Kumthar Thlacamnak Le Thluachuah Hrawktu Min Aung Hlaing!
Kumthar Thlacamnak le Thluachuah Hrawktu MAH.
=========
Christmas le Kumthar ah Kanco mi, Lunglawmh nak, Hnangam nak, Lungdaih nak,Thlawchuah nak, Sithatnak, kan hmuitinh, Kan Chunmang, vialte hi Khuachai MAH le Ralhrang Rallokap nih an hrawk dih te lai. Christmas le Kumthar thluachuah a rawk dih cu; kan zeizongte rawk cikcek asiko. Pathian nih an kan pe cia mi hmanh hrawk dih a timh tu MAH asi.
Kawl pennak le mipi pennak a hrawk mi, Tlangcungmi sal ah zuat zungzal, Amay Suh le Ram hruaitu a tlaih hna, Mino le mipi tampi a thah kha cu, chimh awk aum tilo. Nunchung mi tlamtlinlo siding in an kan tuah tu MAH asi. Krih sin in kan co mi hnangam nak, lungdeihnak le duhdimnun vialte zong MAH thawngin a rawk cikcek (cang / lai). Christmas le Kumthar ah a thar in kan co than mi pelte zong, arau hlan ah minmei bang an tlau te lai, MAH le Ralhrang Rallokap ruang ah.
Merry Christmas, Happy News Year tiah thluachuah kan i pe cio hna. Jesuh min in thluachuah i pe uh a ti bang, thluachuah za i pe cio asi. Krih thawng in a tlin tawn i, tutan zong a tlin fawn. Hmailei zong a tlin lai tiah, 100% zumh asi. Nain, canrau lo te ah, MAH ruang ah, an rawk dih lai, ruah ah, zanram a um tuk hrinhran. Kawl Luban kip nih Krifa le Jesuh Khrih an hrem lengmang ti cu theih dih mi asi.
NLD asimi kei zong nih ka hngalh ve ko. Amay Suh hi Krifa cu a hremh lo nain an kan tanh hlei lo i, krifa temtawnnak le hremhnak kha an kan phoih piak hlei lo. Krifa le Tlangcung mi kong ah, Amaysuh hi, a Phete, ti khawh asi. Kawl Luban vialte lakah, krifa mi caah a zual khun mi cu MAH asiko. Christmas le Kimthar camtuak thengmang ah, Karen le Chin (Kalay – Natchaung) ah vanlawng in a kan kah. Christmat le kumthar lawmhnak tlau cikcek in a tuah hna.
Pathian nih Tlamtlin tein hnangam lungdeihnak le Duhdimnun cu a lak tein pek cia kan si. Christmas ah a hlawhtlin khun i, Kumthar ah a thar than. Satan nih Eden dum ah a hrawk bantukin MAH nih a hrawk cikcek i hrawk aa timh than. Kawlram Vawlei pennak lawng siloin, Van pennak le Khrih pekmi nun cung nung tiang in hrawk a timh tu MAH doh in Cihmih hi Pathian duhnak asilo atitu nan um dara?
Tukhaltu Pastorte le Siangbawi te telin, Krifa vialte nih doh awk ah rian khinh kansi. Culocu Pastorte nih, Kutchuan in le vanlei kutzau in, thluachuah nan pek cia mi, Christmas le Kumthar thluachuah cu, MAH nih a vaivuanh dih cang lai. Pastorte le Krifa Upa nih Raldoh ah kan i thawh khawh lailo caah 1/10 le thawhlawm tal cu Khuacia Satan MAH doh awk ah thawh ter ve cang hna sih.
Chinram le Chin Miphun damnak le Duhdim nun caa lawng ah siloin, Khrih le A Krifabu cihmihtu MAH le Kawl pennak dohtu CNA/CDF hi ava ropui tuk hrinhran dah. Ngeichia Chawva, thinlung dih um in bawmh cang hna usih, Kri fial mi rian thiang ah cohlan cang hna sih. Ngeichia Chawva in kan bawmh khawh hna ahcun, an thangchiat, an mualpho, an santlaih lo nak, vialte pho langh ti hna usih.
FB le Media ah CDF dohdal in catial hi cu kumthar hnu cun um ti bak hlah seh. CDF kong ah Kan hmurkaa cip cang hna sih. Fim cuh in Saya tuan ti hlah usih. Abikin Sayaci le Sayama ci rual nih hmurkaa cip nun, cawn ve cang sih. Christmas le Kumthar lawmhnak hrawktu ding MAH cihmih tu ding CDF an si caah. Credit: Joseph R. Thang