihin April 30, 2021 ni ah ralhrang bu le KNLA hriamtlai phu kahdohnak a um i, ralhrang lei minung 2 an thi, tiah KNU/KNLA no.2 hmunram Saw Wa Moe Ze (စောဝါးမူဇက်) nih a chim. Hi kong he pehtlai in kahdohnak ruangah khuami dornak kawl in an zamhnak ah Inntaingkung khuami kum 70 Saw Maung Lun cu lungfak zawtnak in a thi tiah theih a si.

Hi kahdohnak a thawknak cu KNLA hriamtlai phu cu Kyauksayin ohsuh, Inntaingkung khuate lei khuami he nihin an kal nak ah ခလရ (၆၀) tang um tatcheu Kyaukcayeh sakhaan um ralhrang he an ton sual i, kahdohnak a chuah tiah theih a si. Hi kahdohnak kong ah ralhrang lein thawng fiangternak an tuahmi le thawngzamh mi a um rih lo, tiah thawng theih a si. Source: Myanmar Now

Thailand Ramri Um Tawletha Ralhrang Sakhaan Pakhat Cu KNU/KNLA Brigade -5 Nih An Lak. Thailand ramri um hmun khurnak Tawletha ralhrang sakhaan pakhat cu April 27, 2021 zingka suimilam 5:00 hrawng ah KNU – Karen National Union/ Karen National Liberation Army Brigade – 5 nih an luhhnawh hna i, an lak khawh, tiah thawng theih a si. Tuzing suimilam 5:00 hrawng in an kahdoh hna i, suimilam 6:00 hrawng ah an lak khawh tiah theih a si. Ralhrang sakhaan zong mei in an kangh piak ding hna hlei ah ralhrang ralkap 7 cu meithal he an zam, tiah Thailand lei in minung pakhat nih a hmuhmi hna cu KNU sinah thawng a thanh hna.

A luanciami March 27, 2021 ni zongah Timutha ralhrang sakhaan pakhat cu KNU Brigade – 5 nih an rak lak cang. Tutan KNU/KNLA hriamtlai phu nih an lakmi sakhaan hi Thailand ramri le Myanmar ramri ah a ummi a si i, tiva kam teah a ummi a si. Nihin ni ahcun KNU hriamtlai phu nih sakhaan zong mei in an kangh piak ding cang hna. Kawlram mipi caah thawngtha tuk a si, KNU/KNLA le KIO/KIA hraimtlai phu nih ralhrang sakhaan pakhat an kah hnu ah cun tihnung an si ko. Ralhrang sakhaan pakhat an lak tikah suimilam 1, 2, 3 hrawng lawng an rau mi nih khuaruah cu an si ve ko.

Relchap, Bohmu Khin Maung Kyi Cu KNU Hriamtlai Phu Sinah An Zam. Mon ramkulh, Kyaithu pengkulh chung Tatmah 44 tang um ခလရ ၈ Tatzin-hmu Bohmu Khin Maung Kyi cu ralbawi pakhat le ralkap 6 hna cu a zamhpi hna, tiah thawng theih a si. Hi kong he pehtlai in Bohmu Khin Maung Kyi nih a zam pimi hna hi Kayin National Union hriamtlai he an i fonh cang, tiah theih a si.

Bohmu Khin Maung Kyi cu 2021 kum ah Ye-mon Tatzin ah Tatzinhmu pakhat a rak si. Tatmadaw chung buainak ruangah amah le a dang tatzinhmu 7 cu tlaih an rak ton bal cang. Cu hnu ah amah pakhat lawng hi ralkap rian dinhter lomi a si i, Tatzinhmu in Bokyi ah a riantuan a thumh piak dantat nak an pek. 2019 tiang kum 10 chung bak Bokyi dirhmun ralkap cu a rak tuan i, 2020 hnu ceu ah Bohmu rengsang an rak pek thanmi a si.

Bohmu Khin Maung Kyi cu rengsang an kai than khawh in ခလရ ၈ tatzin ah Tatzinhmu rian an pek thanmi a si, tiah FNG nih a langhter. Bohmu Khin Maung Kyi le a dang ralkap pawl cu nizan zan ah ခလရ ၈ in tluang tein an chuah khawh. Bohmu Khin Maung Kyi bantuk in ခမရ ၁၀၂ um ralkap dang pawl zong sakhaan chuah tak in an zam cio hna, tiah thawng theih a si. Source: FNG